വനംവകുപ്പ് അനുമതി നല്കിയിട്ടും മരങ്ങള് മുറിക്കുന്നില്ല
ശബരിമല: സന്നിധാനത്ത് അപകടാവസ്ഥയില് നില്ക്കുന്ന മരങ്ങള് മുറിക്കാന് വനംവകുപ്പ് അനുമതി നല്കിയിട്ടും ദേവസ്വം ബോര്ഡ് നടപടിയെടുക്കുന്നില്ല. മരങ്ങള് മുറിച്ചുനീക്കാന് ഓഗസ്റ്റ് 18 നാണ് വനം വകുപ്പ് അനുമതി നല്കിയത്. എന്നാല് ബോര്ഡ് അധികൃതര് നടപടി സ്വീകരിക്കാത്തതിനാല് നവംബര് 12 ന്
ശബരിമല അസിസ്റ്റന്റ് എന്ജിനീയര്ക്ക് റെയ്ഞ്ച് ഫോറസ്റ്റ് ഓഫീസര് ഒരു കത്തുകൂടി നല്കി. പെരിയാര് വെസ്റ്റ് ഡിവിഷന് ഡെപ്യൂട്ടി ഡയറക്ടര് ഉത്തരവ് നല്കിയിട്ടും മരങ്ങള് മുറിച്ച് മാറ്റിയില്ലെന്നും അപകടാവസ്ഥയിലായ മരങ്ങള് മൂലം അയ്യപ്പഭക്തര്ക്ക് എന്തെങ്കിലും അപകടം സംഭവിച്ചാല് ദേവസ്വംബോര്ഡ് മാത്രമായിരിക്കും ഉത്തരവാദിയെന്നും കാണിച്ചായിരുന്നു കത്ത്. മരങ്ങളുടെ അപകടാവസ്ഥ മുന്നില് കണ്ട് അടിയന്തരമായി
മുറിച്ചുനീക്കേണ്ടതുണ്ടെന്ന് ശബരിമല സ്പെഷല് കമ്മിഷണര് ആര്. ജയകൃഷ്ണന് കോടതിക്കു റിപ്പോര്ട്ട് നല്കിയിരുന്നു.ഇതിന്റെകൂടി അടിസ്ഥാനത്തിലാണ് മരം മുറിച്ചുമാറ്റാന് വനം വകുപ്പ് അടിയന്തര അനുമതി നല്കിയത്. ദേവസ്വം ബോര്ഡിന്റെയും സന്നിധാനം ഫോറസ്റ്റ് സ്റ്റേഷന് ഉദ്യോഗസ്ഥരുടേയും നേതൃത്വത്തില് സംയുക്ത പരിശോധന നടത്തി വിവിധ കെട്ടിടങ്ങളുടെ സമീപത്തും തീര്ഥാടകര് തങ്ങുന്ന ഇടങ്ങളിലും അപകടഭീഷണിയായി നില്ക്കുന്ന 21 മരങ്ങള് കണ്ടെത്തുകയായിരുന്നു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
