നഴ്സുമാരുടെ സമരം: ചര്ച്ച അലസി
കൊച്ചി: നഴ്സുമാരുടെ സംഘടനാ പ്രതിനിധികളും സ്വകാര്യ ആശുപത്രി മാനേജ്മെന്റ് പ്രതിനിധികളും തമ്മില് ഹൈക്കോടതി നിര്ദേശ പ്രകാരം നടത്തിയ മധ്യസ്ഥ ചര്ച്ച തീരുമാനമാകാതെ പിരിഞ്ഞു.
ശമ്പള വര്ധന ആവശ്യപ്പെട്ടു നഴ്സുമാര് സമരം തുടരുന്ന പശ്ചാത്തലത്തിലായിരുന്നു ചര്ച്ച. ഹൈക്കോടതി മീഡിയേഷന് സെന്ററില് അഡ്വ.പി.എം. മുഹമ്മദ് ഷിറാസിന്റെ മധ്യസ്ഥയില് രാവിലെ ആരംഭിച്ച ചര്ച്ച വൈകിട്ടു വരെ നീണ്ടെങ്കിലും ആശുപത്രി മാനേജ്മെന്റുകളും നഴ്സുമാരുടെ സംഘടനാ പ്രതിനിധികളും കടുംപിടിത്തം തുടര്ന്നു. 23 നു ചര്ച്ച തുടരും.
അടിസ്ഥാന ശമ്പളം 40,000 രൂപയാക്കണമെന്ന ആവശ്യത്തില് നഴ്സുമാരുടെ സംഘടനാ പ്രതിനിധികള് ഉറച്ചുനിന്നു. മിനിമം വേതനവുമായി ബന്ധപ്പെട്ടു സര്ക്കാര് പുറപ്പെടുവിച്ച ഉത്തരവിലെ നടപടിക്രമങ്ങള് പൂര്ത്തിയാകുംവരെ കാത്തിരിക്കണം എന്നതടക്കമുള്ള ആവശ്യങ്ങള് ആശുപത്രി മാനേജ്മെന്റ് പ്രതിനിധികള് ഉന്നയിച്ചു. സംഘടനാതലത്തില് തീരുമാനമെടുത്തു നിലപാടറിയിക്കാന് മീഡിയേറ്റര് ആവശ്യപ്പെട്ടു. കേരള ൈപ്രവറ്റ് ഹോസ്പിറ്റല്സ് അസോസിയേഷന് നല്കിയ ഹര്ജിയിലാണ് മധ്യസ്ഥ ചര്ച്ചയ്ക്കു ഹൈക്കോടതി നിര്ദേശിച്ചത്. നാളെ വീണ്ടും ഹര്ജി പരിഗണിക്കും.
LATEST NEWS
- തൊടുപുഴയില് അഞ്ചു പതിറ്റാണ്ടിനുശേഷം തലമുറമാറ്റം; പി.ജെയ്ക്കു പകരം കന്നിയങ്കത്തിന് അപു, എന്ജിനീയറിംഗ് ബിരുദധാരി, പിതാവിനെപോലെ കര്ഷകനും ഗായകനും
- ഡോ. വന്ദനാദാസ് വധം: നിയമപോരാട്ടത്തില് നിര്ണായകമായത് വൈദ്യപരിശോധനാ മാര്ഗരേഖകള് നിരത്തി ആരോഗ്യപ്രവര്ത്തക ഡോ. കെ. പ്രതിഭയുടെ ഇടപെടല്
- അസാധാരണം; ഭരണമുന്നണിയുമായി അടുപ്പമുള്ളവര് എന്ന സംശയം, ഐ.പി.എസ്, ഐ.എ.എസ്. സ്ഥലംമാറ്റത്തില് തിരുത്തല്വരുത്തി കേന്ദ്ര തെരഞ്ഞെടുപ്പ് കമ്മിഷന്
- 13 വര്ഷത്തിനിടെ പാലക്കാട് ജില്ലയില് മരിച്ചത് 28 കുട്ടികള്; സി.ബി.ഐയോടും ക്രൈംബ്രാഞ്ചിനോടും റിപ്പോര്ട്ട് തേടി ഹൈക്കോടതി
- തന്ത്രിക്കെതിരേ തെളിവില്ലെന്ന പരാമര്ശങ്ങള്ക്ക് സ്റ്റേ, സര്ക്കാരിന് ആശ്വാസം; അനിശ്ചിതത്വത്തിലായ അന്വേഷണം വേഗത്തിലാക്കാന് എസ്.ഐ.ടി.
