ദേശീയപാതയില്‍ ടിപ്പറും സ്‌കൂട്ടറും കൂട്ടിയിടിച്ച്‌ യുവാവിന്‌ ദാരുണാന്ത്യം

അടിമാലി: ദേശീയപാതയില്‍ ടിപ്പറും സ്‌കൂട്ടറും കൂട്ടിയിടിച്ച്‌ യുവാവിനു ദാരുണാന്ത്യം. മലപ്പുറം പോത്തുകല്ല്‌ കുനിപ്പാല സ്വദേശി ഷിജോ തോമസ്‌ (38) ആണു മരണമടഞ്ഞത്‌. അടിമാലി-കുമളി 185 ദേശീയപാതയില്‍ ഇരുന്നൂറേക്കര്‍ വള്ളപ്പടിയിലായിരുന്നു അപകടം. ഷിജോ സഞ്ചരിച്ച സ്‌കൂട്ടറില്‍ എതിരേ വന്ന ലോറി ഇടിക്കുകയായിരുന്നു. ഉടന്‍തന്നെ അടിമാലി താലൂക്ക്‌ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം താലൂക്ക്‌ ആശുപത്രി മോര്‍ച്ചറിയില്‍. അടിമാലിയില്‍ പലഹാരങ്ങള്‍ ഉണ്ടാക്കി വില്‍പന നടത്തിവരികയായിരുന്നു ഷിജോ.