‘ഐ ലവ് യൂ ശ്രദ്ധ...’എന്ന് ആരാധകന്‍; ‘എന്റെ അച്ഛന്‍ ആരാണെന്ന് നിങ്ങള്‍ക്കറിയാമല്ലോ അല്ലേ’യെന്ന് ശ്രദ്ധ കപൂര്‍; ആരാധകരോട് തഗ്ഗടിച്ച് നിറചിരിയില്‍ താരം

Shraddha Kapoor (Image Source: Instagram)

ബോളിവുഡിലെ പതിവ് വില്ലനായ ശക്തി കപൂറിന്റെ മക​ളെന്ന ലേബലിലാണ് ശ്രദ്ധ കപൂര്‍ ബോളിവുഡിലെത്തുന്നതെങ്കിലും അഭിനയിച്ച ആദ്യ സിനിമയിലൂടെ തന്നെ താരപുത്രി പ്രേക്ഷകരുടെ ഹൃദയം കവര്‍ന്നു. തന്റെ മൂന്നാമത്തെ ചിത്രമായ ‘ആഷിഖി 2’ എന്ന മ്യൂസിക്കല്‍ ചിത്രത്തില്‍ ആരോഹി എന്ന ഗായികയായി ശ്രദ്ധ തന്റെ സ്ഥാനം ബോളിവുഡില്‍ ഉറപ്പിച്ചു. ഏക് വില്ലന്‍, എബിസിഡി, ഭാഗി, ചിഛോരെ, സാഹോ എന്നീ ചിത്രങ്ങളുടെ വിജയത്തോടെ ബോളിവുഡില്‍ താരമൂല്യമുള്ള നടിയായി ശ്രദ്ധ ഉയര്‍ന്നു.
പിന്നീട് താരനായകനില്ലാത്ത, നായികാകേന്ദ്രീകൃതമായ സ്ത്രീ എന്ന സിനിമയിലൂടെ ശ്രദ്ധ താരറാണിയെന്ന തലത്തിലേക്ക് ഉയര്‍ന്നു. സ്ത്രീ 1, സ്ത്രീ 2 എന്ന രണ്ട് ചിത്രങ്ങളും ബ്ലോക്ക്ബസ്റ്റര്‍ വിജയം നേടി. ആരാധകരോട് സംവദിക്കുമ്പോള്‍ എപ്പോഴും പോസിറ്റീവാണ് ശ്രദ്ധ. അവര്‍ക്കൊപ്പം തമാശകള്‍ പറഞ്ഞും ചിരിപ്പിച്ചും കൂടുന്ന ശ്രദ്ധയെ ‘മസ്തി ഗേള്‍’ എന്നാണ് സ്നേഹപൂര്‍വ്വം വിളിക്കുന്നത്.
ഇപ്പോഴിതാ ആയുഷ്മാൻ ഖുറാനയും രശ്മിക മന്ദാനയും പ്രധാന വേഷങ്ങളിൽ അഭിനയിക്കുന്ന മാഡോക്ക് ഫിലിംസിന്റെ ഏറെ പ്രതീക്ഷയോടെ കാത്തിരിക്കുന്ന റൊമാന്റിക് ഹൊറർ-കോമഡി ചിത്രമായ തമ്മയുടെ ട്രെയിലർ ലോഞ്ചില്‍ പങ്കെടുക്കാനെത്തിയ ശ്രദ്ധ കപൂറും ആരാധകരും തമ്മിലുള്ള നര്‍മ്മം കലര്‍ന്ന സംഭാഷണമാണ് ആരാധകര്‍ ഏറ്റെടുക്കുന്നത്. ‘ഐ ലവ് യൂ ശ്രദ്ധ...’ എന്ന് സദസ്സിനിടയില്‍ നിന്ന് ആരാധകരിലൊരാള്‍ ഉച്ചത്തില്‍ പറയുന്നത് വീഡിയോയില്‍ കേള്‍ക്കാം. അതിനാണ് രസകരമായി ശ്രദ്ധ മറുപടി പറയുന്നത്. ‘‘ആഹാ, ഇത്രയും പരസ്യമായിട്ടോ, നിങ്ങള്‍ക്കറിയാമല്ലോ അല്ലേ എന്റെ അച്ഛനാരാണെന്ന്...’’ എന്നാണ് നിറഞ്ഞ ചിരിയോടെ ശ്രദ്ധ പറയുന്നത്. ഒപ്പം തന്റെ ആരാധകനോടുള്ള ബഹുമാനവും ശ്രദ്ധ പ്രകടിപ്പിക്കുന്നുണ്ട്. അതിനു ശേഷം നിറചിരിയോടെ, ശക്തി കപൂറിന്റെ മാസ് ഡ​യലോഗായ ‘ആഖേം നികാല്‍കേ ​ഗോട്ടിയാം ഖേല്‍താ ഹൂം...’ എന്ന ഹാസ്യസംഭാഷണവും ശ്രദ്ധ പറയുന്നുണ്ട്. അതിനു മറുപടിയായി ആരാധകന്‍ ശ്രദ്ധയ്ക്ക് വേണ്ടി കണ്ണുകള്‍ പോലും കൊടുക്കുമെന്നും പറയുന്നത് കേള്‍ക്കാം. ആരാധകരുടെ സ്നേഹം നിറഞ്ഞ ചിരിയോടെയാണ് ശ്രദ്ധ ഏറ്റെടുക്കുന്നത്.

