ഞാന്‍ എന്നും പഴയ വീണ തന്നെയാണ്; ചിത്രങ്ങളുമായി പ്രിയ താരം ഭാവ്‌ന പനി

photo-www.instagram.com/bhavnapani13/

വെട്ടം എന്ന ഒറ്റ ചിത്രത്തിലൂടെ തന്നെ പ്രേക്ഷക പ്രിയം നേടിയ നടിയാണ് ഭാവ്‌ന പനി. തീപ്പെട്ടിക്കൊള്ളി എന്ന് വിളിച്ചുകൊണ്ട് ദിലീപ് പരിചയപ്പെടുത്തിയ നടി, അതിന് മുന്‍പോ ശേഷമോ എത്ര സിനിമ ചെയ്തു എന്നത് മലയാളികളെ സംബന്ധിച്ച് വിഷയമേ അല്ല.

ഭാവ്‌ന പനിയുടെ സോഷ്യല്‍ മീഡിയയില്‍ എപ്പോഴും തീപ്പെട്ടിക്കൊള്ളീ എന്ന് വിളിച്ചുകൊണ്ടുള്ള കമന്റുകള്‍ വരാറുണ്ട്. ഫോളോ ചെയ്യുന്നതില്‍ ബഹഭൂരിഭാഗവും മലയാളികളാണ് എന്നതും ഭാവ്‌നയെ കേരളക്കര എത്രത്തോളം സ്വീകരിച്ചിരുന്നു എന്നതിന്റെ തെളിവാണ്.

ഇപ്പോഴിതാ ആ മലയാളികളെ സംതൃപ്തിപ്പെടുത്തിക്കൊണ്ട് വീണ ഒരു പോസ്റ്റ് പങ്കുവച്ചിരിയ്ക്കുന്നു. തീപ്പെട്ടിക്കൊള്ളി എന്നല്ല, വീണ എന്നാണ് സിനിമയിലെ ഭാവ്‌നയുടെ കഥാപാത്രത്തിന്റെ പേര്. ഒരിക്കല്‍ വീണയാണെങ്കില്‍, എന്നും ഞാന്‍ വീണയാണ് എന്ന് പറഞ്ഞാണ് ഫോട്ടോ പങ്കുവച്ചിരിയ്ക്കുന്നത്.

ഇത് ഞങ്ങളുടെ തീപ്പെട്ടിക്കൊള്ളി, അന്നും ഇന്നും ഒരു മാറ്റവുമില്ല എന്നൊക്കെയാണ് കമന്റുകള്‍. ചിത്രത്തില്‍ ലാസ്റ്റ് ദിലീപ് ഭാവ്‌നയോട് പറയുന്ന ഡയലോഗാണ് ഏറ്റവും കൂടുതല്‍ വരുന്ന കമന്റ്, ഇപ്പോള്‍ തന്നെ കാണാന്‍ ഐശ്വര്യ റായിയെ പോലെയുണ്ട് എന്ന്.

2004 ല്‍ ആണ് പ്രിയദര്‍ശന്റെ സംവിധാനത്തില്‍ വെട്ടം എന്ന ചിത്രം പുറത്തിറങ്ങിയത്. തിയേറ്ററില്‍ പരാജയമായിരുന്നുവെങ്കിലും, ടെലിവിഷന്‍ ഹിറ്റായിരുന്നു അത്. വെട്ടം പോലൊരു സിനിമ ഇന്ന് സംഭവിക്കില്ല, അത്രയേറെ മലയാളികളെ ചിരിപ്പിച്ച കലാകാരന്മാര്‍ ആ ചിത്രത്തിലുണ്ട്. അവരിലാരും ഇന്ന് നമ്മളോടൊപ്പമില്ല.

വെട്ടത്തിന് ശേഷം പ്രിയദര്‍ശന്റെ ആമയും മുയലും എന്ന ചിത്രത്തില്‍ ഒരു പാട്ട് രംഗത്ത് ഭാവ്‌ന അഭിനയിച്ചിരുന്നു. എന്നാല്‍ ആ സിനിമ പരാജയമായിരുന്നു. മലയാളത്തിന് പുറമെ ബോളിവുഡ് സിനിമകളിലും ഭാവ്‌നി അഭിനയിച്ചിട്ടുണ്ട്.

2019 ന് ശേഷം അഭിനയ ലോകത്ത് നിന്ന് പൂര്‍ണമായും മാറി നില്‍ക്കുകയാണ് ഭാവ്‌നി പനി. ഓഡീസി നര്‍ത്തകിയായ ഭാവ്‌നി ആ മേഘലയില്‍ സജീവമാണ്. അഭിനയത്തിലേക്ക് തിരിച്ചുവരുമോ എന്നാണ് ആരാധകരുടെ ചോദ്യം.