മലപ്പുറത്ത് അമ്മയേയും മകളേയും മരിച്ച നിലയില് കണ്ടെത്തി
എടപ്പാള്: മലപ്പുറത്ത് അമ്മയേയും മകളേയും മരിച്ച നിലയില് കണ്ടെത്തി. കണ്ടനകം സ്വദേശിനി അനിതാകുമാരി (57), മകള് അഞ്ജന (27) എന്നിവരാണ് മരിച്ചത്. അഞ്ജനയ്ക്ക് സെറിബ്രല് പള്സി രോഗബാധയുണ്ടായിരുന്നു. മകളെ വെള്ളത്തില് മുക്കി കൊലപ്പെടുത്തിയ ശേഷം അനിതാകുമാരി ജീവനൊടുക്കിയതെന്നാണ് വിവരം. ഇന്ന് രാവിലെ എട്ട് മണിയോടെയാണ് സംഭവം. ഈ സമയം മകന് ജോലിക്ക് പോയിരുന്നു.
അനിതാകുമാരിയെ വീടിന് സമീപത്തെ മരത്തില് തൂങ്ങി മരിച്ച നിലയില് സമീപവാസികളാണ് കണ്ടെത്തിയത്. തുടര്ന്ന് നടത്തിയ പരിശോധനയിലാണ് അഞ്ജനയെ വീട്ടിനുള്ളില് മരിച്ച നിലയില് കണ്ടെത്തിയത്. തുടര്ന്ന് സമീപവാസികള് പൊലീസില് വിവരമറിയിക്കുകയായിരുന്നു.
ഒരു മാസം മുന്പ് അനിതാകുമാരിയുടെ ഭര്ത്താവ് മരിച്ചിരുന്നു. ഈ സംഭവത്തില് ഇവര് വിഷാദത്തിലായിരുന്നു. മകളുടെ രോഗത്തിന് ചികിത്സ കിട്ടാതിരുന്നതും ഇവരെ അലട്ടിയിരുന്നു. ഇതിന്റെ മനോവിഷമത്തില് മകളെ കൊലപ്പെടുത്തി അനിതാകുമാരി ജീവനൊടുക്കിയതെന്നാണ് പൊലീസിന്റെ പ്രാഥമിക നിഗമനം. സംഭവത്തില് പൊലീസ് അന്വേഷണം ആരംഭിച്ചു.
YOU MAY BE INTERESTED
LATEST NEWS
- കൊടുവള്ളിയില് സലീം മടവൂര് എല്ഡിഎഫ് സ്വതന്ത്ര സ്ഥാനാര്ത്ഥി
- പാണക്കാട്ടുനിന്ന് പ്രഖ്യാപനം വന്നാൽ നെഞ്ചേറ്റുന്നതാണ് പാരമ്പര്യം , പാർട്ടിയെ പ്രതിസന്ധിയിലാക്കുന്നത് ആരായാലും അവർ ശത്രുക്കൾ'; KPA മജീദ്
- പാലായില് മാണിസാറിന്റെ പേര് പറയാന് പോലും ജോസിന് അര്ഹതയില്ല ; പൂഞ്ഞാറില് 20,000 വോട്ടിന്റെ ഭൂരിപക്ഷം കിട്ടുമെന്ന് പി.സി.ജോര്ജ്
- 'നന്ദി ഇല്ലെങ്കിലും നന്ദികേട് ആവരുത് സണ്ണീ': സണ്ണി ജോസഫിനെതിരെ കെ സുധാകരന് അനുകൂലികളുടെ പോസ്റ്റര്
- പാലായില് എന്ഡിഎ സ്ഥാനാര്ത്ഥി 20,000 വോട്ടിന് ജയിക്കും ; കോട്ടയത്ത് കുറേയേറെ താമരകള് വിടരുമെന്ന് ഷോണ്ജോര്ജ്
