2025 ഞങ്ങള്‍ക്കും കുടുംബത്തിനും പ്രയാസകരമായ വര്‍ഷമായിരുന്നു പക്ഷേ ഞങ്ങള്‍ അതിലൂടെ തലയുയര്‍ത്തി കടന്നുപോയി; കുറിപ്പുമായി കരീന

photo-www.instagram.com/kareenakapoorkhan/

പോയ വര്‍ഷത്തെക്കുറിച്ച് ഹൃദയസ്പര്‍ശിയായ കുറിപ്പ് പങ്കുവെച്ച് ബോളിവുഡ് താരം കരീന കപൂര്‍. 2025 തങ്ങള്‍ക്കും കുടുംബത്തിനും പ്രയാസമേറിയ വര്‍ഷമായിരുന്നു എന്നാല്‍ ഞങ്ങള്‍ അതിലൂടെ തലയുയര്‍ത്തി കടന്നുപോയി എന്നും താരം കുറിച്ചു. ഒപ്പം പുതുവര്‍ത്സര ആശംസകളും നടി നേരുന്നുണ്ട്. ഭര്‍ത്താവും നടനുമായ സെയ്ഫ് അലിഖാനൊപ്പമുളള ചിത്രം പങ്കുവെച്ചുകൊണ്ടായിരുന്നു കരീനയുടെ ആശംസ.

‘വർഷത്തിലെ അവസാന ദിവസത്തിലേക്ക് ഞങ്ങൾ എത്തിയതിനെക്കുറിച്ച് ഞങ്ങൾ ഇരുന്ന് ചിന്തിക്കുമ്പോൾ... ഞങ്ങൾ ഇത്രയും ദൂരം നടന്നു. 2025 ഞങ്ങൾക്കും, ഞങ്ങളുടെ കുട്ടികൾക്കും, ഞങ്ങളുടെ കുടുംബങ്ങൾക്കും പ്രയാസമേറിയ ഒരു വർഷമായിരുന്നു... പക്ഷേ ഞങ്ങൾ അതിലൂടെ തലയുയർത്തി, ചിരിച്ചും പിടിച്ചും കടന്നുപോയി. ഞങ്ങൾ ഒരുപാട് കരഞ്ഞു, ഞങ്ങൾ പ്രാർത്ഥിച്ചു, ഇപ്പോൾ ഞങ്ങൾ ഇവിടെയുണ്ട്... 2025 നമ്മെ പഠിപ്പിച്ചത് മനുഷ്യ പ്രകൃതം നിർഭയമാണെന്നും, സ്നേഹം എല്ലാം കീഴടക്കുമെന്നും, കുട്ടികൾ നമ്മൾ വിചാരിക്കുന്നതിലും ധീരരാണെന്നും...

View this post on Instagram

A post shared by Kareena Kapoor Khan (@kareenakapoorkhan)

നമ്മുടെ ആരാധകർക്കും, സുഹൃത്തുക്കൾക്കും, ഞങ്ങളോടൊപ്പം നിൽക്കുകയും ഞങ്ങളെ പിന്തുണയ്ക്കുകയും ചെയ്ത എല്ലാവർക്കും നന്ദി പറയാൻ ഞങ്ങൾ ആഗ്രഹിക്കുന്നു...എല്ലാറ്റിനുമുപരി സർവ്വശക്തനായ ദൈവത്തിനും നന്ദി പറയുന്നു. ഞങ്ങളുടെ വയറുകളിൽ ഒരു പുതിയ തീ, അതിരറ്റ നന്ദിയും പോസിറ്റീവിറ്റിയും, ഞങ്ങൾ ഏറ്റവും നന്നായി ചെയ്യുന്ന കാര്യങ്ങളോടുള്ള അചഞ്ചലമായ അഭിനിവേശവുമായാണ് ഞങ്ങൾ 2026-ലേക്ക് പ്രവേശിക്കുന്നത്... സിനിമകൾ...ഞാൻ എപ്പോഴും പറയുന്നതുപോലെ, ചാർ ദി കല, എല്ലാവർക്കും പുതുവത്സരാശംസകൾ ’കരീന കുറിച്ചു.

2025 കരീനയ്ക്കും കുടുംബത്തിനും വെല്ലുവിളി നിറഞ്ഞ വര്‍ഷമായിരുന്നു. ഈ വര്‍ഷം ആദ്യമായിരുന്നു ബാന്ദ്രയിലെ വസതിയില്‍ അതിക്രമിച്ച് കയറിയ മോഷ്ടാവ് സെയ്ഫ് അലിഖാനെ ആക്രമിച്ചത്. കുട്ടികളുടെ മുറിയില്‍ കളളന്‍ കയറിയെന്ന് സഹായികളില്‍ ഒരാള്‍ അറിയിച്ചതിനെ തുടര്‍ന്നാണ് സെയ്ഫ് മുറിയിലെത്തിയത്. തുടര്‍ന്ന് നടന്ന ഏറ്റുമുട്ടലിയാണ് പ്രതി സെയ്ഫ് അലിഖാനെ കുത്തി പരിക്കേല്‍പ്പിച്ചത്. ശരീരത്തില്‍ ആറ് തവണയാണ് കുത്തേറ്റത്. നട്ടെല്ലില്‍ കുത്തിയ കത്തിയുടെ ഒരു ഭാഗം കുടുങ്ങിയ നിലയിലാണ് സെയ്ഫിനെ ലീലാവതി ആശുപത്രിയില്‍ പ്രവേശിപ്പിച്ചത്. അടിയന്തര ശസ്‌ക്രിയയ്ക്കുശേഷം അപകടനില തരണം ചെയ്ത താരം ജനുവരി 21 നാണ് ആശുപത്രി വിട്ടത്.