ബ്രേവ്ഹാർട്ട്സ് കസ്റ്റം കോച്ചർ ഗൗണില്‍ മെറ്റ് ഗാലയില്‍ കിയാര അദ്വാനി; സ്വർണ്ണ ബ്രെസ്റ്റ് പ്ലേറ്റും പൊക്കിള്‍ക്കൊടി പ്രതീകമാക്കിയ ഗൗണും ധരിച്ച് താരം

Kiara Advani, Sidharth Malhotra, Met Gala 2025

Kiara advani (Image Source: Instagram)

ബോളിവുഡിന്റെ പ്രിയതാരമാണ് കിയാര അദ്വാനി അഭിനയിച്ച കഥാപാത്രങ്ങളില്‍ മിക്കതും പ്രേക്ഷകര്‍ക്ക് ഏറെ പ്രിയപ്പെട്ടതാണ്. ആദ്യ സിനിമകളില്‍ അത്ര തിളങ്ങിയില്ലെങ്കിലും പിന്നീട് ബോളിവുഡിന്റെ നിരയിലേക്ക് അതിവേഗം ഉയർന്നുവരാനും, വൈവിധ്യമാർന്നതും കാമ്പുള്ളതുമായ കഥാപാത്രങ്ങള്‍ അവതരിപ്പിക്കാനും അതുവഴി തന്റേതായ ഒരിടം ബോളിവുഡില്‍ നേടാനും കഴിഞ്ഞു.
ബോളിവുഡിന് ഏറെ പ്രിയപ്പെട്ട സിദ്ധാര്‍ത്ഥ് മല്‍ഹോത്രയുമായിട്ടുള്ള കിയാരയുടെ പ്രണയവും ഡേറ്റിംഗും വിവാഹവുമൊക്കെ ആരാധകര്‍ ഏറെ ആഘോഷിച്ചതാണ്. സോഷ്യല്‍ മീഡിയയില്‍ സജീവമായ താരങ്ങള്‍ അതുവഴി തന്നെയാണ് തങ്ങള്‍ ആദ്യ കുഞ്ഞിനെ കാത്തിരിക്കുന്നു എന്ന സന്തോഷം പങ്കിട്ടത്. ഏറെ ആവേശത്തോടെ ആരാധകരത് ഏറ്റെടുക്കുകയും ചെയ്തു. പിന്നീടും ക്യാമറക്കണ്ണുകള്‍ക്ക് മുന്നില്‍ പലതവണ കിയാര പ്രത്യക്ഷപ്പെട്ടു. കിയാരയുടെ ബേബി ബമ്പിലുള്ള ചിത്രങ്ങളും ആരാധകര്‍ക്ക് മുന്നില്‍ എത്തിത്തുടങ്ങി.
ഇപ്പോഴിതാ തന്റെ ആദ്യ കുഞ്ഞിനെ പ്രതീക്ഷിക്കുന്ന കിയാര അദ്വാനി, മെറ്റ് ഗാല ലുക്കിലൂടെ ഒരു അമ്മയും കുഞ്ഞും തമ്മിലുള്ള ആഴത്തിലുള്ള ബന്ധത്തെ പ്രതീകപ്പെടുത്തുകയാണ്. ‘‘മെയ് മാസത്തിലെ അമ്മയുടെ ആദ്യ തിങ്കളാഴ്ച...’’ എന്ന ക്യാപ്ഷന്‍ നല്‍കിയാണ് കിയാര അദ്വാനി തന്റെ ബേബി ബമ്പിലുള്ള ചിത്രങ്ങള്‍ പങ്കിട്ടിരിക്കുന്നത്. മാതൃത്വത്തെയും സാംസ്കാരിക പൈതൃകത്തെയും ആഘോഷിച്ച ഇന്ത്യൻ ഡിസൈനർ ഗൗരവ് ഗുപ്തയുടെ ബ്രേവ്ഹാർട്ട്സ് എന്ന കസ്റ്റം കോച്ചർ ഗൗൺ ധരിച്ചാണ് കിയാര 2025 ലെ മെറ്റ് ഗാലയിൽ തന്റെ കുഞ്ഞിനൊപ്പം കാർപെറ്റിൽ നടക്കുന്ന ആദ്യ ഇന്ത്യൻ നടിയായത്. ഗൗണിന്റെ ഏറ്റവും വലിയ പ്രത്യേകത അത് മാതൃത്വത്തെ സിമ്പോളൈസ് ചെയ്യുന്ന ഡിസൈന്‍ ആണെന്നുള്ളതാണ്. ഗുംഗ്രൂകളും ക്രിസ്റ്റലുകളും കൊണ്ട് അലങ്കരിച്ച ഒരു പുരാതന സ്വർണ്ണ ബ്രെസ്റ്റ് പ്ലേറ്റും അതില്‍ നിന്ന് ഒരു ചെയിന്‍ ബന്ധിപ്പിച്ച് ഒരു മദര്‍ ഹാര്‍ട്ടും ഉണ്ടായിരുന്നു. പൊക്കിൾക്കൊടി കൊണ്ട് ബന്ധിപ്പിച്ചിരിക്കുന്ന പ്രതീകാത്മക മദർ ഹാർട്ടാണ് അതു കൊണ്ട് ഉദ്ദേശിക്കുന്നത്. കൂടാതെ ബേബി ഹാർട്ട് രൂപങ്ങൾ എന്നിവയും ഗൗണില്‍ ഉണ്ട്.
മെറ്റ് ഗാലയുടെ തീം ‘സൂപ്പർഫൈൻ: ടെയ്‌ലറിംഗ് ബ്ലാക്ക് സ്റ്റൈൽ’, ഡ്രസ് കോഡ് ‘ടെയ്‌ലർഡ് ഫോർ യു’ എന്നിവയുമായി യോജിപ്പിച്ച്, ഒരു കലാകാരി എന്ന നിലയിലും അമ്മയാകാൻ പോകുന്ന വ്യക്തി എന്ന നിലയിലും തന്റെ ജീവിതത്തിലെ പരിവർത്തന ഘട്ടത്തെ ആദരിക്കുന്നതായി കിയാര വിശേഷിപ്പിച്ചു.

