ഒരു തലമുറയെ മുഴുവന് പ്രചോദിപ്പിച്ച ആള്; ഹള്ക്ക് ഹോഗന്റെ മരണത്തില് അനുശോചനവുമായി വരുണ് ധവാനും അര്ജുന് കപൂറും
റെസ്ലിംഗ് ലോകം കണ്ട എക്കാലത്തെയും വലിയ സൂപ്പർതാരങ്ങളിൽ ഒരാളായ ഹൾക്ക് ഹോഗന്റെ മരണത്തില് ദുഃഖം രേഖപ്പെടുത്തി ബോളിവുഡ് താരം വരുണ് ധവാന്. "ഒരു തലമുറയെ മുഴുവൻ പ്രചോദിപ്പിച്ച ഹൾക്ക്സ്റ്റർ. RIP" എന്നാണ്ഹൃ വരുണ് കുറിച്ചത്. ഹൃദയാഘാതത്തെ തുടര്ന്നാണ് ഹള്ക്ക് വിടപറഞ്ഞത്. 71 വയസ്സായിരുന്നു.
വാർത്ത പുറത്തുവന്ന നിമിഷം മുതൽ ലോകമെമ്പാടുമുള്ള റെസ്ലിംഗ് ആരാധകരും സിനിമാ പ്രേമികളും ഞെട്ടലോടെയും കണ്ണീരോടെയും അദ്ദേഹത്തിന് ആദരാഞ്ജലികൾ അര്പ്പിച്ച് രംഗത്തെത്തിയിരുന്നു. ബോളിവുഡ് നടന് അർജുൻ കപൂറും വേദനയോടെ അദ്ദേഹത്തെ ഓർമ്മിച്ചവരിൽ പ്രധാനിയാണ്.‘എന്റെ കുട്ടിക്കാലത്തിന്റെ ഒരു ഭാഗം നിങ്ങളോടൊപ്പം പോയി ഹൾക്ക്സ്റ്റർ... ഓർമ്മകൾക്ക് നന്ദി ’എന്നാണ് അര്ജുന് കപൂര് ഇന്സ്റ്റഗ്രാം സ്റ്റോറിയായി കുറിച്ചത്.
മഞ്ഞയും ചുവപ്പും നിറങ്ങളിലുള്ള ടീ ഷർട്ടും തലയിൽ കെട്ടുമായി ഹൾക്ക് ഹോഗൻ റിംഗിൽ വരുമ്പോൾ ആവേശം വാനോളം ഉയരും.'WWE-യുടെ മുഖമുദ്ര തന്നെയായിരുന്നു അദ്ദേഹം. ആറ് തവണ ചാമ്പ്യൻഷിപ്പുകൾ നേടി, ഒരു റോയൽ റംബിൾ കിരീടം സ്വന്തമാക്കി.
റെസ്ലിംഗ് റിംഗിൽ നിന്ന് ഹോളിവുഡിലേക്കും ഹൾക്ക് ഹോഗൻ തന്റെ മാസ്മരികത എത്തിച്ചു. സിൽവസ്റ്റർ സ്റ്റാലൻ നായകനായ 'റോക്കി III' (1982) എന്ന ചിത്രത്തിലെ 'തണ്ടർലിപ്സ്' എന്ന കഥാപാത്രത്തിലൂടെയാണ് അദ്ദേഹം സിനിമാ രംഗത്തേക്ക് കടന്നുവരുന്നത്. പിന്നീട് 'മി. നാനി' പോലുള്ള ചിത്രങ്ങളിലും 'തണ്ടർ ഇൻ പാരഡൈസ്' അടക്കമുള്ള ടെലിവിഷൻ ഷോകളിലും അദ്ദേഹം നിറഞ്ഞുനിന്നു. അദ്ദേഹത്തിന്റെ കുടുംബ ജീവിതം പറഞ്ഞ 'ഹോഗൻ നോസ് ബെസ്റ്റ്' എന്ന റിയാലിറ്റി ഷോയും പ്രേക്ഷകർക്ക് ഏറെ പ്രിയപ്പെട്ടതായിരുന്നു.
LATEST NEWS
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
- ‘അന്ന് വെട്രിയെ വിളിച്ച് ഈ പയ്യൻ വേണ്ടെന്ന് ഞാന് പറഞ്ഞിരുന്നു; പക്ഷേ ഞാന് ചിന്തിച്ചതെല്ലാം തെറ്റാണെന്ന് നീ പ്രൂവ് ചെയ്തു; ഒരുപാട് സന്തോഷം...’ കെനിനെക്കുറിച്ച് ധനുഷ്
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
