നടയടച്ചതിനു പിന്നാലെ എസ്.ഐ.ടി. വീണ്ടും ശബരിമല സന്നിധാനത്ത്
പത്തനംതിട്ട: മകരവിളക്ക് തീര്ഥാടനം കഴിഞ്ഞ് ശബരിമല നടയടച്ചതിനു പിന്നാലെ, സ്വര്ണക്കവര്ച്ച കേസില് കൂടുതല് തെളിവെടുപ്പിനായി പ്രത്യേകാന്വേഷണസംഘം (എസ്.ഐ.ടി) സന്നിധാനത്ത്. പ്രതികളുടെ വീട്ടിലും സന്നിധാനത്തും ഉള്പ്പെടെ ഇ.ഡി. പരിശോധന നടത്തിയതിനു പുറമേയാണ് എസ്.ഐ.ടിയും പരിശോധന തുടരുന്നത്.ഇന്നലെ പുലര്ച്ചെ മൂന്നിന് ആറന്മുളയിലെത്തിയ ഇ.ഡി. സംഘം രാവിലെ ഏഴോടെ പാര്ത്ഥസാരഥി ക്ഷേത്രത്തിന്റെ പടിഞ്ഞാറേനടയ്ക്കു സമീപം തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ. പത്മകുമാറിന്റെ കീച്ചംപറമ്പില് വീട്ടിലെത്തി. രണ്ട് കാറുകളിലായി, സി.ആര്.പി.എഫ്. സുരക്ഷയിലാണ് ഇ.ഡി. കോഴിക്കോട് യൂണിറ്റില്നിന്നുള്ള സംഘമെത്തിയത്. പരിശോധന 10 മണിക്കൂറോളം നീണ്ടു. ദേവസ്വം റിട്ട. എക്സിക്യൂട്ടീവ് എന്ജിനീയര് ഡി. സുധീഷ്കുമാറിന്റെ അടൂര്, മണ്ണടി ദേശംകല്ലുംമൂട്ടിലെ വീട്ടിലും ഇ.ഡി. പരിശോധന നടത്തി. രാവിലെ 10.15-ന് തുടങ്ങിയ പരിശോധന ഉച്ചകഴിഞ്ഞ് അവസാനിച്ചു.
LATEST NEWS
- എം.പിമാരെ ഒഴിവാക്കി കോണ്ഗ്രസിന്റെ ആദ്യ പട്ടിക; 55 പേര് അങ്കത്തട്ടില്
- ഡോ. വന്ദനാ ദാസ് വധം: പ്രതി കുറ്റക്കാരന്, ശിക്ഷ നാളെ
- എം.പിമാര്ക്ക് സീറ്റില്ല; ഇടഞ്ഞ് സുധാകരന് , കോണ്ഗ്രസ് 92 സീറ്റുകളില് മത്സരിക്കും
- തെരഞ്ഞെടുപ്പ് പ്രചാരണത്തിന് പിണറായി പിണറായിയില്..
- തൊണ്ടിമുതല് തിരിമറി കേസ്: ആന്റണി രാജുവിന്റെ ഹര്ജി തള്ളി
