സിദ്ധാര്ത്ഥിനും കിയാര അദ്വാനിക്കും രാജകുമാരി പിറന്നു;സിദ്ധാര്ത്ഥ്-കിയാര ദമ്പതികളുടെ ആദ്യ കണ്മണിയെ വരവേറ്റ് കുടുംബം; അമ്മയ്ക്കും മകള്ക്കും സുഖം
ബോളിവുഡിന് ഏറെയിഷ്ടമുള്ള താരദമ്പതിമാരാണ് സിദ്ധാര്ത്ഥ് മല്ഹോത്രയും കിയാര അദ്വാനിയും. കരിയറില് തിളങ്ങി നിന്ന സമയത്താണ് ഇവര് രണ്ടാളും പ്രണയിച്ച് വിവാഹിതരായത്. രണ്ടുപേരുടെയും പ്രണയവും വിവാഹവുമെല്ലാം ആരാധകര് ആഘോഷമാക്കിയതാണ്. ഇക്കഴിഞ്ഞ ഫെബ്രുവരി തങ്ങള് ജീവിതത്തിലെ ഏറ്റവും വലിയ ‘നിധിയെ’ കാത്തിരിക്കുവെന്നറിയിച്ച് ആദ്യത്തെ കണ്മണി വരുന്നതിന്റെ സന്തോഷം താരദമ്പതിമാര് പങ്കിട്ടിരുന്നു.
ഇപ്പോഴിതാ സിദ്ധാര്ത്ഥും കിയാരയും തങ്ങളുടെ ആദ്യ കണ്മണിയെ വരവേറ്റിരിക്കുകയാണ്. ഔദ്യോഗിക പ്രഖ്യാപനം ഇതുവരെ ദമ്പതികള് നടത്തിയിട്ടില്ല. മുംബൈയിലെ റിലയൻസ് ആശുപത്രിയിൽ നോര്മല് ഡെലിവറിയിലൂടെയാണ് കുഞ്ഞ് ജനിച്ചതെന്നും അമ്മയും മകളും ആരോഗ്യവാന്മാരാണെന്നും അടുത്ത വൃത്തങ്ങള് അറിയിച്ചിട്ടുണ്ട്.
ഫെബ്രുവരിയിലാണ് കിയാരയും സിദ്ധാർത്ഥും തങ്ങളുടെ ഗർഭധാരണ വാർത്ത ഹൃദയസ്പർശിയായ, മനോഹരമായ ഒരു ഇൻസ്റ്റാഗ്രാം പോസ്റ്റിലൂടെ പങ്കുവെച്ചത്. ‘‘ഞങ്ങളുടെ ജീവിതത്തിലെ ഏറ്റവും വലിയ സമ്മാനം... ഉടൻ വരുന്നു...’’ എന്ന ക്യാപ്ഷനൊപ്പം ഇരുവരും ഒരു ജോടി കുഞ്ഞ് സോക്സുകൾ പിടിച്ച് നിൽക്കുന്നതായിരുന്നു ചിത്രം.
സിദ്ധാര്ത്ഥിനും കിയാരയ്ക്കും അഭിനന്ദനപ്രവാഹമാണ് സോഷ്യല് മീഡിയയില്. എല്ലാവരും ആശംസകളും പ്രാര്ത്ഥനകളും കമന്റുകളിലൂടെ കുറിക്കുന്നുണ്ട്.
ഷെർഷാ എന്ന സിനിമയില് ഒരുമിച്ച് അഭിനയിച്ച സമയത്താണ് ഇവര് രണ്ടാളും പ്രണയത്തിലായത്. സിദ്ധാർത്ഥും കിയാരയും ആദ്യമായി ഒരു പാർട്ടിയിലാണ് കണ്ടുമുട്ടിയത്. പക്ഷേ അവരുടെ പ്രണയകഥ യഥാർത്ഥത്തിൽ ആരംഭിച്ചത് അവരുടെ ആദ്യ ചിത്രമായ ഷെർഷായുടെ സെറ്റിലാണ്. പ്രണയഘട്ടത്തിൽ അവർ ഒരിക്കലും തങ്ങളുടെ ബന്ധം പരസ്യമായി സ്ഥിരീകരിച്ചിരുന്നില്ല. എന്നാല് 2023 ഫെബ്രുവരി 7 ന് രാജസ്ഥാനിലെ ജയ്സാൽമറിൽ നടന്ന ഒരു സ്വകാര്യവും എന്നാൽ ഗംഭീരവുമായ ചടങ്ങിൽ ദമ്പതികൾ വിവാഹിതരായി. അടുത്ത സുഹൃത്തുക്കളും കുടുംബാംഗങ്ങളും പങ്കെടുത്ത അവരുടെ വിവാഹം സോഷ്യല് മീഡിയയും ആരാധകരും ആഘോഷമാക്കിയിരുന്നു.
കരിയറില് രണ്ട് അഭിനേതാക്കളും പ്രധാന റിലീസുകൾക്കായി ഒരുങ്ങുകയാണ്. സിദ്ധാർത്ഥ് അടുത്തതായി ജാൻവി കപൂറിനൊപ്പം റൊമാന്റിക് കോമഡി പരം സുന്ദരിയിൽ അഭിനയിക്കും. മറുവശത്ത്, കിയാര, യാഷ് രാജ് ഫിലിംസിന്റെ സ്പൈ യൂണിവേഴ്സിലെ അടുത്ത വലിയ ചിത്രമായ വാർ 2 ൽ ഹൃത്വിക് റോഷനും ജൂനിയർ എൻടിആറിനുമൊപ്പം ഒരു പ്രധാന വേഷം ചെയ്യുന്നുണ്ട്.
YOU MAY BE INTERESTED
LATEST NEWS
- എംജിആര് പാന്റ്സില് മുളളുമെന്ന പരാമര്ശം; മാപ്പുപറഞ്ഞ് നടന് രാജേന്ദ്രപ്രസാദ്
- ‘ആയിരം തവണ തെറ്റിപ്പിരിയാന് അവസരമുണ്ടായിരുന്നു; അസാമാന്യമായ തര്ക്കങ്ങള് ഞങ്ങള്ക്കിടയിലുണ്ടാകാറുണ്ട്...’ സിന്ധുവിനൊപ്പമുള്ള ദാമ്പത്യത്തെപ്പറ്റി കൃഷ്ണകുമാര്
- ‘‘ഞാനവള്ക്ക് നെറ്റിയിൽ ഒരു ഉമ്മ കൊടുത്തിട്ട് ബൈ എന്ന് പറഞ്ഞു...’’ സുബിയെ അവസാനം കണ്ടതിനെപ്പറ്റി വികാരധീനനായി ടിനി ടോം
- സാമാന്യ മര്യാദ പോലുമില്ലേ? നടി സരിഗയ്ക്ക് കൈ കൊടുക്കാതെ ശങ്കര്; നടിയെ അപമാനിച്ചെന്ന് വിമര്ശനം
- വിവാഹമോചനത്തിനു ശേഷമുളള ആദ്യ സോഷ്യല് മീഡിയ പോസ്റ്റുമായി നടി ഹന്സിക മോട്വാനി
