അഖ്ലാഖ് വധക്കേസ് ; പ്രതികളെ സംരക്ഷിക്കാൻ യോഗി സർക്കാർ; കേസ് പിൻവലിക്കണമെന്ന് കോടതിയിൽ അപേക്ഷ നൽകി
ലഖ്നൗ: ബീഫ് കൈവശം വെച്ചെന്നാരോപിച്ച് ദാദ്രിയില് മുഹമ്മദ് അഖ്ലാഖിനെ തല്ലിക്കൊന്ന പ്രതികളെ സംരക്ഷിക്കാന് ഉത്തര്പ്രദേശ് സര്ക്കാര്. കേസിലെ 10 പ്രതികള്ക്കെതിരെയുള്ള കേസുകള് പിന്വലിക്കാന് ഉത്തര്പ്രദേശിലെ യോഗി ആദിത്യനാഥ് സര്ക്കാര് കോടതിയെ സമീപിച്ചു. ഗൗതം ബുദ്ധ നഗറിലെ അപ്പര് സെഷന്സ് കോടതിയെയാണ് സര്ക്കാര് സമീപിച്ചത്.
ദാദ്രിയിലെ പ്രാദേശിക ബിജെപി നേതാവ് സഞ്ജയ് റാണയുടെ മകന് വിഷാല് റാണയുടെ അടക്കം കേസുകളാണ് പിന്വലിക്കാന് ആവശ്യപ്പെട്ടിരിക്കുന്നത്. കൊലപാതകം, കൊലപാതക ശ്രമം, മനഃപ്പൂര്വം ഉപദ്രവിക്കുക, സമാധാന അന്തരീക്ഷം തകര്ക്കുക എന്ന ഉദ്ദേശ്യത്തോടെയുള്ള മനപൂര്വമായ അപമാനം, ഭീഷണി തുടങ്ങിയ കേസുകളായിരുന്നു പ്രതികള്ക്കെതിരെ ചുമത്തിയത്.
ഓഗസ്റ്റ് 26നാണ് സംസ്ഥാന സര്ക്കാര് ഗൗതം ബുദ്ധ നഗറിലെ അസിസ്റ്റന്റ് ജില്ലാ സര്ക്കാര് കൗണ്സലായ ഭഗ് സിങ്ങിന് കേസ് പിന്വലിക്കാനുള്ള നിര്ദേശം നല്കിയത്. തുടര്ന്ന് കഴിഞ്ഞ മാസം 15ന് ഭഗ് സിങ്ങ് കേസ് പിന്വലിക്കാനുള്ള അപേക്ഷ കോടതിയില് സമര്പ്പിക്കുകയായിരുന്നു. കേസ് പിന്വലിക്കാനുള്ള അനുമതി ഉത്തര്പ്രദേശ് ഗവര്ണര് നല്കിയതായും അപേക്ഷയില് നിന്നും വ്യക്തമാണ്.
LATEST NEWS
- പിണറായിക്ക് മൂന്നാം ഊഴം കിട്ടില്ല, സിപിഐഎം നേതൃത്വം രാഷ്ട്രീയമായി പരാജയപ്പെട്ടു ; മുഖ്യമന്ത്രിപ്രീതി തിരുത്തി ജി.സുധാകരന്
- തെറ്റു സമ്മതിച്ച് ഖേദം പ്രകടിപ്പിച്ചും നേതാവ് ; നോബിള് മാത്യുവിനെ തിരിച്ചെടുത്ത് ബിജെപി
- 'സങ്കടം സഹിക്കാനായില്ല!', വന്ദേഭാരതിന് കല്ലെറിഞ്ഞത് പ്രണയനൈരാശ്യം കൊണ്ട്, 18കാരൻ പിടിയിൽ
- ഹൈക്കമാന്റിന്റെ മുന്നില്വെച്ചു പോലും രൂക്ഷമായ വാക്കേറ്റം ; കൊച്ചി സീറ്റില് തര്ക്കിച്ച് വി.ഡി. സതീശനും കെ.സി. വേണുഗോപാലും
- ഇടതുപക്ഷവും യുഡിഎഫും ട്രീറ്റ് ചെയ്യുന്നത് കൈവിട്ട പോലെ ; പാലക്കാട് ശോഭാസുരേന്ദ്രന് സാധ്യത കൂടിയെന്ന് ബിജെപി
