ഭീമൻ കടുവയുടെ ദേഹത്ത് കിടന്നും താലോലിച്ചും പ്രിയ താരം ടെസ്സ; ചാൾസ് സോമരാജിന്റെ സഹോദരിയോ എന്ന കമന്റുമായി മുന്ന സൈമൺ; അമ്പരപ്പിൽ ആരാധകർ
'പട്ടാള'ത്തിലെ വിമല എന്ന കഥാപാത്രത്തിലൂടെ വെള്ളിത്തിരയില് അരങ്ങേറ്റം കുറിച്ച താരമാണ് ടെസ്സ ജോസഫ്. ആദ്യ സിനിമയിലൂടെ തന്നെ ടെസ്സ പ്രേക്ഷകർക്ക് പ്രിയങ്കരിയായി. പിന്നീടെങ്ങോട്ടോ അപ്രത്യക്ഷയായി.
വര്ഷങ്ങള് ശേഷം വലിയൊരു ഇടവേളയ്ക്ക് ശേഷം രണ്ടാം വരവിൽ ഞാന് സംവിധാനംചെയ്യും, രാജമ്മ @ യാഹൂ, മറുപടി, ഗോള്ഡ് കോയിന്, തലവൻ എന്നീ ചിത്രങ്ങളാണ് താരം ചെയ്തത്. എന്റെ കുട്ടികളുടെ അച്ഛന്', 'ചക്കപ്പഴം' എന്നീ ടെലിവിഷന് പരമ്പരകളിലൂടെ വീണ്ടും പ്രേക്ഷക ഹൃദയത്തില് ഇടംനേടി.
ചക്കപ്പഴത്തിലെ ലളിത കുഞ്ഞുണ്ണി എന്ന കഥാപാത്രം ജനകീയമാവുകയും ചെയ്തു.
സോഷ്യൽ മീഡിയയിലും സജീവമാണ് ടെസ്സ. തന്റെ യാത്ര വിശേഷങ്ങളും ചിത്രങ്ങളും താരം അതിലൂടെ പങ്കിടാറുണ്ട്.
ഇപ്പോഴിതാ തായ്ലാൻഡിലെ ഫൂക്കറ്റിലെ ടൈഗർ കിംഗ്ഡം സന്ദർശിച്ച് ഒരു വലിയ കടുവയ്ക്ക് ഒപ്പമുള്ള ചിത്രങ്ങളും വീഡിയോയും പങ്കിടുകയാണ് താരം.
"അവൻ വലുതാണ്, ധീരനാണ്, അതിശയകരമാംവിധം ക്യാമറയ്ക്ക് അനുയോജ്യനുമാണ്...ഗൗരവമുള്ള ഈ ഭീമൻ ഫ്ലഫ്ബോളിനൊപ്പം നിൽക്കുന്ന ഓരോ നിമിഷവും എനിക്ക് ഇഷ്ടപ്പെട്ടു..." എന്ന ക്യാപ്ഷൻ നൽകിയാണ് കടുവയ്ക്ക് ഒപ്പമുള്ള ചിത്രങ്ങൾ പങ്കിട്ട് ടെസ്സ കുറിച്ചത്. ടൈഗർ കിംഗ്ഡം, ഫൂക്കറ്റ് എന്നും ടാഗ് ചെയ്തിട്ടുണ്ട് താരം. കടുവയുടെ ദേഹത്ത് കിടക്കുന്നതും, താലോലിക്കുന്നതും, ഉമ്മ വയ്ക്കുന്നതുമായ ചിത്രങ്ങൾ താരം പങ്കുവച്ചിട്ടുണ്ട്.
ചിത്രങ്ങളും വീഡിയോയും ശ്രദ്ധിക്കപ്പെട്ടതോടെ സഹതാരങ്ങളും ആരാധകരും കമന്റുകൾ കുറിക്കുന്നുണ്ട്. പലരും അമ്പരപ്പാണ് പ്രകടിപ്പിക്കുന്നത്. 'ഓഹ് ഗോഡ്, ഇതാരാ ചാൾസ് സോമരാജിന്റെ സഹോദരിയോ, ഇത്ര ധൈര്യം...സൂപ്പർ...' എന്നാണ് അഭിനേതാവ് മുന്ന സൈമൺ കുറിച്ചത്. 'ഇതാണോ പുലി മുരുഗി, പെൺ പുലി തന്നെ' എന്നതടക്കമാണ് കമന്റുകൾ.
കടുവയ്ക്ക് ഒപ്പമുള്ള ചിത്രങ്ങൾക്ക് പുറമെ വീഡിയോയും പങ്കിട്ടിട്ടുണ്ട് താരം. "എല്ലാ ദിവസവും കാട്ടിലെ രാജാവിനൊപ്പം വിശ്രമിക്കാൻ പറ്റില്ല... ഞങ്ങൾ രണ്ടുപേരും പൂർണ്ണമായും വിശ്രമിച്ചു..." എന്നാണ് ടെസ്സ കുറിച്ചിരിക്കുന്നത്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
