പുരുഷന് മയക്കുമരുന്നു നല്‍കി അയാളെ പീഡിപ്പിച്ചു ; പീന്നീട് അതിന്റെ ചിത്രങ്ങളെടുത്ത് ഭീഷണിയും ; യുവതിക്കെതിരേ കേസ്

പൂനെ: കാശി യാത്രയ്ക്കിടെ ഒരു പുരുഷനെ മയക്കുമരുന്ന് നല്‍കി മയക്കിയശേഷം ലൈംഗികാതിക്രമം നടത്തുകയും പിന്നീട് ഈ ചിത്രം ഉപയോഗിച്ച് ബ്ലാക്ക്മെയില്‍ ചെയ്യുകയും ചെയ്തതിന് പൂനെയില്‍ ഒരു സ്ത്രീക്കെതിരെ കേസ്. കാശി വിശ്വനാഥ യാത്രയ്ക്കിടെ ഗൗരി വാഞ്ജലെ എന്ന യുവതിയാണ് സംഭവത്തില്‍ പിടിയിലായിട്ടുള്ളത്. ഇവര്‍ക്കെതിരേ പോലീസ് കേസെടുത്തു.

ക്ഷേത്ര ദര്‍ശനത്തിനിടെ കണ്ടുമുട്ടിയ കോലാപ്പൂരില്‍ നിന്നുള്ള ഒരു പുരുഷനെയാണ് മയക്കുമരുന്ന് നല്‍കിയതും ആക്രമിച്ചതും. ലൈംഗികമായി ആക്രമിച്ചു, ബ്ലാക്ക്മെയില്‍ ചെയ്തു എന്നീ കുറ്റങ്ങളാണ് ചുമത്തിയിട്ടുള്ളത്. പൂനെ പോലീസ് ആണ് കേസ് ഫയല്‍ ചെയ്തത്. മാര്‍ച്ചില്‍ കാശി വിശ്വനാഥിലേക്കുള്ള യാത്രയ്ക്കിടെയാണ് ഇവര്‍ പരിചയപ്പെട്ടത്. പരാതിക്കാരന് മദ്യം നല്‍കി അയാളെ ആക്രമിച്ച്, അയാളുടെ ഫോട്ടോകള്‍ പകര്‍ത്തിയതായി ആരോപിക്കപ്പെടുന്ന ഗൗരി വാഞ്ജലെയാണ് പ്രതിയെന്ന് ഉദ്യോഗസ്ഥര്‍ തിരിച്ചറിഞ്ഞു.

പിന്നീട് അഭിഭാഷകയായി വേഷമിട്ട് പണം ആവശ്യപ്പെട്ടു. പണം നല്‍കിയില്ലെങ്കില്‍ ചിത്രങ്ങള്‍ ഓണ്‍ലൈനില്‍ പുറത്തുവിടുമെന്ന് ഭീഷണിപ്പെടുത്തി. തുല്‍ജാപൂരിലെ തുല്‍ജാഭവാനി ക്ഷേത്രത്തില്‍ വെച്ചാണ് ഇരുവരും ആദ്യം കണ്ടുമുട്ടിയത്. തുടര്‍ന്ന് ബന്ധം തുടര്‍ന്നു. പരാതി പ്രകാരം, ആ പുരുഷനും യാത്രയ്ക്കിടെ തന്നെ ഒറ്റപ്പെടുത്താന്‍ സഹായിച്ചതായി ആരോപിക്കപ്പെടുന്ന ചില കൂട്ടാളികള്‍ക്കുമൊപ്പം വഞ്ജലെ യാത്ര ചെയ്തു.

കൊള്ളയടിക്കല്‍, ലൈംഗികാതിക്രമം, ക്രിമിനല്‍ ഭീഷണി തുടങ്ങിയ വകുപ്പുകള്‍ പ്രകാരം കേസെടുത്തിട്ടുണ്ടെന്ന് ഡെപ്യൂട്ടി പോലീസ് കമ്മീഷണര്‍ സംഭാജി കദം പറഞ്ഞു. വാഞ്ജലെ ഇതിനകം തന്നെ അട്രോസിറ്റി ആക്ട് പ്രകാരം മറ്റൊരു കേസ് നേരിടുന്നുണ്ട് എന്ന് വൃത്തങ്ങള്‍ കൂട്ടിച്ചേര്‍ത്തു.