ദിലീപ് സന്നിധാനത്ത് ദര്ശനം നടത്തി
ശബരിമല: നടിയെ ആക്രമിച്ച കേസില് വിചാരണക്കോടതി കുറ്റവിമുക്തനാക്കിയതിനു പിന്നാലെ സിനിമാതാരം ദിലീപ് ശബരിമല സന്നിധാനത്ത് ദര്ശനം നടത്തി. ഇന്നലെ രാവിലെ എട്ടിന് പമ്പയിലെത്തിയ ദീലീപ് മലകയറി സന്നിധാനത്തെത്തിയത് 9.30 നാണ്. സ്റ്റാഫ് ഗേറ്റ് വഴി ശ്രീകോവിലിനു പിന്നിലെത്തി അവിടത്തെ ഗേറ്റ് കടന്ന് ശ്രീകോവിലിനു മുന്നിലെ ആദ്യ ബാരിക്കേഡില് പ്രവേശിച്ചാണു തൊഴുതത്. അതിനുശേഷം തന്ത്രിമുറിയിലേക്കു പോയി. ഗോപാലകൃഷ്ണന് ഉത്രാടം എന്ന പേരില് ഉച്ചപൂജ വഴിപാട് ശീട്ടാക്കിയിരുന്നു. സുഹൃത്തിന്റെ കളഭപൂജ വഴിപാടും ഉണ്ടായിരുന്നു. 10.45 ന് കിഴക്കേ മണ്ഡപത്തില് തന്ത്രി കണ്ഠര് മഹേഷ് മോഹനരുടെ മുഖ്യകാര്മികത്വത്തില് നടന്ന കളഭകലശ പൂജയില് ദിലീപ് പങ്കെടുത്തു. തുടര്ന്ന് കളഭാഭിഷേകത്തില് പങ്കെടുത്ത് ദര്ശനം നടത്തി. അല്പ്പസമയത്തിനു ശേഷം ദീലീപിന്റെ പേരില് നടത്തിയ ഉച്ചപൂജ വഴിപാട് തൊഴുത് ഫ്ളൈ ഓവര് വഴി മാളികപ്പുറത്തെത്തി ദര്ശനം നടത്തി. തിരികെവന്ന് തന്ത്രി കണ്ഠര് മഹേഷ് മോഹനരെയും മേല്ശാന്തി ഇ.ഡി. പ്രസാദ് നമ്പൂതിരിയെയും കണ്ടശേഷം മലയിറങ്ങി.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
