മോഹന്ലാല് ഗുരുവായൂരില്
ഗുരുവായൂര്: സുഹൃത്തിന്റെ മകളുടെ വിവാഹ ചടങ്ങില് പങ്കെടുക്കാന് നടന് മോഹന്ലാല് ഗുരുവായൂരില് എത്തി. മോഹന്ലാല് ആദ്യമായി ക്യാമറയ്ക്ക് മുന്നിലെത്തിയ 'തിരനോട്ടം' സിനിമയുടെ സംവിധായകന് വി. അശോകിന്റെ മകള് ഗായത്രിയുടെ വിവാഹ ചടങ്ങില് പങ്കെടുക്കാനാണ് സൂപ്പര്താരം ഗുരുവായൂരിലെത്തിയത്. പത്നി സുചിത്രക്കൊപ്പം രാവിലെ എത്തിയ മോഹന്ലാല് സ്വകാര്യ ലോഡ്ജിലാണ് തങ്ങിയത്. ഉച്ചയോടെ വിവാഹ വേദിയിലെത്തി വധുവില്നിന്ന് ദക്ഷിണ സ്വീകരിച്ചു.ഗുരുവായൂര് ക്ഷേത്ര നടയിലെ താലികെട്ട് ചടങ്ങില് പങ്കെടുക്കുമെന്ന് അറിയിച്ചിരുന്നെങ്കിലും ആരാധകര് തിക്കി തിരക്കിയതോടെ തീരുമാനം മാറ്റി. താലികെട്ട് കഴിഞ്ഞ് വധുവരന്മാര് വരുന്നതുവരെ മോഹന്ലാല് മുറിയില് വിശ്രമിച്ചു. താലികെട്ട് കഴിഞ്ഞ് എത്തിയ വധുവരന്മാരെ ആശീര്വദിച്ച് വിവാഹ സല്ക്കാരത്തില് പങ്കെടുത്താണ് താരം മടങ്ങിയത്. നടന്മാരായ മുകേഷ് എം.എല്.എ., ബിജുമേനോന്, നടിമാരായ ചിപ്പി, കാര്ത്തിക, മേനക, സംവിധായകന് പ്രിയദര്ശന്, ക്യാമറാമാന്മാരായ അഴകപ്പന്, എസ്. കുമാര് തുടങ്ങിയവരും വിവാഹ ചടങ്ങില് പങ്കെടുത്തു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
