ഓണം വാരാഘോഷ ഘോഷയാത്ര;നാളെ തിരുവനന്തപുരം കോര്പ്പറേഷന് പരിധിയിലെ സ്കൂളുകള്ക്ക് അവധി
തിരുവനന്തപുരം: ഓണം വാരാഘോഷ സമാപന ഘോഷയാത്രയോടനുബന്ധിച്ച് സെപ്തംബര് 9ന് തിരുവനന്തപുരം കോര്പ്പറേഷന് പരിധിയിലെ സ്കൂളുകള്ക്ക് അവധി പ്രഖ്യാപിച്ചു. പൊതുവിദ്യാഭ്യാസ ഡയറക്ടറാണ് ഇക്കാര്യം അറിയിച്ചത്. നഗരത്തിലെ സര്ക്കാര് അര്ധ സര്ക്കാര് സ്ഥാപനങ്ങള്ക്ക് നാളെ ഉച്ചയ്ക്കു ശേഷം അവധി ആയിരിക്കുമെന്ന് ജില്ലാ കലക്ടര് അറിയിച്ചിരുന്നു.
നാളെ വൈകിട്ട് നാല് മണിക്കാണ് സാംസ്കാരിക ഘോഷയാത്ര ആരംഭിക്കുക. മാനവീയം വീഥിയില് നിന്നാരംഭിച്ച് കിഴക്കേക്കോട്ടയില് സമാപിക്കും. ഗവര്ണര് രാജേന്ദ്ര ആര്ലേക്കര് ഫ്ളാഗ് ഓഫ് ചെയ്യും. ഘോഷയാത്രയുടെ വിളംബരം അറിയിക്കുന്നതിനായി 51 ശംഖുനാദങ്ങളുടെ അകമ്പടിയോടെ വാദ്യോപകരണമായ കൊമ്പ് മന്ത്രി പി എ മുഹമ്മദ് റിയാസ് മുഖ്യ കലാകാരന് കൈമാറും. ഇതോടെ ഘോഷയാത്രയുടെ താളമേളങ്ങള്ക്ക് തുടക്കംകുറിക്കും. ആയിരത്തോളം കലാകാരന്മാര് അവതരിപ്പിക്കുന്ന സാംസ്കാരിക കലാരൂപങ്ങള്ക്കൊപ്പം അറുപതോളം ഫ്ളോട്ടുകളാണ് ഘോഷയാത്രയില് അണിനിരക്കുക. സര്ക്കാരിന്റെ വികസന പ്രവര്ത്തനങ്ങള്ക്ക് ഊന്നല് നല്കുന്നതാകും ഫ്ളോട്ടുകള്. ഇതോടൊപ്പം 91 ദൃശ്യശ്രവ്യ കലാരൂപങ്ങളും കരസേനയുടെ ബാന്ഡ് സംഘവും ഘോഷയാത്രയ്ക്ക് നിറമേകും.
ഓണം വാരാഘോഷത്തിന്റെ സമാപന ഘോഷയാത്രയോടനുബന്ധിച്ച് നഗരത്തില് ഉച്ചയ്ക്ക് രണ്ട് മണിമുതല് ഗതാഗത നിയന്ത്രണം ഏര്പ്പെടുത്തുമെന്ന് സിറ്റി പോലീസ് കമ്മിഷണര് തോംസണ് ജോസ് അറിയിച്ചു. ഘോഷയാത്ര കടന്നുപോകുന്ന കവടിയാര്, വെള്ളയമ്പലം, മ്യൂസിയം, എല്എംഎസ്, സ്റ്റാച്യു, ഓവര് ബ്രിഡ്ജ്, പഴവങ്ങാടി, കിഴക്കേക്കോട്ട, വെട്ടിമുറിച്ചകോട്ട, മിത്രാനന്ദപുരം, പടിഞ്ഞാറേക്കോട്ട, ഈഞ്ചക്കല്, കല്ലുമ്മൂട് വരെ റോഡില് വാഹനം നിര്ത്തിയിടാന് അനുവദിക്കില്ല.
YOU MAY BE INTERESTED
LATEST NEWS
- ജോലി സമ്മര്ദ്ദം?; കാസര്കോട് ബിഎല്ഒ പുഴയില് ചാടി മരിച്ചു; കലക്ടര് എത്താതെ മൃതദേഹം ഏറ്റുവാങ്ങില്ലെന്ന് ബന്ധുക്കള്
- പാലക്കാട്ടെ സിപിഐഎം - ബിജെപി ഡീല് ആരോപണം ; ജനങ്ങളെ വിഡ്ഡികളാക്കാനെന്ന് രാജീവ് ചന്ദ്രശേഖര്
- സുധീര്കരമന ഇടതുപക്ഷ സ്ഥാനാര്ത്ഥിയാകും; തിരുവനന്തപുരം സെന്ട്രലില് ഔദ്യോഗികമായി പ്രഖ്യാപിച്ചു
- തെരഞ്ഞെടുപ്പില് സീറ്റുനിര്ണ്ണയം 90 ശതമാനവും പൂര്ത്തിയായി ; പാലക്കാട്ടെ കോണ്ഗ്രസ് ആരോപണം പഴകിതേഞ്ഞ തന്ത്രം
- തിരുവനന്തപുരം വിമാനത്താവളത്തിൽ കഞ്ചാവുമായി ഡോക്ടർ അറസ്റ്റിൽ; മറ്റൊരു ഡോക്ടർക്കും പങ്ക്
