88 റൺസിൽ വീണത് എട്ട് വിക്കറ്റുകൾ; പിന്നെ നടന്നത് വിൻഡീസ് വെടിക്കെട്ട്

വെസ്റ്റ് ഇൻഡീസിനെതിരായ മൂന്നാം ട്വന്റി 20യിൽ ഒമ്പത് റൺസിന്റെ വിജയവുമായി ന്യൂസിലാൻഡ്. മത്സരത്തിൽ ആദ്യം ബാറ്റ് ചെയ്ത ന്യൂസിലാൻഡ് നിശ്ചിത 20 ഓവറിൽ ഒമ്പത് വിക്കറ്റ് നഷ്ടത്തിൽ 177 റൺസെടുത്തു. മറുപടി ബാറ്റിങ്ങിൽ വെസ്റ്റ് ഇൻഡീസിന് 19.5 ഓവറിൽ 168 റൺസെടുക്കാനെ സാധിച്ചുള്ളൂ. ഒരു ഘട്ടത്തിൽ എട്ടിന് 88 എന്ന നിലയിൽ തകർന്ന ശേഷമാണ് വിൻഡീസ് സംഘം വിജയത്തിന് അരികിൽ വരെയെത്തിയത്.

നേരത്തെ മത്സരത്തിൽ ടോസ് നേടിയ ന്യൂസിലാൻഡ് ബാറ്റിങ് തിരഞ്ഞെടുക്കുകയായിരുന്നു. 56 റൺസെടുത്ത ഓപണർ ഡെവോൺ കോൺവേ, 41 റൺസെടുത്ത ഡാരൽ മിച്ചൽ, 26 റൺസെടുത്ത രചിൻ രവീന്ദ്ര, 23 റൺസെടുത്ത ടിം റോബിൻസൺ എന്നിവരാണ് ന്യൂസിലാൻഡ് നിരയിൽ ഭേദപ്പെട്ട നിലയിൽ സ്കോർ ചെയ്തത്.