എം.ജി. കലോത്സവത്തിന് ഇന്ന് തിരിതെളിയും
തിരുവല്ല: മഹാത്മാഗാന്ധി സര്വകലാശാല യൂണിയന് കലോത്സവം 'ഇണൈമൈ'ക്ക് ഇന്നു തിരുവല്ലയില് തുടക്കമാകും. വൈകിട്ട് അഞ്ചിനു തിരുവല്ല പബ്ലിക് സ്റ്റേഡിയത്തിലെ കേരളം എന്ന മുഖ്യവേദിയില് കലയുടെ കളിവിളക്കു തെളിയും. മന്ത്രി സജി ചെറിയാന് ഉദ്ഘാടകനാകും. ഒന്പതു വേദികളിലായി വിവിധ കലാലയങ്ങളില്നിന്നുള്ള 11000ല് പരം വിദ്യാര്ഥികള് 91 ഇനങ്ങളില് മത്സരിക്കും. കേരളം, ആലിന് ഷെറിന്, വി.എസ്. അച്യുതാനന്ദന്, മുണ്ടക്കൈ ചൂരല്മല, ഭാവന, ലൈഫ്, ഷാജി എന്. കരുണ്, എം.ടി. വാസുദേവന് നായര്, എം.കെ. സാനു എന്നിങ്ങനെയാണ് വേദികളുടെ പേര്. തിരുവല്ല പബ്ലിക് സ്റ്റേഡിയം, മുനിസിപ്പല് സ്റ്റേഡിയം, മാര്ത്തോമ്മാ കോളജ് ഓഡിറ്റോറിയം, ടൈറ്റസ് സെക്കന്ഡ് ടീച്ചേഴ്സ് ഓഡിറ്റോറിയം, മാര്ത്തോമ്മാ കോളജ് സെമിനാര് ഹാള്, കൊമേഴ്സ് ഡിപ്പാര്ട്ട്മെന്റ് ഹാള്, മാത്സ് ഡിപ്പാര്ട്ട്മെന്റ് ഹാള്, ഹിസ്റ്ററി ഡിപ്പാര്ട്ട്മെന്റ് ഹാള്, എക്സാം ഹാള് എന്നിവിടങ്ങളിലാണ് വേദി. ഡോ. ഫിലിപ്പോസ് മാര് ക്രിസോസ്റ്റം, ചലച്ചിത്രതാരം എം.ജി. സോമന്, സംവിധായകന് കെ.ജി. ജോര്ജ് എന്നിവരുടെ നാമധേയങ്ങളില് കവാടങ്ങളും ഒരുക്കിയിട്ടുണ്ട്.
ടി.കെ. സുധീഷ് കുമാര്
LATEST NEWS
- തുടര്ച്ചയായി മൂന്നാം സ്ഥാനത്തേക്കു പിന്തള്ളപ്പെടുന്നു, പാലക്കാട്ട് വ്യാപാരിയെ പരീക്ഷിക്കാന് സി.പി.എം.
- ഒടുവില് വിളി കേട്ടു; മുകുന്ദന് നാട്ടികയില് എന്.ഡി.എ. സ്ഥാനാര്ഥി, ഒപ്പംകൂട്ടേണ്ടതില്ലെന്ന കോണ്ഗ്രസ് നിലപാടില് ബി.ജെ.പി. നടത്തിയ അതിവേഗകരുനീക്കം
- കെ.സിക്ക് മത്സരിക്കണം, മുഖ്യമന്ത്രിയാകണം; എം.പിമാര് മത്സരിച്ചാല് രമേശും സതീശനും മാറിനില്ക്കും, കെ. സുധാകരന്റെ സമ്മര്ദം കൃത്യമായ രാഷ്ട്രീയ അജന്ഡ
- സി.പി.എമ്മില് വിമതവിപ്ലവം! ,കണ്ണൂരില് ഗോവിന്ദന് സ് 'മാഷ്'
- നേമത്ത് രാജീവ് ചന്ദ്രശേഖര്; വട്ടിയൂര്ക്കാവില് ശ്രീലേഖ; പാലായില് ഷോണ്
