അതിശയോക്തി , വസ്തുതകള് വളച്ചൊടിക്കുന്നു; സല്മാന് ഖാന്റെ 'ബാറ്റില് ഓഫ് ഗാല്വാന്' സിനിമയ്ക്കെതിരേ ചൈനീസ് മാധ്യമം, ചുട്ടമറുപടിയുമായി ഇന്ത്യ
ന്യൂഡല്ഹി: സല്മാന് ഖാന് അഭിനയിച്ച 'ബാറ്റില് ഓഫ് ഗാല്വാന്' എന്ന സിനിമ വസ്തുതകള് വളച്ചൊടിക്കുന്നതാണെന്ന ചൈനീസ് മാധ്യമങ്ങളുടെ ആരോപണത്തിനു മറുപടിയുമായി ഇന്ത്യ. കലാസ്വാതന്ത്ര്യമുള്ള രാജ്യത്ത് അതിന്റെ അടിസ്ഥാനത്തില് സിനിമ നിര്മിക്കാന് ചലച്ചിത്രപ്രവര്ത്തകര്ക്ക് അവകാശമുണ്ടെന്നാണ് ഇന്ത്യയുടെ മറുപടി.
ഇന്ത്യന് കരസേനയുടെ 16 ബിഹാര് റജിമെന്റും ചൈനീസ് പട്ടാളവുമായി 2020 ജൂണില് ഗാല്വാന് താഴ്വരയില് നടന്ന ഏറ്റുമുട്ടലാണ് സിനിമയുടെ ഇതിവൃത്തം. നുഴഞ്ഞുകയറ്റക്കാരായ ചൈനീസ് പട്ടാളക്കാരെ തുരത്തുന്നതിനിടെ വീരമൃത്യു വരിച്ച കേണല് ബിക്കുമല്ല സന്തോഷ് ബാബുവായാണ് ചിത്രത്തില് സല്മാന് ഖാന് വേഷമിടുന്നത്. ആയുധങ്ങളുപയോഗിക്കാതെ ഗാല്വാനില് നടന്ന കൈയാങ്കളിയില് 20 സൈനികര് വീരമൃത്യു വരിച്ചതായി ഇന്ത്യ സ്ഥിരീകരിച്ചിരുന്നു. തങ്ങളുടെ ഒരു സൈനികന് പോലും മരിച്ചില്ലെന്നായിരുന്നു ആദ്യം ചൈനയുടെ അവകാശവാദം. എന്നാല്, നാലുപേര് കൊല്ലപ്പെട്ടതായി പിന്നീട് വ്യക്തമാക്കി. യഥാര്ത്ഥ മരണസംഖ്യ ചൈന പുറത്തുവിട്ടിട്ടില്ല.
ഇന്ത്യ ആവിഷ്കാരസ്വാതന്ത്ര്യമുള്ള രാജ്യമാണെന്നും ചലച്ചിത്രനിര്മിതി അതിന്റെ അവിഭാജ്യഘടകമാണെന്നും ഔദ്യോഗികവൃത്തങ്ങള് വിശദീകരിച്ചു. ഈ സിനിമയെപ്പറ്റി ആശങ്കയുള്ളവര്ക്ക് വ്യക്തതയ്ക്കായി ഇന്ത്യന് പ്രതിരോധമന്ത്രാലയത്തെ സമീപിക്കാമെന്നും വിശദീകരണത്തില് പറയുന്നു.
ഗാല്വാനില് നടന്നതായി സിനിമയില് ചിത്രീകരിച്ചിരിക്കുന്ന സംഭവങ്ങള് യാഥാര്ത്ഥ്യത്തിനു നിരക്കുന്നതല്ലെന്നാണ് ചൈനീസ് ഔദ്യോഗികപത്രമായ 'ഗ്ളോബല് ടൈംസി'ന്റെ ആരോപണം. സിനിമയിലെ അതിശയോക്തി കൊണ്ട് ചരിത്രം മാറ്റിയെഴുതാനാവില്ലെന്നും ചൈനീസ് സൈന്യത്തിന്റെ ഇഛാശക്തിക്ക് ഇളക്കം തട്ടില്ലെന്നും പത്രത്തിലെ ലേഖനത്തില് പറയുന്നു. ഗാല്വാന് ചൈനീസ് ഭൂപ്രദേശമാണെന്ന തെറ്റായ അവകാശവാദവും ലേഖനത്തിലുണ്ട്.
YOU MAY BE INTERESTED
LATEST NEWS
- കെ ബി ഗണേഷ് കുമാറിന് തിരിച്ചടി; അധ്യക്ഷനായ എന്എസ്എസ് പത്തനാപുരം യൂണിയന് പിരിച്ചുവിട്ടു
- ഇടുക്കിയില് പട്ടയഭൂമിയിലെ നിര്മാണ നിരോധനം നീക്കി; ഭൂമി മറ്റാവശ്യങ്ങള്ക്കും ഉപയോഗിക്കാം
- ഹോർമുസ് കടലിടുക്കിൽ കപ്പൽ ആക്രമിക്കപ്പെട്ടു; കപ്പലിൽ തീപ്പിടുത്തം, ജീവനക്കാരെ ഒഴിപ്പിച്ചു
- നഴ്സുമാരുടെ സമരത്തിൽ ഇടപെട്ട് ഹൈക്കോടതി; ചൊവ്വാഴ്ച മധ്യസ്ഥത ചർച്ച ; ചർച്ച പൂർത്തിയാകുംവരെ സമരം പാടില്ല
- എം ആർ അജിത് കുമാറിനെ എക്സൈസ് കമ്മീഷണർ ചുമതലയിൽ നിന്ന് മാറ്റി; പകരം ചുമതല അഡീഷണൽ എക്സൈസ് കമ്മീഷണർക്ക്
