ക്വീന്സ് വോക് വേയില് മത്സരയോട്ടം; മൂന്നുകാറുകള് പോലീസ് പിടിച്ചെടുത്തു
കൊച്ചി: നഗരത്തിലൂടെ രാത്രിയില് ഉഗ്രശബ്ദത്തില് ചീറിപ്പാഞ്ഞ കാറുകള്ക്കെതിരേ പോലീസ് നടപടി. ക്വീന്സ് വോക് വേയില് മത്സരയോട്ടം നടത്തിയ മൂന്നുകാറുകള് സെന്ട്രല് പോലീസ് പിടിച്ചെടുത്തു. ഉഗ്രശബ്ദം പുറപ്പെടുവിക്കാന് അനധികൃത സൈലന്സറുകളാണു കാറില് ഘടിപ്പിച്ചിരുന്നത്. ഇതില്നിന്നു തീയും പുറത്തുവന്നിരുന്നു. തുടര്ന്നു നടത്തിയ പരിശോധനയില് രൂപമാറ്റം വരുത്തിയതടക്കം കൂടുതല് നിയമലംഘനങ്ങള് കണ്ടെത്തി.
ഉടമകള്ക്കെതിരേ കേസെടുത്ത് ലൈസന്സടക്കം സസ്പെന്ഡ് ചെയ്യാനുള്ള നടപടികള് സ്വീകരിക്കും. കഴിഞ്ഞ ദിവസം മറ്റൊരു കാറും പിടിച്ചെടുത്തിരുന്നു. ക്രിസ്മസ്, പുതുവത്സര ആഘോഷങ്ങളുടെ ഭാഗമായി സമാനമായ നിരവധി വാഹനങ്ങളാണു കൊച്ചിയിലും പരിസര പ്രദേശങ്ങളിലും രാത്രി കാലങ്ങളില് ചീറിപ്പായുന്നത്. വരും ദിവസങ്ങളിലും പരിശോധന കര്ശനമാക്കാനാണു പോലീസിന്റെ തീരുമാനം.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
