മറ്റത്തൂരില് യു.ഡി.എഫിനെ വെട്ടിലാക്കി വിമതന് 'ബി.ജെ.പി. ഡീലിനു പിന്നില് ഡി.സി.സി. ജനറല് സെക്രട്ടറി'
തൃശൂര്: മറ്റത്തൂര് പഞ്ചായത്തില് യു.ഡി.എഫിനെ വെട്ടിലാക്കുന്ന വെളിപ്പെടുത്തലുമായി കോണ്ഗ്രസ് വിമതന് കെ.ആര്. ഔസേഫ്. തൃശൂര് ഡി.സി.സി. ജനറല് സെക്രട്ടറി ടി.എം. ചന്ദ്രന് ബി.ജെ.പിയുമായി ധാരണയുണ്ടാക്കിയെന്നും ഇതിന് കൂട്ടുനില്ക്കാത്തതിനാലാണ് തന്നെ ഒഴിവാക്കി മറ്റൊരു സ്വതന്ത്രയെ പ്രസിഡന്റാക്കിയതെന്നും ഔസേഫ് ആരോപിച്ചു.
പ്രസിഡന്റ് സ്ഥാനം വാഗ്ദാനം ചെയ്തിട്ടും വര്ഗീയകക്ഷിയുമായി കൂട്ടുചേരാന് താന് വിസമ്മതിച്ചെന്നും ഔസേഫ് അവകാശപ്പെട്ടു. ജില്ലയിലെ ഒരു എം.എല്.എയാണ് എല്ലാത്തിനും ചരടുവലിച്ചതെന്നും ഔസേഫ് ആരോപിക്കുന്നു. തൃശൂര് ഡി.സി.സി. ജനറല് സെക്രട്ടറി ടി.എം. ചന്ദ്രന് തന്നെയാണ് ബി.ജെ.പിയുമായി ഡീല് ഉണ്ടെന്ന് തന്നോട് വെളിപ്പെടുത്തിയത്.
അഞ്ചുപേര് ചര്ച്ചക്കായി വീട്ടിലെത്തിയ സി.സി. ടിവി ദൃശ്യങ്ങളും ഔസേഫ് പുറത്തുവിട്ടു. നമ്മള് ഭരിക്കുമെന്നും നീയാണ് പ്രസിഡന്റ് എന്നുമാണ് അന്ന് വീട്ടില് എത്തിയവര് പറഞ്ഞത്. എട്ടു യു.ഡി.എഫ്. അംഗങ്ങളും രണ്ടു വിമതരും ചേര്ന്നാലും പത്തുപേരേ ആകൂ എന്നതിനാല് എന്താണ് ഉദ്ദേശിക്കുന്നതെന്ന് ചോദിച്ചു. അപ്പോഴാണ് ബി.ജെ.പി. കൂടെനില്ക്കുമെന്ന് പറഞ്ഞത്. അത് ശരിയാവില്ലെന്ന് പറഞ്ഞതോടെയാണ് അവര് സ്വതന്ത്രയെ മുന്നില് നിര്ത്തി ഭരണം പിടിച്ചത്. തനിക്ക് യു.ഡി.എഫിലുള്ള വിശ്വാസം നഷ്ടപ്പെട്ടെന്നും ഇനി ഇടതിനൊപ്പം തുടരുമെന്നും ഔസേഫ് പറഞ്ഞു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
