അന്വേഷണ സംഘത്തില് രണ്ട് സി.ഐമാരെ ചേര്ത്തത് വിശ്വാസ്യത തകര്ക്കാന്: സതീശന്
തിരുവനന്തപുരം: ശബരിമല സ്വര്ണക്കൊള്ള അന്വേഷിക്കാന് ഹൈക്കോടതി നിയോഗിച്ച പ്രത്യേക അന്വേഷണസംഘത്തി(എസ്.ഐ.ടി)ല് സി.പി.എം. നേതൃത്വവുമായി ബന്ധമുള്ള രണ്ട് സി.ഐമാരെ നിയോഗിച്ചത് അന്വേഷണ സംഘത്തിന്റെ വിശ്വാസ്യത കര്ക്കുന്നതാണെന്ന് പ്രതിപക്ഷ നേതാവ് വി.ഡി. സതീശന്.
എന്ത് മാനദണ്ഡത്തിന്റെ അടിസ്ഥാനത്തിലാണ് സി.പി.എം. ഫ്രാക്ഷനില് ഉള്പ്പെട്ടവരെ സംഘത്തില് നിയോഗിച്ചതെന്നു വെളിപ്പെടുത്തണമെന്ന് അദ്ദേഹം ആവശ്യപെട്ടു.
ഹൈക്കോടതിക്കു നല്കിയ പേരുകളില് നിന്നാണ് ഇവരെ തെരഞ്ഞെടുത്തത്. ഈ പേരുകള് വന്നതിനുപിന്നില് സംസ്ഥാനത്തെ രണ്ട് മുതിര്ന്ന ഐ.പി.എസ്.ഉദ്യോഗസ്ഥരും ൈക്രംബ്രാഞ്ച് ആസ്ഥാനത്തിരുന്ന് സി.പി.എമ്മിനു വേണ്ടി വിടുപണി ചെയ്യുന്ന ഉന്നതനുമാണ്. ക്രമസമാധാന ചുമതലയില് ഇരുന്നപ്പോള് ഇതേ ഉദ്യോഗസ്ഥന് കോണ്ഗ്രസ്നേതാക്കള്ക്കെതിരേ കള്ളക്കേസുകള് ചുമത്തി കുപ്രസിദ്ധനായ വ്യക്തിയാണ്. ൈക്രംബ്രാഞ്ച് ആസ്ഥാനത്ത് ഇരുന്ന് സി.പി.എമ്മിനു വേണ്ടി അന്വേഷണം അട്ടിമറിക്കാനുള്ള ശ്രമമാണ് ഇയാള് നടത്തുന്നതെന്നും സതീശന് പറഞ്ഞു.എസ്.ഐ.ടിയുടെ നീക്കങ്ങള് സര്ക്കാരിലേക്ക് ചോര്ത്തുകയും അന്വേഷണത്തെ വഴിതിരിച്ചു വിട്ട് യഥാര്ഥ കുറ്റവാളികളെ സംരക്ഷിക്കുകയുമാണ് സംഘത്തിന്റെ ലക്ഷ്യം. ഇക്കാര്യത്തില് ഹൈക്കോടതി അടിയന്തിര പരിശോധനയും ഇടപെടലും നടത്തണമെന്നും അദ്ദേഹം ആവശ്യപ്പെട്ടു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
