പാലക്കാട് ഐ.ഐ.ടിയില് വിദ്യാര്ഥിനിക്ക് ആക്രമണം
പാലക്കാട്: ഐ.ഐ.ടിയില് അജ്ഞാതന്റെ ആക്രമണത്തില് വിദ്യാര്ഥിനിക്ക് പരുക്ക്. സേലം സ്വദേശിയായ ബി.ടെക് അവസാന വര്ഷ വിദ്യാര്ഥിനി അശ്വിനി കണ്ണനു നേരേയാണ് 16 നു വൈകിട്ട് ഏഴോടെ കാമ്പസിനകത്ത് ആക്രമണം ഉണ്ടായത്. തലയ്ക്ക് ഗുരുതര പരുക്കേറ്റ വിദ്യാര്ഥിനി കോയമ്പത്തൂരിലെ സ്വകാര്യ മെഡിക്കല് കോളജില് ചികിത്സയിലാണ്.
അക്രമിയെക്കുറിച്ചും ആക്രമണത്തിനിടയായ കാരണത്തെക്കുറിച്ചും യാതൊരു വിവരവും ലഭിച്ചിട്ടില്ല. പതിവായി ജോഗിങിന് ഇറങ്ങാറുള്ള അശ്വനി ഹോസ്റ്റലില്നിന്ന് ഇറങ്ങി ഹില്ടോപ് ഭാഗത്തുപോയി തിരിച്ചുവരുമ്പോഴാണ് ആക്രമണം ഉണ്ടായത്. സാധാരണ ആരെങ്കിലും കൂടെ ഉണ്ടാവാറുണ്ടെങ്കിലും സംഭവം നടക്കുമ്പോള് ഒറ്റയ്ക്കായിരുന്നു. പിന്നിലൂടെ എത്തിയ അക്രമി തിരിഞ്ഞുനോക്കിയ അശ്വനിയെ മരം പോലുള്ള ഒരു വസ്തുകൊണ്ട് അടിച്ച് വീഴ്ത്തി. നെറ്റിയിലാണ് അടിയേറ്റത്. വീണ്ടും അടിക്കാന് ശ്രമിച്ചെങ്കിലും വാഹനത്തിന്റെ ശബ്ദം കേട്ട് അക്രമി ഓടി രക്ഷപ്പെട്ടു. ഇന്സ്റ്റിറ്റ്യൂട്ടിലെ മെഡിക്കല് ഓഫീസര് സ്ഥലത്തെത്തി പ്രഥമശുശ്രൂഷ നല്കിയാണ് ആശുപത്രിയിലേക്ക് മാറ്റിയത്. സംഭവമറിഞ്ഞ് കസബ ഇന്സ്പെക്ടര് എം. സുജിത്തിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. പരുക്കേറ്റ വിദ്യാര്ഥിനിയുടെ മൊഴിയെടുത്ത് കേസെടുത്തു.
ആക്രമണം നടന്ന ഭാഗത്ത്് സി.സി.ടിവി ക്യാമറയില്ല. അക്രമിയെ തിരിച്ചറിയാന് കഴിഞ്ഞിട്ടില്ല. സംഭവത്തില് സമഗ്ര അന്വേഷണം ആരംഭിച്ചെന്ന് സ്ഥലത്തെത്തിയ ജില്ലാ പോലീസ് മേധാവി അജിത്ത് കുമാര് പറഞ്ഞു. കൂടുതല് അന്വേഷണത്തിനായി പ്രത്യേക സംഘം രൂപീകരിച്ചിട്ടുണ്ട്.
കാമ്പസില് സുരക്ഷ ശക്തിപ്പെടുത്തുന്നതിനുള്ള അടിയന്തര നടപടികള് ആരംഭിക്കുന്നതിനായി ഇന്സ്റ്റിറ്റ്യൂട്ടില് ഉന്നതതല അവലോകന യോഗം ചേര്ന്നു. കൂടുതല് സി.സി.ടിവി കാമറകള് സ്ഥാപിക്കാനും സുരക്ഷാ പട്രോളിങ് വര്ധിപ്പിക്കാനും ധാരണയായി. വിദ്യാര്ഥികളുടെ സുരക്ഷ കണക്കിലെടുത്ത് കാമ്പസിനുള്ളില് യാത്ര ചെയ്യാന് ബസ്/ബഗികളുടെ സേവനം ഉപയോഗിക്കാന് നിര്ദ്ദേശിച്ചതായി ഡയറക്ടര് പ്രഫ. എ. ശേഷാദ്രി ശേഖര് അറിയിച്ചു.
LATEST NEWS
- തുടര്ച്ചയായി മൂന്നാം സ്ഥാനത്തേക്കു പിന്തള്ളപ്പെടുന്നു, പാലക്കാട്ട് വ്യാപാരിയെ പരീക്ഷിക്കാന് സി.പി.എം.
- ഒടുവില് വിളി കേട്ടു; മുകുന്ദന് നാട്ടികയില് എന്.ഡി.എ. സ്ഥാനാര്ഥി, ഒപ്പംകൂട്ടേണ്ടതില്ലെന്ന കോണ്ഗ്രസ് നിലപാടില് ബി.ജെ.പി. നടത്തിയ അതിവേഗകരുനീക്കം
- കെ.സിക്ക് മത്സരിക്കണം, മുഖ്യമന്ത്രിയാകണം; എം.പിമാര് മത്സരിച്ചാല് രമേശും സതീശനും മാറിനില്ക്കും, കെ. സുധാകരന്റെ സമ്മര്ദം കൃത്യമായ രാഷ്ട്രീയ അജന്ഡ
- സി.പി.എമ്മില് വിമതവിപ്ലവം! ,കണ്ണൂരില് ഗോവിന്ദന് സ് 'മാഷ്'
- നേമത്ത് രാജീവ് ചന്ദ്രശേഖര്; വട്ടിയൂര്ക്കാവില് ശ്രീലേഖ; പാലായില് ഷോണ്
