ജീവിതത്തിലെ പുതിയ സന്തോഷം പങ്കുവെച്ച് നടി അര്‍ച്ചന കവി

photo-www.instagram.com/archanakavi/

നീലത്താമര എന്ന ചിത്രത്തിലൂടെയാണ് അര്‍ച്ചന കവിയുടെ തുടക്കം. എംടി വാസുദേവന്റെ തിരക്കഥയില്‍ ലാല്‍ ജോസ് സംവിധാനം ചെയ്ത നീലത്താമര എന്ന ചിത്രം വലിയ വിജയമാതിനൊപ്പം അര്‍ച്ചന കവിയ്ക്കും ഗംഭീര തുടക്കം ലഭിച്ചു. പിന്നീട് മമ്മി ആന്റ് മി എന്ന ചിത്ത്രതിലെ വേഷവും ഏറെ ശ്രദ്ധിക്കപ്പെട്ടിരുന്നു.

പിന്നീട് ഇന്റസ്ട്രിയില്‍ നിന്ന് മാറി നില്‍ക്കുകയും ചെയ്തു. കളിക്കൂട്ടുകാരനും സ്റ്റാന്റ് അപ് കൊമേഡിയനുമായ അഭിഷ് മാത്യുവുമായുള്ള വിവാഹവും വിവാഹ മോചനവും എല്ലാം ജീവിതത്തില്‍ അര്‍ച്ചയ്‌ക്കേറ്റ തിരിച്ചടികളായിരുന്നു. അവിടെ നിന്ന് സീരിയലിലൂടെ തിരിച്ചുവരാന്‍ ശ്രമിച്ചിരുന്നുവെങ്കിലും കഴിഞ്ഞിരുന്നില്ല. ഡിപ്രഷന്‍ സ്റ്റേജുകളെ തരണം ചെയ്ത് മുന്നോട്ട് വരുന്നതിനെ കുറിച്ചെല്ലാം പലപ്പോഴും അര്‍ച്ചന കവി പങ്കുവച്ച പോസ്റ്റ് സോഷ്യല്‍ മീഡിയയില്‍ ശ്രദ്ധ നേടിയിരുന്നു.

മാനസികമായി ഒരുപാട് തകര്‍ന്ന് നില്‍ക്കുന്ന അവസ്ഥയിലാണ് ഐഡന്റിറ്റി എന്ന ചിത്രത്തില്‍ അര്‍ച്ചന കവി അഭിനയിച്ചത്. അത് താരത്തിന്റെ ഒരു തിരിച്ചുവരവായിരുന്നു. എല്ലാവരും അഭിനയത്തെ പ്രശംസിച്ചു. അതുപോലുള്ള മികച്ച വേഷങ്ങള്‍ക്ക് വേണ്ടിയുള്ള കാത്തിരിപ്പിലാണ് ഇപ്പോള്‍ അര്‍ച്ചന കവി. അതിനിടയില്‍ ഇതാ ജീവിതത്തിലെ ഒരു സന്തോഷം പങ്കുവച്ച് എത്തിയിരിക്കുന്നു.

മറ്റൊന്നുമല്ല, അര്‍ച്ചകവിയുടെ പുതിയ വീടിന്റെ പാലുകാച്ചല്‍ കഴിഞ്ഞു. 'കവീയുടെ വീട്' എന്ന ക്യാപ്ഷനോടെയാണ് പാലുകാച്ചലിന്റെ വീഡിയോ നടി പങ്കുവച്ചത്. പ്രാര്‍ത്ഥനകളോടെയും ആശംസകളോടെയും നിരവധി കമന്റുകളാണ് വീഡിയോയ്ക്ക് താഴെ വരുന്നത്. നല്ലതു മാത്രം വരട്ടെ, ദൈവം അനുഗ്രഹിക്കട്ടെ, അഭിനന്ദനങ്ങള്‍ എന്നിങ്ങനെ പോകുന്നു കമന്റുകള്‍.