കോട്ടയം ഈസ്റ്റ് ടൂറിസം സര്ക്യൂട്ട്: പ്രാഥമിക പഠനറിപ്പോര്ട്ട് സമര്പ്പിച്ചു
കോട്ടയം: ജില്ലയുടെ കിഴക്കന് മലയോര മേഖലയിലെ മുഴുവന് ടൂറിസ്റ്റ് കേന്ദ്രങ്ങളെയും കോര്ത്തിണക്കി കോട്ടയം ഈസ്റ്റ് ടൂറിസം സര്ക്യൂട്ട് പ്രാഥമിക പഠന റിപ്പോര്ട്ട് കേന്ദ്രസര്ക്കാരിന് സമര്പ്പിച്ചതായി ബി.ജെ.പി. സംസ്ഥാന ഉപാധ്യക്ഷന് ഷോണ് ജോര്ജ് അറിയിച്ചു. റിപ്പോര്ട്ട് കേന്ദ്ര ടൂറിസം സഹമന്ത്രി സുരേഷ് ഗോപിക്കും സംസ്ഥാന സര്ക്കാരിനും സംസ്ഥാന വിനോദ സഞ്ചാര വകുപ്പിനുമാണു സമര്പ്പിച്ചത്. മീനച്ചില് താലൂക്കിലെ കിഴക്കന് മലയോര മേഖലയിലെ വെള്ളച്ചാട്ടങ്ങള് ഉള്പ്പെടെ 40 കിലോമീറ്റര് ഉള്ളില് 22 ടൂറിസം കേന്ദ്രങ്ങളുടെ വികസനമാണ് ഈ പദ്ധതി വിഭാവനം ചെയ്യുന്നത്. രണ്ടു വര്ഷംകൊണ്ടു മുഴുവന് ടൂറിസ്റ്റ് കേന്ദ്രങ്ങളുടെയും സമഗ്രമായ പഠനം നടത്തിയാണു റിപ്പോര്ട്ട് തയ്യാറാക്കിയതെന്നു ഷോണ് പറഞ്ഞു.
ഇലവീഴാപൂഞ്ചിറ, ഇല്ലിക്കകല്ല്, മാര്മല അരുവി, വാഗമണ്, മുതുകോരമല,പൂഞ്ഞാര് കൊട്ടാരം, അരുവിക്കിച്ചാല് വെള്ളച്ചാട്ടം, കട്ടിക്കയം വെള്ളച്ചാട്ടം, വേങ്ങത്താനം വെള്ളച്ചാട്ടം, പുല്ലേപ്പാറ, ഇരുകണ്ണിക്കയം, വെട്ടുകല്ലാംകുഴി വെള്ളച്ചാട്ടം, കോട്ടത്താവളം വെള്ളച്ചാട്ടം, കാവാലി വ്യൂ പോയിന്റ്, മേലുകാവ് ഗുഹ, തങ്ങള്പാറ, കുരിശുമല, മുരുകന് മല, മാദാമ്മ കുളം, അടുക്കം തൂക്കുപാലം ഉള്പ്പെടെയുള്ള പ്രദേശങ്ങളെ സംബന്ധിച്ച വിശദമായ പഠന റിപ്പോര്ട്ടാണു തയ്യാറാക്കിയത്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
