‘ലോകം മാറ്റിമറിച്ച മാന്ത്രികതയുടെ, ചലനങ്ങളുടെ, സംഗീതത്തിന്റെ 67 വർഷങ്ങൾ; ഹാപ്പി ബര്ത്ത്ഡേ മൈക്കല് ജാക്സണ്...’ പോപ്പ് രാജാവിനൊപ്പം ശാലിനി അജിത്കുമാര്
സംഗീതം, നൃത്തം, ഫാഷൻ എന്നീ മേഖലകളില് നാല് പതിറ്റാണ്ടുകളിലേറെ നിറഞ്ഞു നിന്ന ഇതിഹാസ പോപ്പ് താരമായിരുന്നു മൈക്കല് ജാക്സണ്. പോപ്പ് സംഗീതലോകത്തെ രാജാവായിരുന്ന എംജെ പതിമൂന്നു തവണ ഗ്രാമി അവാർഡ് നേടിയിട്ടുണ്ട്. അദ്ദേഹം പകര്ന്നാടിയ ‘മൂൺവാക്കും റോബോട്ട്’ നൃത്തവും വര്ഷങ്ങള്ക്കിപ്പുറവും യുവാക്കള്ക്കിടയില് ഹരമായി തുടരുന്നു. ഒരു മനുഷ്യായുസ്സില് ഒന്നുമില്ലായ്മയില് നിന്ന് കൊടുമുടിയോളം വളര്ന്ന്, മരണാനന്തരവും ആ പ്രശസ്തിക്ക് ഒരു കോട്ടവും തട്ടാതെ ഇന്നും സംഗീതനൃത്തപ്രേമികള്ക്കിടയില് ജീവിക്കുക എന്നത് മൈക്കള് ജാക്സണ് മാത്രം അവകാശപ്പെടാവുന്ന പ്രത്യേകതയാണ്.
പ്രതിഭകള്ക്ക് മരണമില്ലെന്നത് അക്ഷരം പ്രതി ശരിയാകുന്നത് എംജെയുടെ കാര്യത്തിലാണ്. തനിക്ക് മാത്രം സ്വന്തമായ ഒരു ഇടം അവശേഷിപ്പിച്ച് ഒരു വികാരമായി നിറഞ്ഞു നിന്ന മൈക്കല് ജാക്സണന്റെ ജന്മദിനം സംഗീതപ്രേമികളെല്ലാം സോഷ്യല് മീഡിയയിലൂടെ പങ്കിടുന്നുണ്ട്. വര്ഷങ്ങള്ക്കിപ്പുറവും പോപ്പ് രാജാവിന്റെ ജന്മദിനം ആരാധകര് ആഘോഷിക്കുന്നുണ്ട്.
ഇപ്പോഴിതാ ശാലിനി അജിത്കുമാറും തന്റെ ഓള്ടൈം ഫേറവൈറ്റ് പോപ്പ് രാജാവിന് ജന്മദിനാശംസകള് നേരുകയാണ്. മൈക്കല് ജാക്സണെ ചേര്ത്തു പിടിച്ച് വേദിയില് നിന്നുള്ള ത്രോബാക്ക് ചിത്രം പങ്കിട്ടാണ് ശാലിനിയുടെ കുറിപ്പ്. ‘‘ലോകത്തെ മാറ്റിമറിച്ച മാന്ത്രികതയുടെയും ചലനങ്ങളുടെയും സംഗീതത്തിന്റെയും 67 വർഷങ്ങൾ. ജന്മദിനാശംസകൾ, മൈക്കൽ ജാക്സൺ...’’ എന്ന ക്യാപ്ഷന് നല്കിയാണ് താരം ആശംസ കുറിച്ചിരിക്കുന്നത്. ഒപ്പം കിംഗ് ഓഫ് പോപ്പ് എന്ന ഹാഷ് ടാഗും നല്കിയിട്ടുണ്ട്.
LATEST NEWS
- ഫാക്ടറി പോലെ കുട്ടികളെ പെറ്റ് കൂട്ടുന്നു, എന്നിട്ട് സഹായം ചോദിച്ചു വരും; ചര്ച്ചയായി വരലക്ഷ്മിയുടെ വാക്കുകള്
- എംജിആര് പാന്റ്സില് മുളളുമെന്ന പരാമര്ശം; മാപ്പുപറഞ്ഞ് നടന് രാജേന്ദ്രപ്രസാദ്
- ‘ആയിരം തവണ തെറ്റിപ്പിരിയാന് അവസരമുണ്ടായിരുന്നു; അസാമാന്യമായ തര്ക്കങ്ങള് ഞങ്ങള്ക്കിടയിലുണ്ടാകാറുണ്ട്...’ സിന്ധുവിനൊപ്പമുള്ള ദാമ്പത്യത്തെപ്പറ്റി കൃഷ്ണകുമാര്
- ‘‘ഞാനവള്ക്ക് നെറ്റിയിൽ ഒരു ഉമ്മ കൊടുത്തിട്ട് ബൈ എന്ന് പറഞ്ഞു...’’ സുബിയെ അവസാനം കണ്ടതിനെപ്പറ്റി വികാരധീനനായി ടിനി ടോം
- സാമാന്യ മര്യാദ പോലുമില്ലേ? നടി സരിഗയ്ക്ക് കൈ കൊടുക്കാതെ ശങ്കര്; നടിയെ അപമാനിച്ചെന്ന് വിമര്ശനം
