അടൂര് പ്രകാശിനെയും ചോദ്യംചെയ്യും
തിരുവനന്തപുരം: ശബരിമല സ്വര്ണക്കവര്ച്ച കേസില് പ്രത്യേകാന്വേഷണസംഘം (എസ്.ഐ.ടി) യു.ഡി.എഫ്. കണ്വീനര് അടൂര് പ്രകാശിന്റെ മൊഴിയെടുക്കും. കേസിലെ ഒന്നാംപ്രതി ഉണ്ണിക്കൃഷ്ണന് പോറ്റിയെ പരിചയമുണ്ടെന്ന് അടൂര്
പ്രകാശ് വ്യക്തമാക്കിയിരുന്നു. കോണ്ഗ്രസ് നേതാവ് സോണിയ ഗാന്ധിയുമായുള്ള പോറ്റിയുടെ കൂടിക്കാഴ്ചയില് അദ്ദേഹം ഒപ്പമുണ്ടായിരുന്നതും കണക്കിലെടുത്താണ് എസ്.ഐ.ടി. നീക്കം.
എസ്.ഐ.ടി. അന്വേഷണം ഉന്നതരിലേക്കും വ്യാപിപ്പിക്കണമെന്ന് അടൂര് പ്രകാശ് കഴിഞ്ഞദിവസം ആവശ്യപ്പെട്ടിരുന്നു. മുന് ദേവസ്വം മന്ത്രി കടകംപള്ളി സുരേന്ദ്രനെ ചോദ്യംചെയ്യാന് വൈകിയതിനു കാരണം മുഖ്യമന്ത്രി ഉള്പ്പെടെയുള്ളവരുടെ ഇടപെടലാണെന്നും ആരോപിച്ചു.
ഇന്നലെ എസ്.ഐ.ടി. കസ്റ്റഡിയില് വാങ്ങിയ പ്രതികളായ ഉണ്ണിക്കൃഷ്ണന് പോറ്റി, സ്മാര്ട്ട് ക്രിയേഷന്സ് സി.ഇ.ഒ. പങ്കജ് ഭണ്ഡാരി, ബെല്ലാരിയിലെ ജൂവലറി ഉടമ ഗോവര്ധന് എന്നിവരെ ഒന്നിച്ചിരുത്തി ചോദ്യംചെയ്തശേഷം അടൂര് പ്രകാശിന്റെ മൊഴിയെടുക്കാനാണ് നീക്കം.
പോറ്റിക്കൊപ്പം അടൂര് പ്രകാശ് നടത്തിയ ഡല്ഹി യാത്രയുടെ ഉള്പ്പെടെ വിവരങ്ങള് എസ്.ഐ.ടി. ശേഖരിച്ചു. കടകംപള്ളി സുരേന്ദ്രന്റെ മൊഴിയിലെ ചില കാര്യങ്ങള് സംബന്ധിച്ച് പോറ്റിയില്നിന്ന് വ്യക്തത വരുത്തുകയും ചെയ്തു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