View this post on Instagram

A post shared by Buzzzooka Scrolls (@buzzzookascrolls)

Shraddha Kapoor with Shakthi Kapoor (Image Source: Instagram)

സ്ത്രീ സിനിമയുടെ സീക്വലായ സ്ത്രീ 3 യില്‍ അഭിനയിക്കാനുള്ള തയ്യാറെടുപ്പിലാണ് ശ്രദ്ധ കപൂര്‍. അതിനിടെ സ്ത്രീ 3 യുടെ ആനിമേറ്റഡ് പ്രീക്വൽ സ്ട്രീ ആനിമേറ്റഡ് സ്പിൻ-ഓഫ് ‘ചോട്ടി സ്ത്രീ’ ഇപ്പോൾ പണിപ്പുരയിലാണെന്ന് മാഡോക്ക് ഫിലിംസിന്റെ വരാനിരിക്കുന്ന പ്രോജക്റ്റ് തമ്മയുടെ ട്രെയിലർ ലോഞ്ച് ചടങ്ങിൽ ശ്രദ്ധ കപൂര്‍ പ്രഖ്യാപിച്ചു.
“നിങ്ങളുടെ പ്രിയപ്പെട്ട സ്ത്രീ തിരിച്ചുവരുന്നു, പക്ഷേ തിയേറ്ററുകളിൽ റിലീസ് ചെയ്യുന്ന ഒരു ആനിമേറ്റഡ് പരമ്പരയോടെ. സ്ത്രീയുടെ പ്രപഞ്ചത്തിൽ യഥാർത്ഥത്തിൽ എന്താണ് സംഭവിച്ചതെന്ന് പ്രേക്ഷകരെ കാണിക്കുന്ന സ്ട്രീ 3 യിലെ ഒരു രംഗത്തോടെയാണ് ഇത് അവസാനിക്കുന്നത്. സ്ട്രീ 3 ന് 6 മാസം മുമ്പ് ഇത് പുറത്തിറങ്ങും. ഈ പരമ്പര സ്ട്രീയുടെ പശ്ചാത്തല കഥ പര്യവേക്ഷണം ചെയ്യുകയും സ്ട്രീ 3 യുടെ സംഭവങ്ങളിലേക്ക് നേരിട്ട് നയിക്കുകയും ചെയ്യും...’’ ശ്രദ്ധ പറഞ്ഞു. ഒരു പ്രീക്വൽ ആയി സങ്കല്‍പ്പിക്കാവുന്ന ചോട്ടി സ്ത്രീ, സ്ത്രീ 3 യിലേക്ക് നേരിട്ട് നയിക്കുന്ന ഒരു ലൈവ്-ആക്ഷൻ രംഗത്തോടെ അവസാനിക്കുകയും നിഗൂഢമായ പ്രേതത്തിന്റെ പശ്ചാത്തലം വെളിപ്പെടുത്തുകയും ചെയ്യുമെന്നാണ് ശ്രദ്ധ കപൂര്‍ പറഞ്ഞത്. ശക്തിശാലി ചാമുണ്ഡ എന്ന രണ്ട് കഥാപാത്രങ്ങളെ കൂടി വരാനിരിക്കുന്ന ചിത്രങ്ങളിൽ അവതരിപ്പിക്കും.