നമുക്കറിയാത്ത ജീവിതങ്ങള് ഒരു തമാശ അല്ല, മാനസികാരോഗ്യം തമാശ അല്ല; കൃഷ്ണ പ്രഭയ്ക്കെതിരെ ജുവല് മേരി
നടി കൃഷ്ണ പ്രഭ അടുത്തിടെ മാനസികാരോഗ്യ പ്രശ്നങ്ങളെക്കുറിച്ച് നടത്തിയ പരിഹാസപരാമര്ശം വലിയ വിമര്ശനങ്ങള്ക്കും ചര്ച്ചകള്ക്കും വളിതുറന്നിരിക്കുകയാണ്. വിഷയത്തില് നടിയും അവതാരകയുമായ ജുവല് മേരി നടത്തിയ പ്രതികരണമാണിപ്പോള് സോഷ്യല് മീഡിയയില് ശ്രദ്ധനേടുന്നത്.
‘പലപ്പോഴും സിനിമകളിലും , സാഹിത്യത്തിലും വട്ട് ഒരു തമാശയാണ് ഒരു പാട് കാലമൊന്നും ആയിട്ടില്ല പൊതു ബോധത്തിൽ ഈ ക്രൂരമായ തമാശ ചോദ്യം ചെയ്ത തുടങ്ങിയിട്ട് .. ഓഹ് അവനു വട്ടാ .. അവൾക് മുഴു പ്രാന്ത് ഇങ്ങനെ ഒക്കെ പറഞ്ഞ് ചിരിക്കുന്നവരുടെ എണ്ണം കുറഞ്ഞു വരുന്നേ ഉള്ളു .. എല്ലാരും ഏതൊക്കെയോ വെട്ടി പിടിക്കാൻ ഉള്ള ഓട്ടത്തിൽ ചില മനുഷ്യരുടെ എങ്കിലും മനസ് തളർന്നു പോകുന്നു .. ശരീരത്തെ ഒരു അദൃശ്യമായ മുറിയിൽ പൂട്ടി ഇട്ട പോലെ തളർത്തി കളയുന്ന ഡിപ്രഷൻ ... ഭയം .. ഓട്ടപാച്ചിൽ … ചിന്തകൾ .. ഒരു വേള ശ്വാസം പോലും തടസ്സപ്പെട്ട പോലെ ഉത്കണ്ഠ അഥവാ ആംഗ്സൈറ്റി .
ചരട് പൊട്ടിയ പോലെ സന്തോഷം .. അടക്കാനാവാത്ത ഊർജം ... ബെല്ലും ബ്രേക്കും ഇല്ലാതെ പോലെ തീരുമാനങ്ങൾ - മാനിയ .. സംശയം , ഒരു ലോജിക് ഉം ചിന്തിക്കാൻ പറ്റാതെ എന്തിനെയും സംശയം - പരനോയിയ , ഇനിയും എത്ര തരാം അവസ്ഥകൾ ... എത്ര തരം രോഗങ്ങൾ ! നാണക്കേട് മറന്നു അവനവനെ തന്നെ ഒന്ന് രക്ഷിക്കാൻ ആളുകൾ മുന്നോട്ട് വന്നു തുടങ്ങിയിട്ട് ഒരുപാടു ഒന്നും ആയിട്ടില്ല അവരെ വീണ്ടും നിങ്ങളുടെ ഇൻസെന്സിറ്റീവ് ആയ പൊട്ടി ചിരികൾ കൊണ്ട് പിന്നോട്ട് വലിക്കരുത് , സഹാനുഭൂതിയോടെ ചേർത്തുപിടിക്കുക .
ഈ കഴിഞ്ഞ ഒക്ടോര് 10 നായിരുന്നു മാനസികാരോഗ്യ ദിനം. ഒരാഴ്ചപോലും തികഞ്ഞിട്ടില്ല, ഈ ഒരു കാലയളവില് തന്നെ മറ്റു മനുഷ്യരുടെ മാനസികാമരാഗ്യത്തെ നിസാരവല്ക്കരിച്ചുകൊണ്ട് പലരും സംസാരിക്കുന്നത് കേട്ടു. നമ്മള് മനസ്സിലാക്കേണ്ട ഒരു കാര്യമുണ്ട്, നമ്മുടെ വീട്ടില് പട്ടിണി ഇല്ല എന്ന് കരുതി മറ്റൊരാളിന്റെ വീട്ടില് പട്ടിണി അനുഭവിക്കുന്നു എന്ന് കേള്ക്കുമ്പോള് അതൊരു തമാശ അല്ല. നമുക്കറിയാത്ത ജീവിതങ്ങള് ഒരു തമാശ അല്ല. മാനസികാരോഗ്യം തമാശ അല്ല. അതിനെ നിസാരവല്ക്കരിച്ചു ചിരിക്കുന്നത് വളരെ ആരോഗ്യപരമായ മാനസികാവസ്ഥയായി എനിക്ക് തോന്നുന്നില്ല.
