'പോറ്റിയെ കേറ്റിയെ' ഗാനത്തിന്റെ പേരിൽ എസ്എഫ്ഐ- കെഎസ്യു സംഘർഷം
തിരുവനന്തപുരം: 'പോറ്റിയെ കേറ്റിയെ' എന്ന പാരഡി പാട്ടിന്റെ പേരില് എസ്എഫ്ഐ- കെഎസ്യു സംഘര്ഷം. തിരുവനന്തപുരം കാര്യവട്ടം ക്യാമ്പസിലാണ് ഇരു പാര്ട്ടി പ്രവര്ത്തകരും തമ്മില് സംഘര്ഷമുണ്ടായത്. ക്യാമ്പസിലെ വിദ്യാര്ത്ഥിനിയായ അമൃതപ്രിയ തദ്ദേശ തെരഞ്ഞെടുപ്പില് യുഡിഎഫ് സ്ഥാനാര്ത്ഥിയായി മത്സരിച്ച് വിജയിച്ചിരുന്നു. അമൃതപ്രിയയ്ക്ക് സ്വീകരണം നല്കാന് കെഎസ്യു സംഘടിപ്പിച്ച പരിപാടിക്കിടെയായിരുന്നു സംഘര്ഷം. പരഡി പാട്ട് വച്ചപ്പോള് എസ്എഫ്ഐ പ്രവര്ത്തകര് പ്രകോപിതരായി മര്ദിക്കുകയായിരുന്നുവെന്ന് കെഎസ്യു പറഞ്ഞു.
'പോറ്റിയേ കേറ്റിയെ' എന്ന പാരഡി പ്രചാരണ ഗാനത്തിനെതിരെ തിരുവാഭരണ പാത സംരക്ഷണ സമിതി ഡിജിപി റവാഡ ചന്ദ്രശേഖറിന് പരാതി നല്കിയിരുന്നു. അയ്യപ്പഭക്തി ഗാനത്തെ അവഹേളിക്കുന്നതാണ് പാരഡി ഗാനമെന്നും അത് ഭക്തര്ക്ക് വേദന ഉണ്ടാക്കിയെന്നുമാണ് പരാതിയില് പറയുന്നത്. എന്നാല് പാരഡി പാട്ടിനെതിരായ പരാതിക്ക് പിന്നില് ഗൂഢലക്ഷ്യമുണ്ടെന്നാണ് തിരുവാഭരണ പാത സംരക്ഷണ സമിതി ചെയര്മാന് കെ ഹരിദാസ് പറഞ്ഞത്.
പരാതി നല്കിയത് സമിതിയല്ലെന്നും അത് ചിലരെ സംരക്ഷിക്കാനുളള ശ്രമമാണെന്നും ഹരിദാസ് പറഞ്ഞു. സംഘടനയില് നിന്ന് വിട്ടുപോയ ആളാണ് പ്രസാദെന്നും ശബരിമലയില് സ്വര്ണക്കൊളള നടന്നു എന്നതിനാണ് പ്രാധാന്യമെന്നും ഹരിദാസ് പറഞ്ഞു. പോറ്റിയേ കേറ്റിയേ സ്വര്ണം ചെമ്പായ് മാറിയെ എന്ന പാരഡി ഗാനം തദ്ദേശ തെരഞ്ഞെടുപ്പിലുടനീളം യുഡിഎഫ് വ്യാപകമായി പ്രചാരണ പരിപാടികളില് ഉപയോഗിച്ചിരുന്നു.
LATEST NEWS
- പാണക്കാട്ടുനിന്ന് പ്രഖ്യാപനം വന്നാൽ നെഞ്ചേറ്റുന്നതാണ് പാരമ്പര്യം , പാർട്ടിയെ പ്രതിസന്ധിയിലാക്കുന്നത് ആരായാലും അവർ ശത്രുക്കൾ'; KPA മജീദ്
- പാലായില് മാണിസാറിന്റെ പേര് പറയാന് പോലും ജോസിന് അര്ഹതയില്ല ; പൂഞ്ഞാറില് 20,000 വോട്ടിന്റെ ഭൂരിപക്ഷം കിട്ടുമെന്ന് പി.സി.ജോര്ജ്
- 'നന്ദി ഇല്ലെങ്കിലും നന്ദികേട് ആവരുത് സണ്ണീ': സണ്ണി ജോസഫിനെതിരെ കെ സുധാകരന് അനുകൂലികളുടെ പോസ്റ്റര്
- പാലായില് എന്ഡിഎ സ്ഥാനാര്ത്ഥി 20,000 വോട്ടിന് ജയിക്കും ; കോട്ടയത്ത് കുറേയേറെ താമരകള് വിടരുമെന്ന് ഷോണ്ജോര്ജ്
- ആറ്റിങ്ങലിൽ വീടിനുള്ളിൽ 52 കാരനെ മരിച്ച നിലയിൽ കണ്ടെത്തി
