ഇറാന് - ഇസ്രയേല് സംഘർഷം ; അടിയന്തിരമായി ഹെല്പ്പ്ഡെസ്ക് ആരംഭിക്കണം; നിർദേശം നൽകി മുഖ്യമന്ത്രി
തിരുവനന്തപുരം : ഇറാന്, ഇസ്രയേല് പശ്ചിമേഷ്യന് രാജ്യങ്ങള് എന്നീ മേഖലകളില് സംഘര്ഷസാധ്യത നിലനില്ക്കുന്ന പശ്ചാത്തലത്തില് അടിയന്തിരമായി ഹെല്പ്പ്ഡെസ്ക് ആരംഭിക്കാൻ മുഖ്യമന്ത്രി പിണറായി വിജയൻ നോർക്കക്ക് നിർദ്ദേശം നൽകി. ഇറാന്, ഇസ്രയേല് പശ്ചിമേഷ്യന് രാജ്യങ്ങള് എന്നീ മേഖലകളില് സംഘര്ഷസാധ്യത നിലനില്ക്കുന്ന പശ്ചാത്തലത്തില് മുഖ്യമന്ത്രിയുടെ ഓഫീസിന്റെ നിര്ദ്ദേശപ്രകാരം കേരളീയര്ക്കായി നോര്ക്ക റൂട്ട്സ് ഹെല്പ്പ്ഡെസ്ക് പ്രവര്ത്തനം ആരംഭിച്ചു.
സഹായം ആവശ്യമുളള കേരളീയര്ക്ക് നോർക്ക ഗ്ലോബൽ കോണ്ടാക്ട് സെൻ്ററിലെ ഹെല്പ് ഡെസ്ക് നമ്പറുകളായ +91-8802012345 (അന്താരാഷ്ട്ര മിസ്ഡ് കോൾ), 18004253939 (ടോൾ ഫ്രീ നമ്പർ, ഇന്ത്യയില് നിന്നും) എന്നിവയില് ബന്ധപ്പെട്ട് രജിസ്റ്റര് ചെയ്യാവുന്നതാണ്. ഇന്ത്യന് പൗരന്മാര് അതാത് രാജ്യങ്ങളിലെ ഇന്ത്യന് എംബസികളുടെയും കേന്ദ്ര വിദേശകാര്യ മന്ത്രാലയത്തിന്റെയും നിര്ദ്ദേശങ്ങള് പാലിക്കേണ്ടതുമാണ്.
ഗൾഫ് രാജ്യങ്ങളിലെ അമേരിക്കൻ സൈനിക താവളങ്ങൾക്ക് നേരെയാണ് ഇറാൻ്റെ ആക്രമണം ഉണ്ടായത്. ബഹ്റൈൻ, ഖത്തർ, കുവൈത്ത്, അബുദാബി, സൗദി തുടങ്ങിയ രാജ്യങ്ങളിലെ അമേരിക്കൻ സൈനിക താവളങ്ങൾക്ക് നേരെ ഇറാൻ മിസൈലാക്രമണം നടത്തി. മലയാളികളുൾപ്പെടെ ഇന്ത്യക്കാർ ലക്ഷക്കണക്കിന് പേരാണ് ഗൾഫ് രാജ്യങ്ങളിൽ ജോലി ചെയ്യുന്നത്. മലയാളികളുൾപ്പെടെ ആശങ്കയിലാണ്.
LATEST NEWS
- തൊടുപുഴയില് അഞ്ചു പതിറ്റാണ്ടിനുശേഷം തലമുറമാറ്റം; പി.ജെയ്ക്കു പകരം കന്നിയങ്കത്തിന് അപു, എന്ജിനീയറിംഗ് ബിരുദധാരി, പിതാവിനെപോലെ കര്ഷകനും ഗായകനും
- ഡോ. വന്ദനാദാസ് വധം: നിയമപോരാട്ടത്തില് നിര്ണായകമായത് വൈദ്യപരിശോധനാ മാര്ഗരേഖകള് നിരത്തി ആരോഗ്യപ്രവര്ത്തക ഡോ. കെ. പ്രതിഭയുടെ ഇടപെടല്
- അസാധാരണം; ഭരണമുന്നണിയുമായി അടുപ്പമുള്ളവര് എന്ന സംശയം, ഐ.പി.എസ്, ഐ.എ.എസ്. സ്ഥലംമാറ്റത്തില് തിരുത്തല്വരുത്തി കേന്ദ്ര തെരഞ്ഞെടുപ്പ് കമ്മിഷന്
- 13 വര്ഷത്തിനിടെ പാലക്കാട് ജില്ലയില് മരിച്ചത് 28 കുട്ടികള്; സി.ബി.ഐയോടും ക്രൈംബ്രാഞ്ചിനോടും റിപ്പോര്ട്ട് തേടി ഹൈക്കോടതി
- നഴ്സുമാരുടെ സമരം: ചര്ച്ച അലസി
