മന്നം ജയന്തി ആഘോഷത്തിന് ഇന്ന് പെരുന്നയില് തുടക്കം
ചങ്ങനാശേരി: 149-ാം മന്നം ജയന്തി ആഘോഷം ഇന്നും നാളെയുമായി പെരുന്ന എന്.എസ്.എസ് ആസ്ഥാനത്ത് നടക്കും. ഇതിനുള്ള ഒരുക്കങ്ങള് പൂര്ത്തിയായി. രാവിലെ ഭക്തിഗാനാലാപം, ഏഴുമുതല് മന്നം സമാധിയില് പുഷ്പാര്ച്ചന, 10.15ന് എന്.എസ്.എസ്. ബോയ്സ് ഹൈസ്ക്കൂള് മൈതാനിയിലെ വേദിയില് അഖിലകേരള നായര് പ്രതിനിധി സമ്മേളനത്തില് ജനറല് സെക്രട്ടറി ജി.സുകുമാരന്നായര് സ്വാഗതവും വിശദീകരണവും നല്കും. എന്.എസ്.എസ്. പ്രസിഡന്റ് ഡോ.എം.ശശികുമാര് അധ്യക്ഷത വഹിക്കും. എന്.എസ്.എസ് സെക്രട്ടറി ഹരികുമാര് കോയിക്കല് നന്ദി പറയും.
ഉച്ചകഴിഞ്ഞ് മൂന്നിന് കുന്നക്കുടി ബാലമുരളീകൃഷ്ണ അവതരിപ്പിക്കുന്ന സംഗീതക്കച്ചേരി, വൈകീട്ട് 6.30 ന് ചലച്ചിത്രതാരം ആശാ ശരത്തും സംഘവും അവതരിപ്പിക്കുന്ന നൃത്തസന്ധ്യ. രാത്രി ഒന്പതിന് മേജര് സെറ്റ് കഥകളി നളചരിതം നാലാംദിവസം,നിഴല്ക്കുത്ത്.
മന്നം ജയന്തി ദിനമായ നാളെ രാവിലെ ഭക്തിഗാനാലാപം. ഏഴുമുതല് മന്നം സമാധിയില് പുഷ്പാര്ച്ചന.വേദിയില് വെട്ടിക്കവല കെ.എന്.ശശികുമാര് അവതരിപ്പിക്കുന്ന നാഗസ്വരക്കച്ചേരി. രാവിലെ 8.30 ന് സാന്ദ്രാനന്ദലയം. 11 ന് നടക്കുന്ന മന്നംജയന്തി സമ്മേളനം ദേശീയ ന്യൂനപക്ഷ വിദ്യാഭ്യാസ കമ്മിഷനംഗവും എം.ജി സര്വകലാശാല മുന് വൈസ് ചാന്സലുമായ ഡോ.സിറിയക് തോമസ് ഉദ്ഘാടനം ചെയ്യും. എന്.എസ്.എസ് പ്രസിഡന്റ് ഡോ.എം.ശശികുമാര് അധ്യക്ഷത വഹിക്കും. കവിയും ഗിനരചയിതാവുമായ രാജീവ് ആലുങ്കല് അനുസ്മരണപ്രഭാഷണം നടത്തും. എന്.എസ്.എസ് ജനറല് സെക്രട്ടറി ജി.സുകുമാരന് നായര് സ്വഗതവും ട്രഷറര് എന്.വി.അയ്യപ്പന്പിളള നന്ദിയും പറയും.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
