ശരിക്കുളള മലര് മിസ്സ് ഇതാണ്; വെളിപ്പെടുത്തി അല്ഫോന്സ് പുത്രന്
അല്ഫോന്സ് പുത്രനും നിവിന് പോളിയും ഒന്നിച്ച സൂപ്പര് ഹിറ്റ് സിനിമയാണ് പ്രേമം. ചിത്രത്തില് സായ് പല്ലവി അവതരിപ്പിച്ച മലര് മിസ്സ് എന്ന കഥാപാത്രം ആരാധകര്ക്കിടയിലുണ്ടാക്കിയ ഓളം ചെറുതല്ല. വര്ഷങ്ങള്ക്കിപ്പുറവും ആ കഥാപാത്രത്തിന് ഒട്ടേറെ ആരാധകരുണ്ട്.
ഗസ്റ്റ് ലക്ചററായി കോളേജില് എത്തുന്ന മലര് എന്ന കഥാപാത്രത്തിന് പ്രചോദനമായത് തന്റെ കാമുകിയും പിന്നീട് ജീവിതപങ്കാളിയുമായിത്തീര്ന്ന അലീനയാണെന്ന് വെളിപ്പെടുത്തുകയാണ് സംവിധായകന് അല്ഫോന്സ് പുത്രന്. ബിഹൈന്ഡ്വുഡ്സ് പുരസ്കാരവേദിയിലാണ് ഇക്കാര്യം അല്ഫോന്സ് പങ്കുവെച്ചത്. സിനിമയിലെ കഥാപാത്രത്തെപോലെ അലീനയും നല്ലൊരു നര്ത്തകിയാണ്.
‘പ്രണയവിവാഹം ആയിരുന്നു എന്റേത്. ചെന്നൈയില് പഠിച്ചിരുന്നപ്പോള് അലീന സ്റ്റെല്ല മേരീസില് പഠിക്കുകയായിരുന്നു. പ്രേമം സിനിമയ്ക്കു ശേഷമായിരുന്നു വിവാഹം. പ്രേമം സിനിമയിലെ മലര് എന്ന കഥാപാത്രത്തിന് പ്രചോദനമായത് അലീന ആയിരുന്നു. മുഴുവനായല്ല , അല്പം മാത്രം ’അല്ഫോന്സ് പുത്രന് പറഞ്ഞു.
നേരം സിനിമ ചെയ്യുന്ന സമയത്താണ് അലീനയെ കണ്ടുമുട്ടിയതെന്നും അല്ഫോന്സ് പറഞ്ഞു. ആ സിനിമയ്ക്കു ശേഷമാണ് സംസാരിക്കാന് തുടങ്ങിയത്. അതിനുശേഷം 2015 ഓഗസ്റ്റില് ആയിരുന്നു വിവാഹം. ഈഥന്, ഐന എന്നിങ്ങനെ രണ്ടു കുട്ടികളുണ്ട് ദമ്പതികള്ക്ക്.
LATEST NEWS
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
- ' മരുന്ന് ഉപേക്ഷിച്ചാല് എനിക്ക് അപസ്മാരം വരും, ആരും കാണാതിരിക്കാന് ഞാന് ബാത്ത്റൂമില് പോയി കതക് അടച്ച് ഇരിക്കും' ; ഫാത്തിമ സന ഷെയ്ഖ്
- ' ആട് സിനിമയില് ഡ്യൂഡ് അല്ല ചെയ്യാന് ആഗ്രഹിച്ചത് മറ്റൊരു കഥാപാത്രം, പക്ഷെ മിഥുന് സമ്മതിച്ചില്ല' ; വിനായകന്
