അഴിമതിക്കാരായ ഉദ്യോഗസ്ഥരുടെ കാല് തല്ലി ഒടിച്ചത് മറക്കരുത് ;പാർട്ടി ഭരിക്കുന്ന നഗരസഭയിൽ താക്കീതുമായി സിപിഐഎം നേതാവ്
കോഴിക്കോട്: അഴിമതിക്കാരായ ഉദ്യോഗസ്ഥരുടെ കാല് തല്ലിയൊടിച്ച ചരിത്രം ഓര്മ്മിപ്പിച്ച് വടകര നഗരസഭ മുന് ചെയര്മാന്.വടകര നഗരസഭയിലെ അഴിമതിക്കാരായ ഉദ്യോഗസ്ഥര്ക്കാണ് സിപിഐഎം നേതാവിന്റെ മുന്നറിയിപ്പ്. മുനിസിപ്പാലിറ്റിയുടെ പുതിയ കെട്ടിടം മുഖ്യമന്ത്രി ഉദ്ഘാടനം ചെയ്ത ചടങ്ങില് വെച്ചായിരുന്നു പരാമര്ശം.
അഴിമതിക്കാരായ ഉദ്യോഗസ്ഥരുടെ കാല് തല്ലിയൊടിച്ച ചരിത്രം ഓര്മ്മിപ്പിച്ച് വടകര നഗരസഭ മുന് ചെയര്മാന്. വടകരയില് പണ്ടൊരു ബില്ഡിംഗ് ഇന്സ്പെക്ടര് ഉണ്ടായിരുന്നു. പൈസ കിട്ടിയാലേ കെട്ടിടത്തിന് ലൈസന്സ് കൊടുക്കൂവെന്ന് നിര്ബന്ധമായിരുന്നു, അവസാനം റോഡില്വെച്ച് കാല് തല്ലിയൊടിച്ചു. അതിനും കഴിവുള്ളവരാണ് വടകരക്കാര് എന്ന് മനസ്സിലാക്കണം', നഗരസഭ മുന് ചെയര്മാന് കെ ശ്രീധരന് പറഞ്ഞു.
വടകര നഗരസഭയിലെ ചില ഉദ്യോഗസ്ഥരെക്കുറിച്ച് വടകര പട്ടണത്തില് പറഞ്ഞുകേള്ക്കുന്നുണ്ട്. ചിലര് സര്വ്വീസ് കാലയളവിന് ഇടയില് തന്നെ ടാറ്റയോ ബിര്ളയോ ആയിക്കളയാമെന്ന നിലയില് തന്റെ മുന്നില് വരുന്ന സാധാരണക്കാരനെ പിഴിഞ്ഞ് കീശവീര്പ്പിക്കാനുള്ള ശ്രമങ്ങള് നടക്കുന്നതായി പറയപ്പെടുന്നുണ്ട്. അങ്ങനെയുള്ള ഉദ്യോഗസ്ഥരോട് ഒരുകാര്യമേ പറയാനുള്ളൂ, വിജിലന്സ് കേസ് വരും.സിപിഐഎം ഭരിക്കുന്ന നഗരസഭയുടെ ഓഫീസ് ഉദ്ഘാടനത്തിനിടെ നടത്തിയ ആശംസാ പ്രസംഗത്തിലാണ് പ്രസ്താവന.
മുനിസിപ്പാലിറ്റിയുടെ പുതിയ കെട്ടിടം മുഖ്യമന്ത്രി ഉദ്ഘാടനം ചെയ്ത ചടങ്ങില് വെച്ചായിരുന്നു പരാമര്ശം. മുഖ്യമന്ത്രി ചടങ്ങ് ഉദ്ഘാടനം ചെയ്ത് മടങ്ങിയിരുന്നു. വടകര ചെയര്പേഴ്സണ് ഉള്പ്പെടെയുള്ളവരും വേദിയിലുണ്ടായിരുന്നു. ടൂറിസം പൊതുമരാമത്ത് മന്ത്രി പി എ മുഹമ്മദ് റിയാസാണ് പരിപാടിയുടെ അധ്യക്ഷത വഹിച്ചത്. ഷാഫി പറമ്പില് എംപിസ എംഎല്എമാരായ കെ കെ രമ, കെ പി കുഞ്ഞമ്മദ്കുട്ടി, മുന് മന്ത്രി സി കെ നാണു ഉള്പ്പെടെയുള്ളവര് പരിപാടിയില് പങ്കെടുത്തിരുന്നു.
YOU MAY BE INTERESTED
LATEST NEWS
- പിന്നോക്കക്കാരെ മത്സരിപ്പിക്കുന്നത് തോല്ക്കാന് വേണ്ടി ; ജയിക്കുന്ന മണ്ഡലം നല്കുന്നില്ലെന്ന് ശിവഗിരി മഠാധിപതി
- പാലക്കാട് റെയില്വേ പാതയിരട്ടിപ്പിക്കല് ; പ്രധാനമന്ത്രിക്കും റെയില്വേ മന്ത്രിക്കും നന്ദി പറഞ്ഞ് രാജീവ് ചന്ദ്രശേഖര്
- മഞ്ചേശ്വരത്ത് എല്ഡിഎഫ് സ്ഥാനാര്ത്ഥിയെ മാറ്റിയത് യുഡിഎഫിനെ സഹായിക്കാന്
- കൊലക്കേസില് ജാമ്യം നേടി പുറത്തുവന്നു ; ഗുണ്ടാനേതാവ് അലുവ അതുലിനെ വഴിയിലിട്ട് വെട്ടിക്കൊന്നു
- പ്രൊഫ. കെവി തോമസ് ചങ്ങനാശ്ശേരി അതിരൂപതാ മെത്രാപ്പോലീത്തയുമായി ചർച്ച നടത്തി
