‘‘ഞാന്‍ കാത്തിരിക്കുകയാണ്; പുതിയ സന്തോഷവും ഉത്തരവാദിത്തവുമാണത്; നീണ്ട ഇടവേളയ്ക്ക് ശേഷം രണ്ടാമതും അച്ഛനാകുന്നത് പുതിയ വികാരം...’’ അര്‍ബാസ് ഖാന്‍

Arbaaz Khan and wife Shura Khan are expecting their first baby (Image Source: Instagram)

ബോളിവുഡിന്റെ ഭായ് ജാന്‍ സല്‍മാന്റെ മൂത്ത സഹോദരനും നടനും നിര്‍മ്മാതാവുമായ അര്‍ബാസ് ഖാന്‍ പ്രേക്ഷകര്‍ക്ക് ഏറെയിഷ്ടമുള്ള ഒരുപാട് കഥാപാത്രങ്ങള്‍ വെള്ളിത്തിരയിലെത്തിച്ചിട്ടുണ്ട്. നിരവധി ബോളിവുഡ് ചിത്രങ്ങളില്‍ അഭിനയിച്ചിട്ടുള്ള അർബാസ് മലയാളത്തില്‍ മോഹൻലാല്‍ ചിത്രം ബിഗ് ബ്രദറിലും വില്ലന്‍ വേഷത്തില്‍ തിളങ്ങിയിട്ടുണ്ട്.
താരത്തിന്റെ സ്വകാര്യ ജീവിതം പലപ്പോഴും വാര്‍ത്തകളില്‍ നിറഞ്ഞിട്ടുള്ളതാണ്. മോഡലും അഭിനനേത്രിയുമായ മലൈക അറോറയെ വിവാഹം ചെയ്ത അര്‍ബാസ് 19 വര്‍ഷത്തിനു ശേഷം ആ ദാമ്പത്യം അവസാനിപ്പിച്ചിരുന്നു. അതിനു ശേഷം വര്‍ഷങ്ങള്‍ക്കിപ്പുറം അര്‍ബാസ് പ്രമുഖ മേക്കപ്പ് ആർട്ടിസ്റ്റായ ഷുറാ ഖാനെ ജീവിതപങ്കാളിയാക്കി. രണ്ടാം വിവാഹം വളരെ സന്തോഷപൂർവ്വം നയിക്കുകയാണ് അര്‍ബാസ്.
കുറച്ചു ദിവസങ്ങൾക്ക് മുമ്പ്, മുംബൈയിലെ ഒരു ക്ലിനിക്കിന് പുറത്ത് അർബാസ് ഖാന്റെ രണ്ടാം ഭാര്യയായ 35 വയസ്സുള്ള ഷുറ ഖാനെ കണ്ടതിനെ തുടർന്ന് അവരുടെ ഒരു വീഡിയോ വൈറലായി. പലരും താരപത്നിയുടെ ബേബി ബമ്പ് ശ്രദ്ധിച്ച് വാര്‍ത്തകളില്‍ പങ്കിട്ടിരുന്നു. പക്ഷേ ദമ്പതികൾ അങ്ങനെയൊരു വാർത്ത സ്ഥിതീകരിച്ചിരുന്നില്ല. എന്നാല്‍ ഇക്കഴിഞ്ഞ ദിവസമാണ് ഒരു അഭിമുഖത്തിനിടെ 57-ാം വയസ്സിൽ രണ്ടാമതും പിതൃത്വം സ്വീകരിക്കുന്നതിനെക്കുറിച്ചുള്ള തന്റെ വികാരങ്ങൾ പങ്കിട്ടത്.
