ആദംപൂര് വ്യോമതാവളം സന്ദര്ശിച്ച് പ്രധാനമന്ത്രി ; സൈനികരെ അഭിനന്ദിച്ചു, ആശയവിനിമയം നടത്തി
ന്യൂഡല്ഹി: വിജയകരമായ ഓപ്പറേഷന് സിന്ദൂരയ്ക്ക് പിന്നാലെ ഇന്ത്യന് ആക്രമണം ഏകോപിപ്പിച്ച പഞ്ചാബിലെ ആദംപൂര് വ്യോമതാവളത്തില് സൈനികരെ സന്ദര്ശിച്ച് പ്രധാനമന്ത്രി നരേന്ദ്രമോദി. ഇന്ത്യയുടെ ഓപ്പറേഷന് സിന്ദൂരത്തിന് മറുപടിയായി മെയ് 9-10 രാത്രിയില് പാകിസ്ഥാന് ലക്ഷ്യമിട്ടതായി റിപ്പോര്ട്ട് ചെയ്യപ്പെട്ട നാല് പ്രധാന ഇന്ത്യന് എയര്ഫോഴ്സ് സ്റ്റേഷനുകളില് ഒന്നാണ് ആദംപൂര്.
ഓപ്പറേഷന് സിന്ദൂറില് പങ്കെടുത്ത സൈനികരെ പ്രധാനമന്ത്രി അഭിനന്ദിച്ചു. ഇന്ന് പുലര്ച്ചെ ആദംപൂര് വ്യോമതാവളത്തില് എത്തിയ അദ്ദേഹം ജവാന്മാരുമായി ആശയവിനിമയം നടത്തുകയും വ്യോമസേനാ ഉദ്യോഗസ്ഥര് താവളത്തിലെ സ്ഥിതിഗതികള് അദ്ദേഹത്തെ അറിയിക്കുകയും ചെയ്തു. ആദംപൂര് വ്യോമസേനാ താവളത്തില് ഒറ്റരാത്രികൊണ്ട് നടത്തിയ പ്രത്യാക്രമണത്തില് തങ്ങള് നാശനഷ്ടം വരുത്തിയെന്ന പാക്കിസ്ഥാന് അവകാശവാദത്തിന് പിന്നാലെയാണ് പ്രധാനമന്ത്രി മോദിയുടെ ആദംപൂര് എയര് ബേസ് സന്ദര്ശനം പ്രാധാന്യമര്ഹിക്കുന്നത്.
യുദ്ധവിമാന പൈലറ്റുമാരുമായും സപ്പോര്ട്ട് സ്റ്റാഫുമായും പ്രധാനമന്ത്രി കൂടിക്കാഴ്ച നടത്തി. അവരുമായി സെല്ഫിയെടുക്കുകയും മറ്റും ചെയ്തു. ഡല്ഹിയിലെ പാലം എയര് ബേസില് നിന്ന് ഇന്ന് രാവിലെ ഏഴ് മണിക്കാണ് പ്രധാനമന്ത്രി ആദംപൂരിലേക്ക് യാത്ര തിരിച്ചത്. ഒരു മണിക്കൂറോളം അദ്ദേഹം വ്യോമസേനാ ഉദ്യോഗസ്ഥര്ക്കൊപ്പം ചെലവഴിച്ചു. വ്യോമസേനാ മേധാവി എയര് ചീഫ് മാര്ഷല് എ പി സിംഗ് അദ്ദേഹത്തോടൊപ്പം ഉണ്ടായിരുന്നു. വ്യോമസേനയുടെ മിഗ് 29 യുദ്ധവിമാനങ്ങളുടെ താവളമാണ് ആദംപൂര് എയര് ബേസ്.
YOU MAY BE INTERESTED
LATEST NEWS
- 'സൗന്ദര്യവും പാരമ്പര്യവും നോക്കിയല്ല സ്ഥാനാർത്ഥികളെ തീരുമാനിക്കുന്നത്'; എംപിമാർ മത്സരിക്കേണ്ടെന്ന് ഉണ്ണിത്താന്
- ആർ. വൈരമുത്തുവിന് ജ്ഞാനപീഠ പുരസ്കാരം
- എഫ് ബി പോസ്റ്റ് സുധാകരൻ ഇട്ടതല്ല എന്നോട് പറഞ്ഞതാണ്, പറവൂരിൽ കെ സുധാകരനെ പിന്തുണച്ചുള്ള പോസ്റ്റർ വെച്ചത് സിപിഐഎം ആയിരിക്കാം; വി ഡി സതീശൻ
- കെ സുധാകരൻ ബിജെപിയിൽ പോകുമോ: ചോദ്യത്തോട് പ്രതികരിച്ച് കെസി വേണുഗോപാൽ
- ഉത്തർപ്രദേശിൽ സമാജ്വാദി പാർട്ടി നേതാവിന്റെ വീട്ടിൽ 55 സിലിണ്ടറുകൾ; പഞ്ചാബിൽ ക്യൂ നിന്ന 66 കാരൻ കുഴഞ്ഞുവീണ് മരിച്ചു
