പാട്ട് ഹിന്ദുക്കളുടെ വികാരം വ്രണപ്പെടുത്തിയിട്ടില്ലെന്ന് ഹിന്ദു ഐക്യവേദി
കൊച്ചി: 'പോറ്റിയെ കേറ്റിയേ... സ്വര്ണം ചെമ്പായി മാറ്റിയേ...' എന്ന പാരഡി ഗാനം ഹിന്ദുക്കളുടെ വികാരം വ്രണപ്പെടുത്തിയിട്ടില്ലെന്നു ഹിന്ദു ഐക്യവേദി നേതാവ് ആര്.വി. ബാബു. 'ഈ പാട്ട് വലിയ തോതില് ആഘോഷിക്കപ്പെട്ടു. ജനങ്ങളെ സ്വാധീനിച്ചു.
അതില് ഏറ്റവും പ്രധാനപ്പെട്ട വരിയായി തോന്നിയത്, സ്വര്ണം കട്ടത് ആരപ്പാ... സഖാക്കളാണേ അയ്യപ്പാ... എന്നതാണ്. സഖാക്കളുടെ ചങ്കില്കൊണ്ട ഒരു വരിയാണ്. ഇതിന്റെ പേരിലാണ് പാട്ടിനെതിരേ സി.പി.എം. തിരിയുന്നത്. ഈ പാട്ട് വികാരം വ്രണപ്പെടുന്നതായിട്ടു കേരളത്തിലെ ഹൈന്ദവ സമൂഹത്തിനു തോന്നിയതായി ഒരു അഭിപ്രായമില്ല. വിശ്വാസികളുടെ ഭാഗത്തുനിന്ന് ആരെങ്കിലും പരിഭവമോ പരാതിയോ ഉന്നയിച്ചതായി എപ്പോഴെങ്കിലും കേട്ടിട്ടുണ്ടോ? കോണ്ഗ്രസുകാര്മാത്രമല്ല, എല്ലാവരും അത് ഉപയോഗിച്ചിട്ടുണ്ട്. സി.പി.എമ്മിനെ എതിര്ക്കുന്ന ബി.ജെ.പി. അടക്കം എല്ലാ രാഷ്ട്രീയ പ്രസ്ഥാനങ്ങളും ഉപയോഗിച്ച പാട്ടാണ്. അതു ലീഗുകാരന് എഴുതിയതായിരിക്കാം. എന്നാല്, എല്ലാവര്ക്കും സ്വീകാര്യമാണെങ്കില് എല്ലാവരും എടുത്തുപയോഗിക്കും. ബി.ജെ.പിയുടെ പ്രചാരണ യോഗങ്ങളിലൊക്കെ ആ പാട്ട് ഉപയോഗിച്ചിട്ടുണ്ടെന്നാണ് മനസിലാക്കുന്നത്'- അദ്ദേഹം പറഞ്ഞു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
