' അങ്ങനെ 115 ദിവസത്തെ യാത്ര കഴിഞ്ഞു, വാഴ 2 പാക്കപ്പ് ആയി' ; അപ്‌ഡേറ്റുമായി ഹാഷിര്‍

photo-www.instagram.com/hashireeeee/

സോഷ്യല്‍ മീഡിയയിലെ യുവതാരങ്ങള്‍ക്ക് പ്രാധാന്യം നല്‍കി ഒരുക്കിയ ചിത്രമാണ് വാഴ. ചിത്രത്തിന്റെ വിജയത്തിന് പിന്നാലെ വാഴയുടെ അടുത്ത ഭാഗവും പ്രഖ്യാപിച്ചിരുന്നു. വാഴയുടെ അവസാനം തന്നെ ഇതിന്റെ സൂചനകളും ഉണ്ടായിരുന്നു.

വാഴ 2 : ' ബയോപിക് ഓഫ് ബില്യണ്‍ ബ്രോസ്' എന്നാണ് ചിത്രത്തിന്റെ പേര്. ഇപ്പോള്‍ ചിത്രത്തിന്റെ ഷൂട്ടിംഗ് പൂര്‍ത്തിയായെന്ന വിവരമാണ് പുറത്തുവരുന്നത്. ചിത്രത്തില്‍ കേന്ദ്ര കഥാപാത്രങ്ങളായി എത്തുന്ന ഹാഷിറേ... യും ടീമുമാണ് വിവരം പങ്കുവെച്ചിരിക്കുന്നത്. ' അങ്ങനെ 115 ദിവസത്തെ യാത്ര കഴിഞ്ഞിരിക്കുന്നു, 'വാഴll' packup ആയി, അറിയാലോ എപ്പോഴും പറയുന്നത് പോലെ കൂടെ ഉണ്ടാവണം' , എന്നാണ് ഹാഷിര്‍ സമൂഹമാധ്യമങ്ങളില്‍ കുറിച്ചത്. വാഴയുടെ തിരക്കഥാകൃത്തുമായ വിപിന്‍ദാസ് തന്നെയാണ് രണ്ടാം ഭാഗത്തിന്റെയും രചന നിര്‍വഹിച്ചിരിക്കുന്നത്. ഇരു ചിത്രങ്ങളുടെയും നിര്‍മാണത്തിലും വിപിന്‍ ദാസ് പങ്കാളിയാണ്.

View this post on Instagram

A post shared by Hashir H (@hashireeeee)

ആദ്യ ഭാഗം സംവിധാനം ചെയ്തത് ആനന്ദ് മേനോന്‍ ആണെങ്കില്‍ രണ്ടാം ഭാഗം ഒരുക്കുന്നത് നവാഗതനായ സവിന്‍ എസ് എ ആണ്. ചിത്രത്തില്‍ ഹാഷിറിനെയും ടീമിനെയും കൂടാതെ അമീന്‍ ആന്റ് ഗ്യാങ്, സാബിര്‍ ആന്റ് ഗ്രൂപ്പ് കണ്ടന്റ് ക്രിയേറ്റിംഗ് ടീമും ഭാഗമാണ്.