ആദ്യത്തെ കണ്മണിയെ വരവേറ്റ് രാജ് കുമാര് റാവുവും പത്രലേഖയും; സന്തോഷ വാര്ത്ത പങ്കുവെച്ച് താരദമ്പതികള്
ബോളിവുഡ് താരദമ്പതികളായ രാജ് റാവുവിനും പത്രലേഖയ്ക്കും പെണ്കുഞ്ഞ് പിറന്നു. ആദ്യ കുഞ്ഞിനെ വരവേറ്റ വിവരം താരങ്ങള് തന്നെയാണ് സമൂഹമാധ്യമങ്ങളിലൂടെ ആരാധകരെ അറിയിച്ചത്. ഞങ്ങളുടെ നാലാം വിവാഹവാര്ഷികദിനത്തില് ദൈവം ഞങ്ങള്ക്ക് നല്കിയ ഏറ്റവും വലിയ അനുഗ്രഹം എന്നാണ് താരദമ്പതികള് കുറിച്ചത്.
‘നമ്മള് ചന്ദ്രനു മുകളിലാണ്, ദൈവം ഞങ്ങള്ക്ക് ഒരു പെണ്കുഞ്ഞിനെ നല്കി അനുഗ്രഹിച്ചു. അനുഗ്രഹീരതരായ മാതാപിതാക്കളായ രാജ് കുമാറും പത്രലേഖയും ’എന്നാണ് കുറിപ്പിലെ വരികള്. ആരാധകരും സെലിബ്രിറ്റികളുമുള്പ്പെടെ നിരവധിപ്പേരാണ് ദമ്പതികള്ക്ക് ആശംസകളറയിച്ചെത്തുന്നത്.
കഴിഞ്ഞ ജൂലൈയിലാണ് തങ്ങള് മാതാപിതാക്കളാകാന് പോകുന്നു എന്ന സന്തോവാര്ത്ത ഇരുവരും സമൂഹമാധ്യമങ്ങളിലൂടെ അറിയിച്ചത്. ബേബി ഓണ് ദിവേ എന്നെഴുതിയ പോസ്റ്ററില് ഒരു തൊട്ടിലിന്റെ ചിത്രം പങ്കുവെച്ചുകൊണ്ടായിരുന്നു കുറിപ്പ്.
പതിനൊന്ന് വര്ഷത്തെ പ്രണയത്തിനൊടുവില് 2021 നവംബര് 15 നാണ് രാജ് കുമാറും പത്രലേഖയും വിവാഹിതരായത്. സോഷ്യല് മീഡിയയിലൂടെയാണ് ഇരുവരും വിവാഹം ചെയ്ത വിവരം പുറത്തുവിട്ടത്.
അതേസമയം രാംഗോപാല് വര്മയുടെ രണ് എന്ന ചിത്രത്തിലൂടെയാണ് രാജ്കുമാര് റാവു സിനിമയിലെത്തിയത്. ഷാഹിദിലെ അഭിനയത്തിന് 2014 ല് മികച്ച നടനുള്ള ദേശീയ പുരസ്കാരവും സ്വന്തമാക്കി. മോഡലിങ് രംഗത്ത് പ്രവര്ത്തിക്കുകയായിരുന്ന പത്രലേഖ 2014 ല് രാജ്കുമാര് റാവു നായകനായ സിറ്റി ലൈറ്റ്സ് എന്ന ചിത്രത്തിലൂടെയാണ് സിനിമയില് അരങ്ങേറ്റം കുറിച്ചത്.
LATEST NEWS
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
- ‘അന്ന് വെട്രിയെ വിളിച്ച് ഈ പയ്യൻ വേണ്ടെന്ന് ഞാന് പറഞ്ഞിരുന്നു; പക്ഷേ ഞാന് ചിന്തിച്ചതെല്ലാം തെറ്റാണെന്ന് നീ പ്രൂവ് ചെയ്തു; ഒരുപാട് സന്തോഷം...’ കെനിനെക്കുറിച്ച് ധനുഷ്
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