ഇപ്പോഴിതാ താന്‍ വീണ്ടും അച്ഛനാകുന്നതില്‍ എക്സൈറ്റഡാണെന്ന് പറയുകയാണ് അര്‍ബാസ് ഖാന്‍. ശരിക്കും എക്സൈറ്റഡാണെന്നും ഇടവേളയ്ക്ക് ശേഷമുള്ള ഈ പിതൃത്വം പുതിയൊരു സന്തോഷവും ഉത്തരവാദിത്തവും നൽകുന്നുണ്ടെന്നും അര്‍ബാസ് പറയുന്നു. “അതെ, അത് അങ്ങനെ തന്നെ. ഞാൻ ആ വിവരം നിഷേധിക്കുന്നില്ല, കാരണം ഇപ്പോൾ അത് പുറത്തുള്ള ഒന്നാണ്, എന്റെ കുടുംബത്തിന് അതിനെക്കുറിച്ച് അറിയാം. ആളുകൾ ഇതിനെക്കുറിച്ച് അറിഞ്ഞിട്ടുണ്ട്, അത് നല്ലതാണ്. അത് വളരെ വ്യക്തമാണ്. ഞങ്ങളുടെ രണ്ട് ജീവിതങ്ങളിലും ഇത് വളരെ ആവേശകരമായ സമയമാണ്. ഞങ്ങൾ സന്തുഷ്ടരും ആവേശഭരിതരുമാണ്. ഞങ്ങളുടെ ജീവിതത്തിലെ ഈ പുതിയ ജീവിതത്തെ ഞങ്ങൾ സ്വാഗതം ചെയ്യാൻ പോകുന്നു.
എല്ലാവരും നെര്‍വസ്സാകും, അത് കാത്തിരിക്കുന്ന ഏതൊരാള്‍ക്കുമത് അനുഭവപ്പെടും. ഞാൻ അതിനായി കാത്തിരിക്കുകയാണ്, അത് എനിക്ക് പുതിയൊരു സന്തോഷവും ഉത്തരവാദിത്തവും നൽകുന്നു. എനിക്ക് അത് ഒരു തരത്തിൽ ഇഷ്ടമാണ്. ഒരു നീണ്ട ഇടവേളയ്ക്ക് ശേഷം രണ്ടാമതും അച്ഛനാകുന്നത് എനിക്ക് വീണ്ടും ഒരു പുതിയ വികാരമാണ്. ഞാൻ ആവേശത്തിലാണ്. ഞാൻ സന്തോഷവാനാണ്, ഞാൻ ആകാംക്ഷയോടെ കാത്തിരിക്കുകയാണ്. ഇത് എനിക്ക് ഒരു പുതിയ സന്തോഷമോ ഉത്തരവാദിത്തമോ നൽകുന്നു. എനിക്ക് അത് ഒരു തരത്തിൽ ഇഷ്ടമാണ്...
എന്റെ മുൻഗണന ഒരു സ്നേഹനിധിയും പിന്തുണ നൽകുന്നതുമായ ഒരു രക്ഷിതാവായിരിക്കുക എന്നതാണ്. ഞങ്ങളുടെ കുട്ടിക്ക് ചുറ്റും ആയിരിക്കാനും, ശ്രദ്ധിക്കാനും, കരുതലുള്ളവരായിരിക്കാനും, സ്നേഹിക്കാനും, കുഞ്ഞ് വേണ്ടുന്നതെല്ലാം നല്‍കുവാനും പരമാവധി ശ്രമിക്കും...’’ അര്‍ബാസ് പറഞ്ഞു.
നടി മലൈക അറോറയുമായുള്ള

View this post on Instagram

A post shared by Bombay Times (@bombaytimes)

മലൈകയുമായിട്ടുള്ള 19 വര്‍ഷത്തെ ദാമ്പത്യത്തില്‍ അര്‍ബാസിന് അര്‍ഹാന്‍ ഖാന്‍ എന്നൊരു മകനുണ്ട്. 2017 ആദ്യ ദാമ്പത്യം അവസാനിപ്പിച്ച അര്‍ബാസ് 2023-ല്‍ മുംബൈയില്‍ വെച്ച്‌ നടന്ന ലളിതമായ ചടങ്ങില്‍ വെച്ച് ഷൂറ ഖാനെ തന്റെ ജീവിതസഖിയാക്കി. വിവാഹ സമയത്ത് ഇരുവരുടെയും പ്രായ വ്യത്യാസം വലിയ ചര്‍ച്ചയായിരുന്നു. വിവാഹ സമയത്ത് 56 വയസായിരുന്നു അര്‍ബാസിന്റെ പ്രായം.