വി.ബി-ജി. റാം ബില്: ബുദ്ധിയില്ലാത്ത തീരുമാനമെന്ന് ശശി തരൂര്
ന്യൂഡല്ഹി: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിക്കു പകരം കേന്ദ്ര സര്ക്കാര് കൊണ്ടുവരുന്ന വി.ബി-ജി. റാം(വികസിത് ഭാരത്- ഗാരന്റി ഫോര് റോസ്ഗാര് ആന്ഡ് അജീവിക മിഷന്) ബില് ബുദ്ധിയില്ലാത്ത തീരുമാനമെന്നു കോണ്ഗ്രസ് നേതാവ് ശശി തരൂര്.
ലോക്സഭയില് ബില്ലിനെതിരേ സംസാരിക്കവെ തൊഴിലുറപ്പ് പദ്ധതിയില്നിന്നു മഹാത്മാഗാന്ധിയുടെ പേര് നീക്കം ചെയ്യാനുള്ള തീരുമാനം 'ബുദ്ധിയില്ലാത്ത'താണെന്ന് അദ്ദേഹം പറഞ്ഞു.
'ഇതൊരു ഭരണപരമായ മാറ്റം മാത്രമല്ല, ഈ നിര്ണായക പരിപാടിയുടെ അടിസ്ഥാന തത്വങ്ങള്ക്കും ദര്ശനത്തിനും നേരേയുള്ള ആക്രമണമാണ്.' അദ്ദേഹം പാര്ലമെന്റില് പറഞ്ഞു.
മഹാത്മാഗാന്ധിയുടെ 'രാമരാജ്യ'ത്തെക്കുറിച്ചുള്ള കാഴ്ചപ്പാടിനെക്കുറിച്ച് സംസാരിക്കവെ, അത് ഒരിക്കലും 'തികച്ചും രാഷ്ട്രീയ പരിപാടി' ആയിരുന്നില്ലെന്നും പകരം ഗ്രാമങ്ങളുടെ ശാക്തീകരണത്തെ അടിസ്ഥാനമാക്കിയുള്ള ഒരു 'സാമൂഹികസാമ്പത്തിക രൂപരേഖ' ആയിരുന്നുവെന്നും, ഗ്രാമ സ്വരാജിലുള്ള അദ്ദേഹത്തിന്റെ അടിയുറച്ച വിശ്വാസം ആ ദര്ശനത്തിന്റെ കേന്ദ്രബിന്ദുവായിരുന്നുവെന്നും അദ്ദേഹം അഭിപ്രായപ്പെട്ടു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