മനുഷ്യരുടെ ഇടയില് ഇപ്പോഴും ഇങ്ങനെ അറിവില്ലായ്മ കൊണ്ടുളള ചര്ച്ചകള് നടക്കുന്നു എന്ന് കാണുമ്പോള് എനിക്ക് വളരെ വിഷമം തോന്നുന്നു. പല മനുഷ്യരും അനുഭവിക്കുന്ന മാനസിക പ്രശ്നങ്ങള് വളരെ വലുതാണ്. അതിഭീകരമായ മാനസികാവസ്ഥകളിലൂടെ കടന്നുപോകുന്ന ആളുകളുണ്ട്. പണി ഇല്ലാതെ ചുമ്മാ ഇരിക്കുന്നവര്ക്കാണ് ഡിപ്രഷന് വരുന്നതെന്നൊക്കെ പറഞ്ഞാല് വലിയ കഷ്ടമാണ്. ഇന്ന് ഞാന് ഒരു സ്റ്റോറി ഷെയര് ചെയ്തിട്ടുണ്ട്. ലോക പ്രശസ്തനായ ഒളിംപ്യന് നീന്തല്ക്കാരന് മൈക്കിള് ഫെല്പ്സ് കഴിഞ്ഞ കുറെ വര്ഷങ്ങളായി ഡിപ്രഷനുമായി യുദ്ധം ചെയ്തുകൊണ്ടിരിക്കുകയാണ്.
അദ്ദേഹത്തിന് പണി ഇല്ലാത്തത് കൊണ്ടാണോ? ലോകപ്രശസ്തനായ ഒരു സ്പോര്ട്സ്മാന് ആണ് അദ്ദേഹം. പണി ഇല്ലാത്തവര്ക്ക് വരുന്ന അസുഖമാണോ ഇത്. ഇതിനെല്ലാമിടയില് പല കാര്യങ്ങള് കൊണ്ട് മനസ്സിന്റെ സന്തുലിതാവസ്ഥ നഷ്ടപ്പെടുമ്പോള് പല മനുഷ്യരും പല തരത്തിലുളള ലക്ഷണങ്ങള് , വേദന, മരവിപ്പ് തുടങ്ങി പലതരത്തിലുളള അനുഭവങ്ങളിലൂടെ കടന്നുപോകാറുണ്ട്. കഴിഞ്ഞ കുറച്ചു വര്ഷങ്ങളെ ആയിട്ടുളളൂ ആളുകള് ഇതൊക്കെ തുറന്നു പറയാന് തുടങ്ങിയിട്ട്. അതുകൊണ്ടാണ് നിങ്ങള് ഇതിപ്പോള് കേട്ട് തുടങ്ങിയത്.
വളരെ കുറച്ചു വര്ഷങ്ങളെ ആയിട്ടുളളൂ ഇതിനെ ചുറ്റിപ്പിയുളള സ്റ്റിഗ്മായില് നിന്ന് സമൂഹം പുറത്തുവന്ന് മാനസിക ആരോഗ്യത്തെ ഏറ്റവും പ്രധാനപ്പെട്ട ഒരു കാര്യമായി മനസ്സിലാക്കി അതിനെതിരെ യുദ്ധം ചെയ്യാനും കെയര് എടുക്കാനും സംസാരിക്കാനും തുടങ്ങിയിട്ട് . ദയവു ചെയ്ത് അത്തരം ആളുകളെ ഒറ്റപ്പെടുത്തരുത്. നമ്മള് ഇരിക്കുന്ന അവസ്ഥയില് നമ്മള് പ്രിവിലേജ് ഉളള ആളുകള് ആണെങ്കില് ആ പ്രിവിലേജിനെ ഉത്തരവാദിത്തത്തോടെ ഉപയോഗിക്കൂ. മറ്റു മനുഷ്യരുടെ ജീവിതാവസ്ഥകളെയും വേദനകളെയും ക്യാന്സല് ചെയ്യാതെ സ്നേഹത്തോടെ അവരെ ചേര്ത്ത് പിടിക്കുക, അവരെ പിന്തുണയ്ക്കുക. എല്ലാ മനുഷ്യര്ക്കും സഹാനുഭുതി എന്ന വാക്കിന്റെ അറഥം മനസിലാകട്ടെ എന്ന് ഞാന ആഗ്രഹിക്കുന്നു’ ജുവല് മേരി പറഞ്ഞു.
YOU MAY BE INTERESTED
LATEST NEWS
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
- ‘അന്ന് വെട്രിയെ വിളിച്ച് ഈ പയ്യൻ വേണ്ടെന്ന് ഞാന് പറഞ്ഞിരുന്നു; പക്ഷേ ഞാന് ചിന്തിച്ചതെല്ലാം തെറ്റാണെന്ന് നീ പ്രൂവ് ചെയ്തു; ഒരുപാട് സന്തോഷം...’ കെനിനെക്കുറിച്ച് ധനുഷ്
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
