കുഞ്ഞതിഥി എത്താറാകുന്നുവെന്ന് താരദമ്പതിമാരായ രാജ്കുമാര് റാവുവും പത്രലേഖയും; രഹസ്യം സൂക്ഷിക്കാൻ ബുദ്ധിമുട്ടായിരുന്നെന്ന് ഫറാ ഖാന്
ബോളിവുഡില് വ്യത്യസ്തമായ, അതേസമയം കാമ്പുള്ള കഥാപാത്രങ്ങള് നല്കി പ്രേക്ഷകരുടെ ഹൃദയം നേടിയെടുത്ത താരമാണ് രാജ്കുമാര് റാവു. ഐസി 814: ദി കാണ്ഡഹാര് ഹൈജാക്ക്, വൈല്ഡ് വൈല്ഡ് പഞ്ചാബ്, സിറ്റി ലൈറ്റ്സ് എന്നീ ചിത്രങ്ങളിലൂടെ പ്രശസ്തി നേടിയ അഭിനേത്രിയാണ് രാജ്കുമാറിന്റെ ഭാര്യ പത്രലേഖ. സഹതാരങ്ങളായി അഭിനയിക്കുന്ന കാലം മുതല് പ്രണയിച്ച് വിവാഹം ചെയ്ത് ഇന്നോളം വരെ ഒരു നിശബ്ദ ശക്തിയും യഥാർത്ഥ ബന്ധവും ഹൃദയങ്ങളെ കീഴടക്കിയിട്ടുണ്ട്.
2011 മുതല് പ്രണയിച്ച് തുടങ്ങിയ ഇവര് 2021 ലാണ് അടുത്ത ബന്ധുക്കളെയും സുഹൃത്തുക്കളെയും സാക്ഷിയാക്കി വിവാഹിതരായത്. അതിനു ശേഷവും കരിയറിലും വ്യക്തി ജീവിതത്തിലും പരസ്പരം ബഹുമാനിച്ചും പിന്തുണച്ചും രണ്ടുപേരും തിളങ്ങി നില്ക്കുകയാണ്. സോഷ്യല് മീഡിയയിലും താരദമ്പതിമാര് സജീവമാണ്.
ഇപ്പോഴിതാ തങ്ങള് ആദ്യത്തെ കണ്മണിയെ കാത്തിരിക്കുന്ന സന്തോഷം പങ്കിടുകയാണ് താരദമ്പതിമാര്. ‘ബേബി ഓണ് ദ വേ...’ എന്ന ചിത്രം പങ്കിട്ടാണ് താരങ്ങള് സന്തോഷം ആരാധകരെ അറിയിച്ചത്. ആഹ്ലാദഭരിതരായി എന്ന ക്യാപ്ഷനൊപ്പം ലവ് ഇമോജിയും കുറിച്ചാണ് താരങ്ങളുടെ പോസ്റ്റ്.
പോസ്റ്റിനു താഴെ സഹപ്രവര്ത്തകരും ആരാധകരുമടക്കം നിരവധി പേര് ആശംസകള് കുറിക്കുന്നുണ്ട്. ‘ഒടുവിൽ ആ വാർത്ത പുറത്തുവന്നു... എനിക്ക് അത് രഹസ്യമായി സൂക്ഷിക്കാൻ ബുദ്ധിമുട്ടായിരുന്നു... അഭിനന്ദനങ്ങൾ’ എന്നാണ് സംവിധായിക ഫറ ഖാന് കുറിച്ചത്. ‘എന്റെ പ്രിയപ്പെട്ട സുഹൃത്തുക്കളെ നിങ്ങൾ രണ്ടുപേർക്കും ആശംസകള്, സന്തോഷം എന്നാണ് സോനം കപൂര് കുറിച്ചത്. ഇനിയും ശരിക്കും അച്ഛന് കഥാപാത്രമാകും നീ എന്നാണ് ആയുഷ്മാന് ഖുറാന കുറിച്ചത്. ആരാധകരും നിരവധി ആശംസകള് കുറിച്ചിട്ടുണ്ട്.
രാജ്കുമാർ റാവുവും പത്രലേഖയും തമ്മിലുള്ള പ്രണയകഥ ആർദ്രവും കാലാതീതവുമാണ്. സിറ്റിലൈറ്റ്സിലെ അവരുടെ രസതന്ത്രത്തിലൂടെ ഓഫ്-സ്ക്രീനിലുള്ള അവരുടെ വൈകാരിക ബന്ധം ആരാധകര്ക്ക് തിരിച്ചറിയാന് കഴിഞ്ഞു. ഒരു പതിറ്റാണ്ടിലേറെ പങ്കിട്ട മൂല്യങ്ങളിലും പരസ്പര ബഹുമാനത്തിലും അധിഷ്ഠിതമായ അവരുടെ ബന്ധം 2021ലെ വിവാഹച്ചടങ്ങുകളിലൂടെ അവര് നിയമപരമാക്കി. 2025 ൽ, ദമ്പതികൾ അവരുടെ പിതാക്കന്മാർക്കും സൃഷ്ടിപരമായ സ്വപ്നങ്ങൾക്കും വേണ്ടി കാമ്പ ഫിലിംസ് ആരംഭിച്ചു. തന്റെ ഏറ്റവും വലിയ ചിയര് ലീഡറാണ് രാജ് എന്ന് പത്രലേഖ പലപ്പോഴും പറഞ്ഞിട്ടുണ്ട്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
