ചരിത്രം കുറിച്ച് ദിയ; ഇനി പാലായുടെ ഭരണസാരഥി
പാലാ: സ്വതന്ത്ര കൂട്ടായ്മയുടെ പിന്തുണയില് പാലാ നഗരഭരണം യു.ഡി.എഫിന്. സ്വതന്ത്രകൂട്ടായ്മയിലെ 21 വയസുകാരിയായ ദിയ ബിനു പുളിക്കകണ്ടത്തില് ചെയര്പഴ്സണ്. മറ്റൊരു സ്വതന്ത്ര അംഗം മായാ രാഹുലാണ് വൈസ് ചെയര്പഴ്സണ്. പാലാ ഡി.ഇ.ഒ: സി.സത്യപാലന് വരണാധികാരിയായിരുന്നു.
ചെയര്പഴ്സണ് തെരഞ്ഞെടുപ്പില് ദിയബിനുവിന് 14 വോട്ടും കേരളാ കോണ്ഗ്രസി(എം) ലെ ബെറ്റി ഷാജുവിന് 12 വോട്ടും ലഭിച്ചു. ഉച്ചകഴിഞ്ഞ് നടന്ന വൈസ് ചെയര്പേഴ്സണ് തെരഞ്ഞെടുപ്പില് മായാ രാഹുലിന് കേരളാ കോണ്ഗ്രസി(എം) ലെ ബിജു പാലൂപടവനായിരുന്നു എതിരാളി.
പാലാ തെക്കേക്കരയിലെ 15-ാം വാര്ഡ് കൗണ്സിലറാണ് ദിയ. 40 വര്ഷത്തോളം കേരളാ കോണ്ഗ്രസ്(എം) പാലാ നിയോജക മണ്ഡലം വൈസ് പ്രസിഡന്റായിരുന്ന പുളിക്കകണ്ടത്തില് പി.വി സുകുമാരന് നായരുടെ കൊച്ചുമകളാണ് ദിയ ബിനു. അച്ഛന് അഡ്വ. ബിനു പുളിക്കകണ്ടം കാല്നൂറ്റാണ്ടായി പാലാ നഗരസഭാ കൗണ്സിലറാണ്. ക്ഷേമയാണ് അമ്മ. പ്ളസ് വണ് വിദ്യാര്ഥിനിയായ ശ്രേയ ബിനു ഏക സഹോദരി. മുന്കൗണ്സിലംഗമായ മായാ രാഹുല് എം.എസ്സി. ഇന്ഫര്മേഷന്സിലും മാനേജ്മെന്റിലും ബിരുദാനന്തര ബിരുദധാരിയാണ്. ഭര്ത്താവ് രാഹുല് ബിസിനസുകാരനാണ്. ബി.ബി.എ. വിദ്യാര്ഥി നകുല്, പന്ത്രണ്ടാം ക്ലാസ് വിദ്യാര്ഥി നരേന്, അഞ്ചാം ക്ലാസ് വിദ്യാര്ഥി നമന് എന്നിവരാണ് മക്കള്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
