അമ്മയാകാനൊരുങ്ങുന്നു; സന്തോഷ വാര്‍ത്ത പങ്കുവെച്ച് നടി പാര്‍വ്വതി നമ്പ്യാര്‍

photo-www.instagram.com/the__parvathinambiar/

ചുരുക്കം ചില സിനിമകളിലേ അഭിനയിച്ചിട്ടുള്ളൂവെങ്കിലും പ്രേക്ഷകര്‍ക്ക് വളരെ അധികം പരിചിതയാണ് പാര്‍വ്വതി നമ്പ്യാര്‍ . വിവാഹത്തിന് ശേഷം അഭിനയത്തില്‍ നിന്ന് മാറി നില്‍ക്കുകയാണെങ്കിലും, തന്റെ ചെറിയ ചെറിയ സന്തോഷങ്ങളെല്ലാം നടി സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. അങ്ങനെ ഏറ്റവുമൊടുവില്‍ പങ്കുവച്ചിരിയ്ക്കുന്നത് ഏറ്റവും സന്തോഷമുള്ള ഒരു വാര്‍ത്തയാണ്. അതെ പാര്‍വ്വതി നമ്പ്യാര്‍ അമ്മയാവാന്‍ പോകുന്നു

മനോഹരമായ ഫോട്ടോഷൂട്ട് ചിത്രങ്ങളും വീഡിയോകളും പങ്കുവച്ചുകൊണ്ടാണ് പാര്‍വ്വതി ആ സന്തോഷ വാര്‍ത്തയെ കുറിച്ച് പറയുന്നത്. ഗോള്‍ഡ് എംബ്രോയിഡറി വര്‍ക്കുകളുള്ള ഓഫ് വൈറ്റ് സാരിക്ക്, കറുപ്പ് സ്ലീവ്‌ലെസ്സ് ബ്ലൗസ് പെയര്‍ ചെയ്തതാണ് വേഷം. ഒരു ട്രഡീഷണല്‍ ഹെവി നക്ലൈസ് മാത്രമാണ് ഓര്‍ണമെന്റ്‌സ് ആയി ധരിച്ചിരിയ്ക്കുന്നത്. ലൂസ് ഹെയര്‍ സ്‌റ്റൈലില്‍ നെറ്റിയില്‍ ഒരു ചുവന്ന വട്ടപ്പൊട്ടും ആയാല്‍ ലുക്ക് പെര്‍ഫക്ട്.

View this post on Instagram

A post shared by Parvathi Nambiar (@the__parvathinambiar)

നിറ വയറിനെ താങ്ങിപ്പിടിച്ച്, നിറഞ്ഞ ചിരിയോടെ പങ്കുവച്ച ചിത്രങ്ങള്‍ അതി മനോഹരം എന്നല്ലാതെ ഒന്നും പറയാനില്ല. ‘A soul is choosing us, and we are opening in grace-’എന്നാണ് ഫോട്ടോകള്‍ക്ക് ക്യാപ്ഷന്‍ നല്‍കിയിരിക്കുന്നത്.

View this post on Instagram

A post shared by Parvathi Nambiar (@the__parvathinambiar)

വിനിത് മേനോനാണ് പാര്‍വ്വതി നമ്പ്യാരുടെ ഭര്‍ത്താവ്. 2019 ല്‍ ആയിരുന്നു ഇരുവരുടെയും വിവാഹ നിശ്ചയം, 2020 ല്‍ ഗുരുവായൂര്‍ ക്ഷേത്രത്തില്‍ വച്ച് വിവാഹിതരായി. ഇതിനിടയില്‍ പലപ്പോഴും പാര്‍വ്വതി വിവാഹമോചിതയായി എന്ന തരത്തില്‍ ഗോസിപ്പുകള്‍ വന്നിരുന്നു. എന്നാല്‍ അതിനോടൊന്നും പ്രതികരിക്കാതിരുന്ന നടി ഭര്‍ത്താവിനൊപ്പമുള്ള മനോഹരമായ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചുകൊണ്ടിരുന്നു.

2011 ല്‍ മമ്മൂട്ടി ദ ബെസ്റ്റ് ആക്ടര്‍ എന്ന ടെലിവിഷന്‍ ഷോയിലൂടെയാണ് പാര്‍വ്വതി നമ്പ്യാര്‍ കരിയര്‍ ആരംഭിച്ചത്. ഏഴ് സുന്ദര രാത്രികള്‍, ലീല പോലുള്ള സിനിമകളിലെ വേഷം ശ്രദ്ധേയമായിരുന്നു. വിവാഹ ശേഷം അഭിനയം നിര്‍ത്തി എങ്കിലും, നര്‍ത്തകി കൂടെയായ പാര്‍വ്വതി ആ മേഖലയില്‍ സജീവമായിരുന്നു.