മുനമ്പം പ്രശ്നം: ട്രിബ്യൂണലിൽ ശക്തമായ വാദപ്രതിവാദം: ഫാറൂഖ് കോളേജിൻ്റെ നിലപാട് മാറ്റത്തെ വിമർശിച്ച് വഖഫ് ബോർഡ്
മുനമ്പത്തെ ഭൂമി വഖഫ് ആക്കിയ വഖഫ് ബോർഡിൻ്റെ നടപടി ചോദ്യം ചെയ്ത് ഫാറൂഖ് കോളേജ് മാനേജ്മൻ്റ് അസോസിയേഷൻ നൽകിയ ഹർജിയിൽ വഖഫ് ട്രിബൂണലിൽ ഇന്നും വാദം തുടർന്നു. പറവൂർ മുൻസിഫ് കോടതിയുടെ ഭൂമിയുമായി ബന്ധപ്പെട്ട വിധിയാണ് ട്രൈബൂണൽ ഇന്ന് പരിശോധിച്ചത്. കയ്യേറിയ ഭൂമി തിരിച്ചു പിടിക്കാൻ വഖഫ് ഭൂമിയെന്ന് വാദിച്ച ഫാറൂഖ് കോളേജ് ഇപ്പോൾ ഭൂമി ദാനമാണെന്ന് വാദിക്കുന്നത് മുൻ നിലപാടുകൾക്ക് വിരുദ്ധമാണെന്ന് വഖഫ് ബോർഡ് വാധിച്ചു.
മുനമ്പം ഭൂമി വഖഫാണെന്ന് ഫാറൂഖ് കോളജ് 1971 ൽ സത്യവാങ്മൂലം നൽകിയെന്ന് വഖഫ് ബോർഡ് ഇന്ന് ചൂണ്ടിക്കാട്ടി. പറവൂർ സബ് കോടതിയിൽ ഫാറൂഖ് കോളജ് സത്യവാങ്മൂലം നൽകിയെന്നായിരുന്നു വഖഫ് ബോർഡ് വ്യക്തമാക്കിയത്. അങ്ങനെയൊരു സത്യവാങ്മൂലം ഉണ്ടോ എന്ന് അറിയില്ലെന്ന് ഫാറൂഖ് കോളജിൻ്റെ അഭിഭാഷകൻ മായീൻ കോടതിയിൽ പറഞ്ഞു. ഭൂമി ദാനമാണെന്നതിന് വിധി പ്രസ്താവത്തിൽ തന്നെ സൂചനകൾ ഉണ്ടെന്നായിരുന്നു ഫാറൂഖ് കോളേജിന്റെയും മുനമ്പം നിവാസികളുടെയും സുബൈദയുടെ മക്കളും വാദിച്ചത്. 1975 ലെ ഹൈക്കോടതി വിധി നാളെ പരിശോധിക്കും
YOU MAY BE INTERESTED
LATEST NEWS
- തെറ്റ് ചെയ്തിട്ടില്ല, പാര്ട്ടിയില് നിന്നും പുറത്താക്കരുത് ; പാര്ട്ടിക്ക് വിശദീകരണ കത്ത് നല്കി എ. പത്മകുമാര്
- സംസ്ഥാനങ്ങള്ക്ക് അധിക മണ്ണെണ്ണ അനുവദിച്ചു ; പാചകവാതകപ്രതിസന്ധിയില് ബദല്മാര്ഗ്ഗവുമായി കേന്ദ്രം
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