View this post on Instagram

A post shared by KIARA (@kiaraaliaadvani)

2025 ലെ മെറ്റ് ഗാലയിൽ ബോളിവുഡിന്റെ മഹത്വം ഉയർത്തിക്കാട്ടി ഷാരൂഖ് ഖാൻ, പ്രിയങ്ക ചോപ്ര ജോനാസ്, ദിൽജിത് ദോസഞ്ജ്, ഇഷ അംബാനി, താമസിയാതെ അമ്മയാകാൻ പോകുന്ന കിയാര അദ്വാനി എന്നിവരുൾപ്പെടെയുള്ള ഇന്ത്യൻ സൂപ്പർതാരങ്ങൾ ശ്രദ്ധ പിടിച്ചുപറ്റി.
കിയാര അദ്വാനിയുടെയും സിദ്ധാർത്ഥ് മൽഹോത്രയുടെയും പിന്നണിയിലെ ഹൃദയസ്പർശിയായ കാഴ്ചകളും സോഷ്യല്‍ മീഡിയ ഏറ്റെടുക്കുകയാണ്. തിരശ്ശീലയ്ക്ക് പിന്നിലെ ക്ലിപ്പിൽ കൂടുതൽ ലളിതവും വ്യക്തിപരവുമായ ശൈലിയില്‍ തന്റെ ടീമിനൊപ്പം പിസ്സ കഴിക്കുന്നത് കാണാം, ‘‘ഇത് എന്റെ മെറ്റ് ഡയറ്റ് ആണ്...’’ എന്ന് പറയുന്നുണ്ട്.
ഗൗരവ് ഗുപ്ത സ്റ്റൈൽ ചെയ്ത തന്റെ വസ്ത്രത്തെക്കുറിച്ചും കിയാര വീഡിയോയില്‍ പറയുന്നുണ്ട്. ‘‘ഗൗരവിനോട് ഞാൻ പറഞ്ഞതിങ്ങനെ, ‘എന്റെ ജീവിതത്തിലെ അടുത്ത ഘട്ടമാണിത്, അത് ആവിഷ്കാരത്തിന്റെയും ഈ വസ്ത്രത്തിന്റെയും ഭാഗമാകണമെന്ന് ഞാൻ ആഗ്രഹിക്കുന്നു... ഞങ്ങൾ തീമിനെ വ്യാഖ്യാനിച്ച രീതിയും ആൻഡ്രെ ലിയോൺ ടാലി അടുത്ത തലമുറയ്ക്ക് വഴിയൊരുക്കിയതുപോലെ എന്റെ കുഞ്ഞിനായി ഇത് ചെയ്യുന്നതുമായി ബന്ധപ്പെട്ട രീതിയും എനിക്ക് വളരെ ഇഷ്ടമാണ്.
പൊക്കിൾക്കൊടിയാൽ ബന്ധിക്കപ്പെട്ട ഒരു അമ്മയെയും കുഞ്ഞിനെയും പ്രതിനിധീകരിക്കുന്ന ഒരു സ്വർണ്ണ ശൃംഖലയാൽ ബന്ധിക്കപ്പെട്ട രണ്ട് ഹൃദയങ്ങൾ അവളുടെ വസ്ത്രത്തിനുണ്ടായിരുന്നു. കിയാര പറഞ്ഞു, ‘പൊക്കിൾക്കൊടി യഥാർത്ഥത്തിൽ വളരെ മധുരമുള്ള ഒരു വിശദാംശമാണ്.... ഇത് 'ഹേ സുഹൃത്തേ, നീ മെറ്റിന്റെ പടികളിലാണ്...’ എന്ന് പറയുന്നത് പോലെയാണ്....’’ കിയാര പറയുന്നു.