മുന് അഡീഷണല് സെക്രട്ടറിക്കുനേരേ വധഭീഷണി മുഴക്കിയതായി പരാതി
പൊന്നാനി : മാറഞ്ചേരി ഗ്രാമ പഞ്ചായത്തില് 13-ാം വാര്ഡില് നിന്നും വിജയിച്ച സി.പി.ഐ. സ്ഥാനാര്ത്ഥിയുടെ ആഹ്ളാദപ്രകടനത്തില് റിട്ട. ഗവ. അഡീഷണല് സെക്രട്ടറി അബ്ദുല് ലത്തീഫ് മാറഞ്ചേരിയുടെ വീട്ടിലേക്ക് സ്ഫോടക വസ്തുക്കള് എറിയുകയും വധഭീഷണി മുഴക്കുകയും ചെയ്തതായി പെരുമ്പടപ്പ് പോലീസില് പരാതി. വീട്ടില് സ്ത്രീകളും കുട്ടികളും മാത്രമുള്ളപ്പോഴാണ് അപകടകരമായ സ്ഫോടക വസ്തുക്കള് വലിച്ചെറിഞ്ഞ് അക്രമികള് ഭീകരാന്തരീക്ഷം സൃഷ്ടിച്ചത്. പേടിച്ചോടിയ കുട്ടികള്ക്ക് നേരെ നിരന്തരം സ്ഫോടകവസ്തുക്കള് എറിയുകയും ദീര്ഘനേരം വീടിന് മുമ്പില് അക്രമികള് അട്ടഹാസം നടത്തുകയും ചെയ്തുവെന്ന് പരാതിയില് പറയുന്നു. വീട്ടിലെ സി.സി.ടി.വിയില് പതിഞ്ഞ ദൃശ്യങ്ങള് അടക്കമാണ് പോലീസില് പരാതി നല്കിയത്. തെരഞ്ഞെടുപ്പില് ജയവും തോല്വിയും സാധാരണ സംഭവങ്ങളാണ്. ജനാധിപത്യ രീതിയില് ആഹ്ളാദപ്രകടനങ്ങള് നടത്തുന്നത് സ്വാഭാവികവുമാണ്. അതിനപ്പുറത്തേക്ക് വീടിന്റെ പരിസരത്ത് അഴിഞ്ഞാടി വധഭീഷണി മുഴക്കുന്നതും തെറി അഭിഷേകം നടത്തുന്നതും അപകടകരമായ രീതിയില് സ്ഫോടകവസ്തുകള് വലിച്ചെറിയുന്നതും ജനാധിപത്യ വിരുദ്ധ പ്രവര്ത്തനമാണെന്ന് റിട്ട. ഗവ. അഡീഷണല് സെക്രട്ടറി എ. അബ്ദുള് ലത്തീഫ് പറഞ്ഞു. പോലീസ് അന്വേഷണം നടത്തി കുറ്റവാളികള്ക്കെതിരെ വധഭീഷണി മുഴക്കിയതിനും മറ്റും കേസെടുത്ത് ശക്തമായ നടപടി കൈക്കൊളളണമെന്നും അദ്ദേഹം പരാതിയിലൂടെ ആവശ്യപ്പെട്ടു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
