സോണിയ വിളിച്ച കോണ്‍ഗ്രസിന്റെ യോഗത്തിലും പങ്കെടുത്തില്ല ; ശശിതരൂര്‍ വീണ്ടും പാര്‍ട്ടിക്ക് തലവേദനയാകുന്നു

ന്യൂഡല്‍ഹി: പ്രധാനമന്ത്രി നരേന്ദ്രമോദിയെയും ബിജെപിയെയും പുകഴ്ത്തിക്കൊണ്ട് സ്വന്തംപാര്‍ട്ടിയില്‍ നിരന്തരം കരടായി മാറിക്കൊണ്ടിരിക്കുന്ന ശശിതരൂര്‍ എംപി കോണ്‍ഗ്രസിന്റെ പ്രധാനയോഗങ്ങളില്‍ നിന്നും വിട്ടു നില്‍ക്കുന്നു. ഡിസംബര്‍ 1 മുതല്‍ ആരംഭിക്കുന്ന പാര്‍ലമെന്റ് സമ്മേളനത്തില്‍ എടുക്കേണ്ട നിലപാടുകളേക്കുറിച്ചും നയപരിപാടികളെക്കുറിച്ചും ചര്‍ച്ച ചെയ്യാന്‍ സോണിയാഗാന്ധി വിളിച്ചു ചേര്‍ത്ത യോഗത്തില്‍ നിന്നുമാണ്് ശശി തരൂര്‍ വിട്ടു നില്‍ക്കുന്നത്. പ്രായമായ അമ്മയുമൊത്ത് വിമാനത്തിലായിരുന്നെന്ന് വിശദീകരണം.

താന്‍ യോഗത്തില്‍ നിന്നും വിട്ടുനിന്നതല്ലെന്നും കേരളത്തില്‍ നിന്നും വന്നുകൊണ്ടിരിക്കുകായിരുന്നെന്നും പറഞ്ഞു. തരൂര്‍ യോഗത്തില്‍ പങ്കെടുക്കാതിരുന്നതിന്റെ കാരണം അദ്ദേഹത്തിന്റെ ഓഫീസ് വിശദീകരിച്ചു: അദ്ദേഹം കേരളത്തില്‍ നിന്ന് 90 വയസ്സുള്ള അമ്മയോടൊപ്പം അതേ സമയം വിമാനത്തില്‍ യാത്ര ചെയ്യുകയായിരുന്നു. സന്ദര്‍ഭത്തിന്, കോണ്‍ഗ്രസ് ജനറല്‍ സെക്രട്ടറി കെ.സി. വേണുഗോപാലും ഞായറാഴ്ച യോഗത്തില്‍ പങ്കെടുക്കാന്‍ എത്തിയില്ല, തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനുള്ള പ്രചാരണമാണ് ഡല്‍ഹിയില്‍ എത്താത്തതിന് കാരണമെന്ന് അദ്ദേഹം ചൂണ്ടിക്കാട്ടി. അതേസമയം ഓപ്പറേഷന്‍ സിന്ദൂറുമായി ബന്ധപ്പെട്ട് നയപരിപാടികള്‍ക്ക് ശേഷം കോണ്‍ഗ്രസ് പരിപാടികളില്‍ നിന്നും വിട്ടു നില്‍ക്കുന്നതും നരേന്ദ്രമോദിയെ പുകഴ്ത്തുന്നതുമായ ഒരു രീതി ശശി തരൂര്‍ അനുവര്‍ത്തിച്ചു വരുന്നുണ്ട്.

നേരത്തേ എസ്ഐആര്‍ വിഷയത്തില്‍ വിളിച്ചുചേര്‍ത്ത കോണ്‍ഗ്രസ് യോഗത്തില്‍ പങ്കെടുക്കാതിരുന്നതിന് അനാരോഗ്യം കാരണമാണെന്ന് അദ്ദേഹം മുമ്പ് പറഞ്ഞു. അടുത്ത ദിവസം പ്രധാനമന്ത്രി നരേന്ദ്ര മോദിയുടെ പ്രഭാഷണ പരിപാടിയിലും അദ്ദേഹം പങ്കെടുത്തു. പിറ്റേന്ന് മോദിയെ പ്രശംസിച്ച് തന്റെ ഇന്‍സ്റ്റാഗ്രാം അക്കൗണ്ടില്‍ പോസ്റ്റുകള്‍ ഇടുകയും കോണ്‍ഗ്രസിന്റെ കുടുംബരാഷ്ട്രീയത്തെ പരാമര്‍ശിച്ച് ലേഖനം എഴുതുകയും ചെയ്തു. അതിന് ശേഷമായിരുന്നു ബിജെപി മുതിര്‍ന്ന നേതാവ് എല്‍കെ അദ്വാനിക്ക് ജന്മദിനാശംസ നേര്‍ന്നത്.

ഇതിന് പിന്നാലെ നരേന്ദ്രമോദിയെയും ബിജെപിയെയും നിരന്തരം പുകഴ്ത്തുന്ന സമീപനം ശശി തരൂര്‍ സ്വീകരിച്ചത് കോണ്‍ഗ്രസില്‍ വലിയ അതൃപ്തിക്കും കാരണമായിരുന്നു. ശശി തരൂരിനെ ചോദ്യം ചെയ്ത് അനേകം കോണ്‍ഗ്രസ് നേതാക്കളാണ് രംഗത്ത് വന്നത്. ബിജെപിയോ പ്രധാനമന്ത്രി മോദിയുടെയോ തന്ത്രങ്ങളാണ് മികച്ചതെന്ന് തരൂര്‍ ശരിക്കും വിശ്വസിക്കുന്നുണ്ടെങ്കില്‍, അദ്ദേഹം കോണ്‍ഗ്രസില്‍ തുടരുന്നത് എന്തുകൊണ്ടെന്ന് അദ്ദേഹം വിശദീകരിക്കണമെന്ന് പ്രവര്‍ത്തകര്‍ ആവശ്യപ്പെട്ടു.