ഡിറ്റ്‌വാ ചുഴലിക്കാറ്റിൽ ശ്രീലങ്കയിൽ വൻ നാശനഷ്ടം; ജനജീവിതം ദുരിതത്തിൽ

വടക്കൻ തമിഴ്‌നാട്-തെക്കൻ ആന്ധ്രാപ്രദേശ് തീരത്തേക്ക് അതിവേഗം അടുക്കുന്ന ‘ഡിറ്റ്‌വാ’ ചുഴലിക്കാറ്റ് നിലവിൽ കാരക്കലിൽ നിന്ന് 220 കിലോമീറ്റർ മാത്രം അകലെയാണ്. നവംബർ 30-ന് പുലർച്ചെ തീരം തൊടുമെന്നാണ് പ്രതീക്ഷിക്കുന്നത്. ഇതിനോടകം ചുഴലിക്കാറ്റ് ശ്രീലങ്കയിൽ വൻ നാശനഷ്ടം വിതച്ചു. ചുഴലിക്കാറ്റിനെത്തുടർന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും ശ്രീലങ്കയിൽ മരണസംഖ്യ 123 ആയി ഉയർന്നു. 130 പേരെ കാണാതായിട്ടുണ്ടെന്നും ഔദ്യോഗിക കണക്കുകൾ സൂചിപ്പിക്കുന്നു. ഡിറ്റ്‌വാ ചുഴലിക്കാറ്റ് തീവ്രമായ മഴയ്ക്ക് സാധ്യതയുള്ളതിനാൽ തമിഴ്‌നാട്ടിൽ അതീവ ജാഗ്രതയിലാണ്. എൻ.ഡി.ആർ.എഫ്. സംഘങ്ങളെ വിന്യസിക്കുകയും ദുരിതാശ്വാസ കേന്ദ്രങ്ങൾ സജ്ജമാക്കുകയും വിമാന സർവീസുകൾ റദ്ദാക്കുകയും ചെയ്തിട്ടുണ്ട്. ശ്രീലങ്കയിൽ വൻ നാശനഷ്ടം കനത്ത മഴയും ചുഴലിക്കാറ്റും മൂലം ശ്രീലങ്കയിൽ വെള്ളപ്പൊക്കവും മണ്ണിടിച്ചിലും ഉണ്ടായിവെള്ളപ്പൊക്കത്തിലും മണ്ണിടിച്ചിലിലും ശ്രീലങ്കയിൽ മരണസംഖ്യ 123 ആയി ഉയർന്നു. 130 പേരെ കാണാതായിട്ടുണ്ടെന്നും ഔദ്യോഗിക കണക്കുകൾ സൂചിപ്പിക്കുന്നു. ചുഴലിക്കാറ്റ് 3,73,000-ത്തിലധികം ആളുകളെയാണ് ബാധിച്ചത്. ദുരന്ത നിവാരണ കേന്ദ്രം (ഡി.എം.സി.) നൽകുന്ന ഏറ്റവും പുതിയ കണക്കുകൾ പ്രകാരം, 43,000-ത്തിലധികം ആളുകളെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിക്കേണ്ടി വന്നു. ചുഴലിക്കാറ്റിനെ തുടർന്ന് കനത്ത മഴയും ശക്തമായ കാറ്റും ശ്രീലങ്കയുടെ പല ഭാഗങ്ങളിലും വ്യാപകമായ നാശനഷ്ടങ്ങളാണ് ഉണ്ടാക്കിയിട്ടുള്ളത്. രക്ഷാപ്രവർത്തനങ്ങൾ ഇപ്പോഴും തുടരുകയാണ്. കാണാതായവർക്കായുള്ള തിരച്ചിൽ ദുരന്ത നിവാരണ ഏജൻസികൾ ഊർജിതമാക്കിയിട്ടുണ്ട്.