അള്ട്രാ മോഡേണ് ഡെനീം ഔട്ട്ഫിറ്റില് അഡാര് ലുക്കില് മഞ്ജുപിള്ള; ഒരിക്കലും വിശ്വസിക്കാത്തവർക്കിടയിൽ തിളങ്ങുകയെന്നതാണ് സ്ത്രീയുടെ ശക്തിയെന്ന് കുറിച്ച് താരം
തന്റെ വൈവിധ്യമാർന്ന അഭിനയ വൈദഗ്ധ്യത്തിനും കരിസ്മാറ്റിക് സ്ക്രീൻ സാന്നിധ്യത്തിനും പേരുകേട്ട ഒരു പ്രശസ്ത മലയാള സിനിമാ നടിയാണ് മഞ്ജു പിള്ള. പതിറ്റാണ്ടുകൾ നീണ്ട ഒരു കരിയറില് സീരിയസ്, കോമഡി, പ്രണയം, ത്രില്ലറുകൾ എന്നിങ്ങനെയുള്ള വ്യത്യസ്ത കഥാപാത്രങ്ങളിലൂടെ തന്റെ അഭിനയമികവ് കാഴ്ചവച്ചിട്ടുണ്ട്. ചെറുതാണെങ്കില് കൂടി താരത്തിന്റെ വേഷപ്പകര്ച്ച കഥാപാത്രങ്ങള്ക്ക് ആഴവും ആധികാരികതയും നൽകാറുണ്ട്.
അഭിനേത്രി എന്നതിനു പുറമേ റിയാലിറ്റി ഷോ ജഡ്ജായും പ്രേക്ഷകഹൃദയം കീഴടക്കിയിട്ടുണ്ട് താരം. മിനിസ്ക്രീന് പ്രേക്ഷകര്ക്ക് ഏറെയിഷ്ടമുള്ള സെലിബ്രിറ്റി ജഡ്ജ് കൂടിയാണ് താരം. അഭിനയത്തിനപ്പുറം, ഫാഷന് ഔട്ട്ഫിറ്റുകളില് തന്റേതായ ഒരു വ്യക്തിത്വം കൊണ്ടുവരാന് താരം പലപ്പോഴും ശ്രമിക്കാറുണ്ട്. ആകര്ഷകമായ വസ്ത്രധാരണം താരത്തിന്റെ ഓൺ-സ്ക്രീൻ ആകർഷണീയത വർദ്ധിപ്പിക്കാറുണ്ട്. അതുകൊണ്ടു തന്നെ സോഷ്യല് മീഡിയയില് താരം പങ്കിടുന്ന ചിത്രങ്ങള് എപ്പോഴും ട്രെന്ഡിംഗായി മാറാറുമുണ്ട്.
ഇപ്പോഴിതാ ഡെനീം ഔട്ട്ഫിറ്റില് അള്ട്രാ മോഡേണ് ലുക്കില് തിളങ്ങുകയാണ് താരം. പാന്റ്സും ഫ്രണ്ട് സ്ലിറ്റ് ടോപ്പും ധരിച്ച് സ്റ്റൈലിഷ് ലുക്കിലാണ് താരം ചിത്രങ്ങളില് തിളങ്ങുന്നത്. ‘‘ഒരു സ്ത്രീക്ക് ഏറ്റവും ശക്തമായ പ്രവൃത്തി സ്വയം സ്നേഹിക്കുക എന്നതാണ്, അവളായിരിക്കുക, അവൾക്ക് കഴിയുമെന്ന് ഒരിക്കലും വിശ്വസിക്കാത്തവർക്കിടയിൽ തിളങ്ങുക...’’ എന്ന ക്യാപ്ഷന് നല്കിയാണ് താരം ചിത്രങ്ങള് പങ്കിട്ടിരിക്കുന്നത്. താരത്തിന്റെ ചിത്രങ്ങള്ക്ക് പതിവു പോലെ ലൈക്കുകളും കമന്റുകളും നിറയുകയാണ്. ‘പ്രായം റിവേഴ്സ് ഗിയറിലാണോ, ഈ ചേച്ചിക്ക് വയസാവൂല്ലേ. ... കാണാൻ തുടങ്ങിയ നാള് തൊട്ട് ഇങ്ങനിരിക്കുവാ, ആദ്യം കണ്ടപ്പോൾ മോൾ ആണെന്ന് വിചാരിച്ചു...’ എന്നതടക്കമാണ് കമന്റുകള്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
