7 അഡീഷണല് ജഡ്ജിമാരെ സ്ഥിരപ്പെടുത്താന് നടപടി
കൊച്ചി: ഹൈക്കോടതിയിലെ ഏഴ് അഡീഷണല് ജഡ്ജിമാരെ സ്ഥിരം ജഡ്ജിമാരാക്കാനുള്ള നടപടികള്ക്കു തുടക്കം. സുപ്രീം കോടതി കൊളീജിയത്തിന്റെ ശിപാര്ശ ലഭിച്ചാലുടന് തീരുമാനം ഉണ്ടാകുമെന്നു സര്ക്കാര് വൃത്തങ്ങള് അറിയിച്ചു. വി.എം. ശ്യാംകുമാര്, എം.എ. അബ്ദുള് ഹക്കീം, പി.എം. മനോജ്, എം.ബി. സ്നേഹലത, ഹരിശങ്കര് വി. മേനോന്, എസ്. മനു, എസ്. ഈശ്വരന് എന്നീ അഡീ. ജഡ്ജിമാരെയാണു സ്ഥിരം ജഡ്ജിമാരാക്കുന്നത്.
ഇതില് സ്നേഹലത 2024 ഏപ്രില് 25നും മറ്റുള്ളവര് അതേവര്ഷം മാര്ച്ച് 23 നുമാണ് അഡീഷണല് ജഡ്ജിമാരായി ചുമതലയേറ്റത്. രണ്ടുവര്ഷത്തേക്കായിരുന്നു നിയമനം. സ്നേഹലത ഒഴികെയുള്ളവരുടെ അഡീഷണല് ജഡ്ജി കാലാവധി മാര്ച്ച് 21 ന് അവസാനിക്കും. സ്നേഹലതയുടെ കാലാവധി ഏപ്രില് 24 ന് ആണ് അവസാനിക്കുന്നത്. ഈ സാഹചര്യത്തിലാണ് ഈ ആറ് അഡീഷണല് ജഡ്ജിമാരെയും സ്ഥിരം ജഡ്ജിമാരായി നിയമിക്കാനുള്ള നടപടി ആരംഭിച്ചത്.
LATEST NEWS
- എം.പിമാരെ ഒഴിവാക്കി കോണ്ഗ്രസിന്റെ ആദ്യ പട്ടിക; 55 പേര് അങ്കത്തട്ടില്
- ഡോ. വന്ദനാ ദാസ് വധം: പ്രതി കുറ്റക്കാരന്, ശിക്ഷ നാളെ
- എം.പിമാര്ക്ക് സീറ്റില്ല; ഇടഞ്ഞ് സുധാകരന് , കോണ്ഗ്രസ് 92 സീറ്റുകളില് മത്സരിക്കും
- തെരഞ്ഞെടുപ്പ് പ്രചാരണത്തിന് പിണറായി പിണറായിയില്..
- തൊണ്ടിമുതല് തിരിമറി കേസ്: ആന്റണി രാജുവിന്റെ ഹര്ജി തള്ളി
