വെള്ളാപ്പള്ളിയുടെ എല്ലാനിലപാടും ഏറ്റെടുക്കേണ്ട: സി.പി.എം.
കൊച്ചി/തിരുവനന്തപുരം: എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശന്റ എല്ലാ നിലപാടുകളുടെയും ഉത്തരവാദിത്വം ഏറ്റെടുക്കേണ്ട ബാധ്യത സി.പി.എമ്മിന് ഇല്ലെന്ന് സംസ്ഥാന സെക്രട്ടറി എം.വി. ഗോവിന്ദന്.
എന്നാല്, അദ്ദേഹമെടുക്കുന്ന മതനിരപേക്ഷ നിലപാടുകളെ സ്വീകരിക്കും. വെള്ളാപ്പള്ളി പ്രബല സമുദായ നേതാവാണ്. അദ്ദേഹത്തിന് സ്വന്തമായ അഭിപ്രായമുണ്ട്. അദ്ദേഹത്തെ നിയന്ത്രിക്കണമെന്ന് പാര്ട്ടിക്ക് അഭിപ്രായമില്ലെന്നും ഗോവിന്ദന് പറഞ്ഞു.
സി.പി.ഐക്കാരെ ചതിയന് ചന്തു എന്നു വിളിച്ച വെള്ളാപ്പള്ളിയുടെ അഭിപ്രായപ്രകടനവും സി.പി.എം. സെക്രട്ടറി തള്ളിക്കളഞ്ഞു. സി.പി.ഐയും സി.പി.എമ്മും നല്ല ബന്ധത്തിലാണ്. നല്ല ഐക്യത്തില്ത്തന്നെ മുന്നോട്ടുപോകും.
സി.പി.ഐ. ചതിയന് ചന്തുവാണെന്ന വെള്ളാപ്പള്ളിയുടെ പരാമര്ശത്തെ മുഖ്യമന്ത്രിയും വാര്ത്താസമ്മേളനത്തില് തള്ളിക്കളഞ്ഞിരുന്നു. സി.പി.ഐ. മുന്നണിയിലെ പ്രധാന ഘടകകക്ഷിയാണ്. അവര് ഏതെങ്കിലും തരത്തിലുള്ള വഞ്ചനയും ചതിയും കാണിക്കുമെന്ന തോന്നല് തങ്ങള്ക്കാര്ക്കുമില്ലെന്ന് പിണറായി തിരുവനന്തപുരത്ത് പറഞ്ഞു.
പിണറായി സര്ക്കാരിന്റെ കഴിഞ്ഞ പത്തുവര്ഷക്കാലത്ത് സ്കൂളുകള് തുറക്കാന് അനുമതി ലഭിച്ചില്ലല്ലോ എന്ന വെള്ളാപ്പള്ളിയെ ചൊടിപ്പിച്ച ചോദ്യത്തിന്, വിദ്യാഭ്യാസ സ്ഥാപനത്തിന് അനുമതി നല്കുന്നത് സര്ക്കാരിന്റെ ഭരണപരമായ വിഷയമാണെന്നും അതില് മറുപടി പറയാന് സര്ക്കാരിനു മാത്രമേ കഴിയൂവെന്നും എം.വി. ഗോവിന്ദന് പറഞ്ഞു.
YOU MAY BE INTERESTED
LATEST NEWS
- അലുവ അതുലിന്റെ കൊലപാതകം: മുഴുവന് പ്രതികളും പിടിയില്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
